နမ္မတူမြို့နယ်အတွင်း TNLA တပ် နှင့် အစိုးရတပ်ကြား တိုက်ပွဲများပြန်ဖြစ်လာ


အောက်တိုဘာလ ၃ ရက် ၂၀၁၇

သျှမ်းပြည်မြောက်ပိုင်း နမ္မတူမြို့နယ်အတွင်း အစိုးရတပ်မတော်နှင့် တအာင်းတပ်တို့ တိုက်ပွဲများ စက်တင်ဘာလ ကုန်ပိုင်းနှင့် အောက်တိုဘာလဆန်းပိုင်း အတွင်း တိုက်ပွဲများပြန်လည်ဖြစ်ပွားဖြစ်ပွါးရာ ယနေ့အထိ စစ်ရေးပြန်လည်တင်းနေသည်ဟုဆိုသည်။

အောက်တိုဘာလ ၁ ရက်နေ့က အင်အား ၂၀၀ ခန့်ရှိ အစိုးရတပ်မတော်၏ လှုပ်ရှားစစ်ကြောင်း တကြောင်းက နမ္မတူမြို့နယ် မန့်ဆာလုံအုပ်စု ၀မ့်လောက်လုံအနီး ပြောင်းဖူးခင်းတွင်လှုပ်ရှားနေသော တအာင်းတပ်ဖွဲ့နှင့် ထိပ်တိုက်တွေ့ကာ ပစ်ခတ်မှုဖြစ်ပွါးခဲ့သည်။

နမ္မတူမြို့နယ် ပြည်နယ်လွှတ်တော်အမှတ် ၂ ကိုယ်စားလှယ် နန်းစံဟွမ်က - ဘယ်လောက်ထိခိုက် ဒဏ်ရာရ သလဲဆိုတာတော့ကျမတို့မသိနိုင်ဘူး။ ဒါပေမယ့် တအာင်းတပ်ကတော့ လောက်လုံရွာသား တွေရဲ့ ပြောင်းခြံဘက်မှာလှုပ်ရှားနေတယ်။ ရွာသားတွေ ခြံမသွားရဲဘူး၊ လယ်ယာခြံမြေသွားလုပ်ဖို့ မ၀ံ့မရဲဖြစ်နေတယ်လို့ပြောနေသံကြားတယ်။ မြေမြုပ်မှိုင်းတွေဘာတွေရှိမှာစိုးလို့။ - ဟု သျှမ်းသံတော်ဆင့် သို့ပြောပြသည်။

နမ္မတူမြို့ဒေသခံ နန်းရွှေ က တိုက်ပွဲဖြစ်တဲ့ရွာက လားရှိုးဘက်နီးတယ်။ လားရှိုးအနီးအနားကို ဘဲ ခိုလုံကြတယ်ထင်တယ်။ နမ္မတူမြို့ပေါ်လာတာမရှိဘူး။ အစိုးရတပ်က လေယာဉ်လာဝဲနေတာတော့ ရှိနေတယ်။ ဆိုတော့ရွာသားတွေကြောက်လှန့်ကြတာပေါ့ ၊ သီတင်းကျွတ်ကာလ မှာ ခြံထွက်ပစ္စည်း ဆင်းယူရောင်းဖို့ လဲ မရတော့ အလှူအဒါန်းပြုချိန် ရွာသူရွာသားတွေ အခက်အခဲဖြစ်တာပေါ့ - ဟု ပြောသည်။

စက်တင်ဘာလအတွင်း အစိုးရတပ်မတော် နှင့် တအာင်းအမျိုးသား လွတ်မြောက်ရေးတပ်မတော် TNLA အကြား တိုက်ပွဲများ ၁၂ ကြိမ်ဖြစ် ပွားကြောင်း TNLA ပြန်ကြားရေးဌာနက ထုတ်ပြန်ထားသည်။ TNLA သည် တနိုင်ငံလုံးအပစ်ခတ်ရပ်စဲရေးစာချုပ် NCA လက်မှတ်ရေးထိုးပြီး ငြိမ်းချမ်းရေးတည်ဆောက် သည့် နည်းလမ်း အလုပ်မဖြစ်ဟု ဆိုသည့် ၀ ပြည်သွေးစည်းညီညွတ်ရေးတပ်မတော် UWSA ဦးဆောင်သည့် မြောက်ပိုင်းမဟာမိတ် ၇ ဖွဲ့ တွင် ပါဝင်သည်။

သျှမ်းသံတော်ဆင့်
https://www.facebook.com/Panglong.burmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ