UWSA တပ်မဟာ ၄၆၈ တပ်မှူး၏ သားကြီး ပစ်သတ်ခံရ


UWSA တပ်မဟာ ၄၆၈ တပ်မဟာမှူး၏သားကြီး တဦးက ဒေသခံ များ နှင့် ခိုက်ရန် စကားများကာ တနင်္လာနေ့က ပစ်သတ်ခံလိုက်ရသည် ဟု သိရသည်။

အောက်တိုဘာလ ၁ ရက်နေ့ နံနက် ၈ နာရီ ထိုးခါနီးအချိန် ၀ ပြည်သွေးစည်းညီညွှတ်ရေးတပ်မတော် UWSA တပ်မဟာ ၄၆၈ တပ်မဟာမှူး ဦးပေါက်အိုက်ပန်း ၏သားကြီး မိုင်းလားမြို့ ဟော်တယ် တခု တွင် တည်းခို စဉ် ပစ်သတ်ခံလိုက်ရသည်ဟု သိရသည်။

“သူမအိပ်ဘူး ၊ တညလုံး ၊ ရမ်းကား ပြီး တွေ့တဲ့သူတိုင်းကို ဆူတယ် ဆဲတယ်။ နံနက်ပိုင်း အထိဘဲ။ လုံခြုံရေးကို ခေါ်ရတယ်။ လုံခြုံရေး က နေ ဝင်တားတယ်။ သူက သေနတ်နဲ့ထုတ်ပြီး ပစ်ဖို့ လုပ်တော့ လုံခြုံရေးတပ်ကနေ အရင်ပစ်လိုက်တာ” – ဟု ဟိုတယ် ဝန်ထမ်း တဦးက ပြောသည်။

အဆိုပါ သေဆုံးသူသည် ဖခင်ဖြစ်သူ တပ်မဟာ ၄၆၈ တပ်မဟာမှူး ပေါက်အိုက်ပန်း ၏ အာဏာ ကိုအလွဲသုံးစားပြုကာ သွားလာကြောင်း၊ သေနတ်ဖြင့် ငွေ နှင့် အာဏာအသုံးပြုကာ သူအများ နှင့် ဆက်ဆံ ကြောင်း၊ အဆိုပါ ပစ်သတ်ခံရမှုသည် မူးယစ်ဆေးဝါး သုံးဆွဲမှုလဲ ပါဝင်ကြောင်း၊ ၎င်းအား သိကျွမ်းသည့် ဝ အရာရှိငယ်တဦးဖြစ်သည့် ဆိုင်းနပ် က ပြောသည်။

တပ်မဟာ ၄၆၈ တပ်မဟာမှူး ပေါက်အိုက်ပန်း သည် ၀ ခေါင်းဆောင် ပေါက်ယူချမ်း ၏ တူ ဖြစ်ကြောင်း၊ လီအိုက်ဆု တပ်မဟာ မှူး အားဖြုတ်ချပြီး ၎င်းက တပ်မဟာမှူးတာဝန် ဝင်ရောက်ထမ်းဆောင် လာခြင်း ဖြစ်ကြောင်း၊၂၀၁၆ ခု စက်တင်ဘာ ၂၈ ရက်နေ့ မိုင်းလားတပ်ဖွဲ့၏ တပ်စခန်း ၅ ခုအား ဝင်ရောက် သိမ်းပိုက်စဉ်ကလည်း ၎င်းမှ ဦးဆောင်ကြောင်း၊ လက်ရှိ မိုင်းလားနယ်မြေ အတွင်း ရှိသည့် ၀ တပ်ဖွဲ့အားလုံးအားလည်း ၎င်းက ကွပ်ကဲသည်ဟုသိရသည်။

သျှမ်းသံတော်ဆင့်
http://burmese.panglong.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ