ကျိုင်းတုံမြို့အကျဉ်းထောင်တွင် အစိုးရတပ်မတော်မှ ဖမ်းထားသည့် RCSS/SSA တပ်သားနှစ်ဦးအား တနင်္လာနေ့ရုံးတင် စစ်ဆေးမည်


သျှမ်းပြည်အရှေ့ပိုင်းကျိုင်းတုံမြို့ အကျဉ်းထောင်တွင် အစိုးရတပ်မတော်မှ ဖမ်းဆီးချုပ်နှောင်ထား သည့် သျှမ်းပြည် ပြန်လည် ထူထောင်ရေးကောင်စီ သျှမ်းပြည်တပ်မတော် RCSS/SSA ၏ တပ်သား ၂ ဦးအား အောက်တိုဘာလ ၉ ရက် တနင်္လာနေ့ တွင် ရုံးတင်စစ် ဆေးမည်ဟု သိရသည်။

“အမှန်ကတော့ စက်တင်ဘာလ ၂၉ ရက်နေ့တုန်းက ရုံးချိန်းထားတာ။ ရုံးချိန်းထားပြီး တရားသူကြီး တွေက မလာဘူး။ မလာဘဲ နဲ့ ဒါကို အောက်တိုဘာလ ၉ ရက်နေ့မှာ ထပ်ချိန်းပေးလိုက်တာ” – ဟု ကျိုင်းတုံမြို့ RCSS/SSA ၏ ဆက်ဆံရေးရုံးတာဝန်ခံ ဗို လ်မှူးစိုးမိန်းက သျှမ်းသံတော်ဆင့်အား ပြောသည်။

သျှမ်းပြည်အရှေ့ပိုင်း မိုင်းပျဉ်းမြို့နယ် အတွင်း အခြေချလှုပ်ရှားနေသော RCSS/SSA ၏စစ်ကြောင်းမှ တပ်သား ၂ ဦးဖြစ်သော စိုင်းဆေလုံနှင့်စိုင်းလုံတို့ ၂ ဦးအား မိုင်းပူးလုံအုပ်စု ကိန်းဟင်ရွာတွင် မိုင်းဆတ်အခြေစိုက် ခမရ ၅၂၇ မှ စစ်ကြောင်းက ဂျူလိုင် လ ၂၅ ရက်နေ့က ဖမ်းဆီးကာ သြဂတ်စ်လ ၂၆ ရက်နေ့က ကျိုင်းတုံစစ်သို့ ပို့ လွှဲပြောင်းချုပ်နှောင်ထားခြင်းဖြစ်ကြောင်း RCSS/SSA ပိုင် Tai Freedom ၀က်ပ်ဆိုက်တွင်ဖော်ပြထားသည်။

“မကြာခင်ရက်ပိုင်းအတွင်းမှာ နမ့်စန် သို့မဟုတ် ခိုလမ် တနေရာရာပေါ့ အဲ့မှာ JMC-S အစည်းအဝေး ရှိတယ်။ အဲ့ဒီမှာ လည်း ကျနော်တို့ဒီအကြောင်းကိုထည့်သွင်းဆွေးနွေးပါမယ်။ ကျနော်တို့က NCA လက်မှတ်ရေးထိုး ထားတဲ့အဖွဲ့ဆိုတော့ ဘာဘဲ ဖြစ် ဖြစ် တွေ့ဆုံဆွေးနွေးအဖြေရှာတဲ့ နည်းလမ်းနဲ့ သွားရမယ်လေ” – ဟု RCSS/SSA ပြောခွင့်ရ ဗိုလ်မှူးကြီးစိုင်းငင်းက သျှမ်းသံ တော်ဆင့် အားပြောပြသည်။

RCSS/SSA ၏ တပ်သား ၂ ဦးသည် အသုံးအဆောင်ပစ္စည်းများဖြစ်ကြသည့် ဆပ်ပြာ၊ သွားတိုက်ဆေး များ ၀ယ်ရန် ဆိုင်ကယ် ဖြင့် ရွာအတွင်း ဆင်းချိန် အစိုးရ တပ်မတော်မှ ဖမ်းဆီးခြင်းဖြစ်ကြောင်း၊ စစ်လက်နက်ပစ္စည်း များ လက်ဝယ်ထားရှိမှု၊ လူထုထံ အခွန်ကောက်ခံမှုစသည့် အကြောင်းပြချက် ဖြင့် အစိုးရတပ်မတော် တရားစွဲ ဆိုထားကြောင်း ဆိုသည်။

တနိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် NCA လက်မှတ်ရေးထိုးထားသည့် RCSS/SSA ဘက်ကလဲ သျှမ်းပြည်တောင် ပိုင်း မိုင်းကိုင်မြို့နယ် အတွင်း လှုပ်ရှားနေသည့် အစိုးရ တပ်မတော် စစ်ကြောင်းမှ တပ်ပြေး တဦးအား RCSS/SSA မှ ဖမ်းဆီး ထားကြောင်း၊ အဆိုပါ ဖမ်းဆီးခံ တပ်မတော်သားတဦးအား ပြန်လည် လွှဲအပ်ပေးနိုင်ရန် ဆက်သွယ်သော်လည်း အစိုးရ တပ် မတော် ဘက်မှ တုန့်ပြန်မှု မရှိသေးကြောင်း – RCSS ဘက်က ပြောသည်။

သျှမ်းသံတော်ဆင့်/ဟွမ်ဟိန်း
http://burmese.panglong.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ