 |
| Las Vegas မြို့ ရဲတပ်ဖွဲ့ အကြီးအကဲ Joe Lombardo |
"တနေရာရာမှာ အကူအညီယူခဲ့တာမျိုး ရှိကိုရှိမှာဖြစ်ပြီး ဒါကိုအဖြေရှာဖို့ လိုအပ်ကြောင်းနဲ့ တကိုယ်တော် လုပ်ခဲ့တာ ဆိုရင်တော့ အင်မတန်ကို စွမ်းတဲ့သူ ဖြစ်ကောင်း ဖြစ်နိုင်ပေမဲ့ ယုံဖို့ခက်တဲ့အကြောင်း" Las Vegas ရဲတပ်ဖွဲ့ အကြီးအကဲ က ပြောဆိုသွားတာပါ။
တနင်္ဂနွေနေ့ညက ကျေးလက်ဂီတ ဖျော်ဖြေပွဲတခု ကျင်းပနေစဉ် သောင်းနဲ့ချီတဲ့ လူအုပ်ထဲကို၊ အနီးအနားမှာရှိတဲ့ Mandalay Bay ဟိုတယ်နဲ့ ကာစီနို လောင်းကစားရုံ အပေါ်ထပ် ၃၂ ထပ်ကနေ ပစ်ခတ်ခဲ့ရာက လူပေါင်း ၅၈ ယောက် သေဆုံးပြီး၊ ၅၀၀ ကျော် ဒဏ်ရာရခဲ့ပါတယ်။ သေနတ်သမားနဲ့ ပတ်သက်လို့ သတင်းအချက်အလက်တွေကို သိရှိထားတဲ့သူတွေ ရှောင်တိမ်းသွားတာမျိုး မဖြစ်စေချင်တာကြောင့် အခုအချိန်အထိ စုံစမ်းသိရှိထားတဲ့ အချက်အလက်တွေကို ထုတ်ဖော်မပြောလိုကြောင်းလည်း ရဲတပ်ဖွဲ့ အကြီးအကဲက ပြောဆိုခဲ့တာပါ။
သေနတ်သမား Paddock ရဲ့ ရည်းစားဖြစ်သူကတော့ အကြမ်းဖက် တိုက်ခိုက်ဖို့ စီစဉ်နေကြောင်း သူမသိဘူးလို့ ရှေ့နေ့ကတဆင့် ပြောဆိုထားပါတယ်။ ရည်းစားဖြစ်သူ Marilou Danley ကတော့ တိုက်ခိုက်မှုဖြစ်တဲ့ တနင်္ဂနွေနေ့မှာ ဖိလစ်ပိုင်နိုင်ငံကို ရောက်နေတာပါ။ ဖိလစ်ပိုင်မှာ ရောက်နေတဲ့ သူ့ရည်းစားကိုတော့ Paddock က အိမ်ဝယ်ဖို့ ဒေါ်လာတသိန်း ငွေလွှဲပေးခဲ့ပါတယ်။
ဗွီအိုအေ (မြန်မာပိုင်း)
https://burmese.voanews.com
Las Vegas သေနတ်သမား တကိုယ်တော်လှုပ်ရှားခဲ့သလားဆိုတာ သံသယရှိနေ
Reviewed by THITHTOOLWIN
on
20:06
Rating:
Reviewed by THITHTOOLWIN
on
20:06
Rating:
