လူသားချင်းစာနာမှုအကူအညီတွေပေးနေတဲ့ အဖွဲ့တွေ သွားလာခွင့် ကန့်သတ်ခံရကြောင်း UNOCHA ထုတ်ပြန်

ဓါတ်ပုံ - ကချင်ပြည်နယ် လိုင်ဇာရှိ နေရပ်စွန့်ခွာတိမ်းရှောင်သူများထံ အကူအညီပေးရေးပစ္စည်းများ သယ်ဆောင်လာသော ပဋိပက္ခဖြစ်ပွားနေသည့်နေရာများကို ဖြတ်ကျော်သွားရောက်သည့် အကူအညီပေးရေး ယာဉ်တန်း ၂၀၁၄ ဖေဖော်ဝါရီ။ လူသားချင်းစာနာမှုဆိုင်ရာညွှိနှိုင်းရေးရုံး /အီဗာမော့ဒ်ဗစ်။ Photo: United Nations OCHA Myanmar's facebook
ကချင်ပြည်နယ်နဲ့ ရှမ်းပြည်နယ်အတွင်းမှာ လူသားချင်းစာနာမှုဆိုင်ရာ အကူအညီပေးရေး အဖွဲ့အစည်းတွေကို အစိုးရက သွားလာခွင့် ကန့်သတ်ထားတဲ့အတွက် အကူအညီပေးပို့နိုင်တဲ့ပမာဏနဲ့ အရည်အသွေးတွေ ထိခိုက်နေတယ်လို့ UNOCHA က မနေ့က ထုတ်ပြန်ထားပါတယ်။

လူသားချင်းစာနာမှု ဆိုင်ရာ အကူအညီပေးရေးသွားလာခွင့် တိုးတက်ကောင်းမွန်လာခြင်းမရှိရင် အမျိုးသမီးတွေ ကလေးတွေနဲ့ သက်ကြီးရွယ်အိုတွေအပါအ၀င် ထိခိုက်လွယ်တဲ့ အခြေအနေရှိတဲ့သူတွေအနေနဲ့ လိုအပ်နေတဲ့ အကူအညီတွေနဲ့ ကာကွယ်စောင့်ရှောက်မှုတွေကို ရရှိမှာ မဟုတ်ဘူးလို့လည်း ဆိုထားပါတယ်။

၂၀၁၆ မေလ ကစပြီး အစိုးရထိန်းချုပ်မှု ပြင်ပမှာရှိတဲ့ ဒေသတွေ၊ ပဋိပက္ခ ဖြစ်ပွားနေတဲ့နေရာတွေကို သွားရောက်ပြီး အကူအညီတွေ ပေးခွင့်မရတော့တာဖြစ်ပြီး လက်ရှိအချိန်အထိ အကူအညီပေးခွင့်မရတာ ၁၅ လကျော် ကြာမြင့်နေပြီ ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။ အစိုးရထိန်းချုပ်မှုပြင်ပ ဒေသတွေမှာ နေရပ်စွန့်ခွာတိမ်းရှောင်သူ လူဦးရေ ၄သောင်းခန့် ရှိတယ်လို့ UNOCHA ရဲ့ ထုတ်ပြန်ချက်မှာ ပါရှိပါတယ်။

အစိုးရထိန်းချုပ်မှုအောက်က ဒေသတွေမှာလည်း အစိုးရအနေနဲ့ ကုလသမဂ္ဂအဖွဲ့အစည်းတွေ၊  နိုင်ငံတကာက အစိုးရမဟုတ်တဲ့ အဖွဲ့အစည်းတွေရဲ့ လုပ်ငန်းဆောင်ရွက်တာတွေ၊ သွားလာလှုပ်ရှားတာတွေနဲ့ စပ်လျဉ်းပြီး တင်းကြပ်တဲ့ ကန့်သတ်မှုအသစ်တွေကို ချမှတ်ဆောင်ရွက်နေတယ်လို့လည်း ပါရှိပါတယ်။

ဒါ့အပြင် နိုင်ငံတကာ အဖွဲ့အစည်းတွေက ဝန်ထမ်းတွေဟာ မြို့အပြင်ဘက်မှာရှိတဲ့ နေရပ်စွန့်ခွာတိမ်းရှောင်သူ စခန်းတွေသွားလာခွင့်ကို ဆက်လက်ခွင့်ပြုပေးတာမျိုး မရှိတော့ဘဲ၊ ခရီးသွားလာခွင့် ခွင့်ပြုချက်တောင်းခံရာမှာ လည်း အချိန်များစွာကြာမြင့်တဲ့ လုပ်ငန်းဆောင်ရွက်မှုတွေ ရှိနေတယ်လို့ ထုတ်ပြန်ချက်မှာ ပါရှိပါတယ်။

ပြည်တွင်း အဖွဲအစည်းတွေအနေနဲ့ နေရာဒေသ အများစုကို ဆက်ပြီး သွားလာနိုင်နေပေမယ့် အကူအညီပေးရေး လုပ်ငန်းတွေ ဆောင်ရွက်ရာမှာ အခက်အခဲ ကြုံနေရတယ်လို့ UNOCHA ရဲ့ မနေ့က ထုတ်ပြန်ချက်မှာ ဖော်ပြထားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ