AA စစ်ဦးစီးချုပ် မွေးနေ့ အမှတ်တရ မီးပုံးပျံလွတ်တင်သူ ပုဒ်မ ၁၇(၁)ဖြင့် ဖမ်းဆီးတရားစွဲဆိုခံရ


နိရဉ္စရာ၊ နိုင်ဝင်ဘာ ၁၂

ULA/ AA စစ်ဦးစီးချုပ်၏ (၃၉) နှစ်ပြည့် မွေးနေ့ အမှတ်တရ အဖြစ် မီးပုံးပျံ လွတ်တင်သူ တစ်ဦးကို ကျောက်ဖြူရဲစခန်းမှ ဖမ်းဆီးပြီး မတရားအသင်း ဆက်သွယ်မှု ပုဒ်မ ၁၇(၁) ဖြင့် အမှုဖွင့် တရား စွဲဆိုလိုက်သည်ဟု သတင်းရရှိသည်။

ဖမ်းဆီးတရားစွဲခံရသူမှာ ကျောက်ဖြူမြို့နယ်၊ လိပ်ခမော်ကျေးရွာမှ ဦးလှထွန်းကျော် ဖြစ်ကြောင်း သိရသည်။

‘‘ အေအေ စစ်ဦးစီးချုပ် ထွန်းမြတ်နိုင် အသက် (၃၉)နှစ်ပြည့် မွေးနေ့ ဂုဏ်ပြုအမှတ်တရ မီးပုံးပျံ လွတ်တင်တဲ့ အတွက် အမှုဖွင့်လိုက်တာပါ။ ၁၇(၁)နဲ့ ဖွင့်လိုက်တာပါ ’’ ဟု ကျောက်ဖြူမြို့မ ရဲစခန်းမှူး ဒုရဲမှူး ကျော်ဇောက နိရဉ္စရာသို့ အတည်ပြု ပြောကြားသည်။


အဆိုပါ မီးပုံပျံ လွတ်တင်မှုနှင့် ပတ်သက်ပြီး နိုဝင်ဘာလ ၁၁ ရက် နေ့လယ်ပိုင်းက ကျောက်ဖြူ မြို့နယ် လိပ်ခမော်ကျေးရွာနေ ဦးစန်းမောင်ကို ပထမဦးစွာ ကျောက်ဖြူ ရဲစခန်းမှ ခေါ်ယူ စစ်ဆေးခဲ့သည်။

ဦးစန်းမောင်ကို ခေါ်ယူစစ်ဆေးပြီးနောက် ၎င်းနေ့ နေ့လယ်ပိုင်းတွင်ပင် လိပ်ခမော်ကျေးရွာနေ ဦးလှထွန်းကျော်ကို ၎င်းနေထိုင်ရာကျေးရွာသို့ ရဲတပ်ဖွဲ့ဝင်များက လာရောက်ဖမ်းဆီးခဲ့သည်ဟု ကျေးရွာသားများက ပြောကြားသည်။

ဦးစန်းမောင်ကို ဖမ်းဆီးသည့် နိုဝင်ဘာ ၁၁ ရက် ညနေပိုင်းတွင် ပြန်လည်လွတ်ပေးခဲ့သော်လည်း ဦးလှထွန်းကျော်ကိုမူ ဆက်လက် ဖမ်းဆီးထားကာ မတရားအသင်းဆက်သွယ်မှု ပုဒ်မ ၁၇(၁)ဖြင့် အမှုဖွင့်လိုက်ကြောင်း ကျောက်ဖြူမြို့မရဲစခန်းမှ ဒုရဲမှူးက ပြောကြားသည်။

ကျော်ဝင်း ( ကျောက်ဖြူ )
Narinjara
https://www.facebook.com/Narinjara/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ