ဆိုလာမီးတပ်ဆင်ပေးမယ်ဆိုပြီး ငွေလိမ်လည်သူ ၅ ဦးကို ဖမ်းဆီး

နေရောင်ခြည်စွမ်းအင်သုံး ဆိုလာပြားတစ်ချပ်ကို တွေ့ရစဉ် / Photo: www.stlouiscountymn.gov
ဧရာဝတီတိုင်းဒေသကြီးအတွင်း ဆိုလာမီး တပ်ဆင်ပေးမယ်ဆိုပြီး ထောင်နဲ့ချီတဲ့ အိမ်ထောင်စုတွေဆီကနေ ငွေကြေးလိမ်လည်သူ ၅ ဦးကို လပွတ္တာမြို့မရဲစခန်းမှာ ပုဒ်မ ၃ ခုနဲ့ ဖမ်းဆီးထိန်းသိမ်းထားတယ်လို့ လပွတ္တာမြို့နယ် တိုင်းလွှတ်တော်ကိုယ်စားလှယ် ဦးထွန်းလှ က ဒီနေ့ ပြောပါတယ်။

ဒေသခံ လူမှုရေးအဖွဲ့တစ်ဖွဲ့ကို အသုံးချပြီး ရွာတွေမှာ စည်းရုံးပြီး ငွေတွေကောက်ခံသွားတာဖြစ်တယ်လို့ လိမ်လည်သူတွေကို ဖမ်းဆီးရာမှာ ပါဝင်ခဲ့တဲ့ လပွတ္တာမြို့နယ် တိုင်းလွှတ်တော်ကိုယ်စားလှယ် ဦးထွန်းလှ က ပြောပါတယ်။

"ဒေသခံ လမ်းပြကြယ်ဆိုတဲ့ NGO အဖွဲ့လေးတစ်ဖွဲ့ရှိတယ်၊ လပွတ္တာထဲမှာလေ၊ အဲဒီအဖွဲ့လေးကို သူတို့က အသုံးချတဲ့သဘောရှိတယ်၊ အဖွဲ့လေးက သိတဲ့ကျွမ်းတဲ့သူတွေကို ခေါ်သွားပြီးတော့ ရွာတွေကိုဆင်း စည်းရုံးပြီးတော့ ငွေကောက်တာတွေ၊ ၅ ထောင်ကောက် တစ်ချို့လည်း တစ်သောင်းပေါ့လေ၊ အဲလိုမျိုးလေးတွေ၊ ဆိုလာမီးထွန်းလို့ရတဲ့တစ်စုံပေါ့၊ ၃ သိန်းလောက်ရှိမယ်၊ အဲဒါပေးမယ်ဆိုတဲ့သဘောနဲ့ သူတို့က ကောက်တယ်၊ စခန်းမှာ အဲဒီကိစ္စစစ်ဆေးနေတယ်"

ဖမ်းဆီးထိန်းသိမ်းထားသူ ၅ ဦးကို ရာဇသတ်ကြီးဥပဒေပုဒ်မ ၄၂၀၊ ၄၆၈ နဲ့ ၁၁၄ တို့နဲ့ တရားစွဲဆိုပြီး ဖမ်းဆီးထားတာဖြစ်ပါတယ်။

လိမ်လည်သူတွေက သူတို့ကိုယ်တိုင်လုပ်ပေးမှာမျိုးမဟုတ်ဘဲ အရင်က နာမည်ပျက် စာရင်းအသွင်းခံထားရတဲ့ ကုမ္ပဏီတွေက တာဝန်ယူလုပ်ကိုင်ပေးမှာဖြစ်ကြောင်း ပြောဆိုပြီး အိမ်ထောင်စုတစ်စုကို ငွေကျပ် တစ်သောင်းနှုန်းနဲ့ ကောက်ယူတာဖြစ်တယ်လို့ ဦးထွန်းလှ က ပြောပါတယ်။

အဲဒီလိုငွေလိမ်လည်သူ ၅ ဦးကို ပြီးခဲ့တဲ့ နိုဝင်ဘာလ ၂၆ ရက်နေ့ညက လပွတ္တာမြို့နယ်၊ ဓမင်းချောင်းလေး ကျေးရွာမှာ ဖမ်းမိခဲ့တာဖြစ်ပြီး လပွတ္တာခရိုင်အုပ်ချုပ်ရေးမှူးဦးဆောင်ပြီး စစ်ဆေးနေတာ ဖြစ်တယ်လို့ ဧရာဝတီတိုင်းဒေသကြီး လျှပ်စစ်၊ စွမ်းအင်၊ စက်မှုလက်မှုနဲ့ လမ်းပန်းဆက်သွယ်ရေး ၀န်ကြီး ဦးဝင်းဌေး က ပြောပါတယ်။

အလားတူပုံစံမျိုး ကျေးရွာတွေမှာ ဆိုလာမီးတွေတပ်ဆင်ပေးမယ်ဆိုပြီး ငွေလိမ်လည်မှုတွေဟာ မကြာခဏ ဖြစ်ပွားနေတဲ့အတွက် ရပ်ကျေးအုပ်ချုပ်ရေးမှူးတွေကို မေးမြန်းစုံစမ်းသင့်ကြောင်း ဦးဝင်းဌေး က ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ