Las Vegas သေနတ်ပစ်ခတ်မှု လူ ၅၉ ဦးထက် မနည်းသေဆုံး ၅၂၇ ဦး ဒဏ်ရာရ

အမေရိကန်ပြည်ထောင်စု Nevada ပြည်နယ် Las Vegas မြို့မှာ သေနတ်နဲ့ပစ်ခတ်မှုကြောင့် အမြောက်အများသေဆုံး ဒဏ်ရာရခဲ့သူတွေအတွက် ငြိမ်သက်ဆုတောင်းပွဲကို အိမ်ဖြူတော် တောင်ဖက်မြက်ခင်းပြင်ပေါ်မှာ သမ္မတ Donald Trump က ဦးဆောင်ပြုလုပ်ခဲ့ပါတယ်။

၅၉ ယောက်ထက် မနည်းသေဆုံးပြီး ၅၂၇ ယောက်ထိခိုက်ဒဏ်ရာရခဲ့တဲ့ ပစ်ခတ်မှုဟာ လတ်တလောနှစ်တွေအတွင်း အမေရိကန်သမိုင်းမှာအဆိုးဆုံး အစုလိုက် အပြုံလိုက် သေဆုံးထိခိုက်တဲ့ ပစ်ခတ်မှုဖြစ်ပါတယ်။ နိုင်ငံတဝန်းအလံတွေကို တိုင်တဝက်လွှင့်ထူဖို့ သမ္မတ Trump ကအမိန့်ထုတ်ထားပါတယ်။

သေဆုံး ဒဏ်ရာရသူတွေရဲ့ မိသားစုတွေကို နှစ်သိမ့်အားပေးဖို့နဲ့ အရေးပေါ် ကူညီကယ်ဆယ်ရေးဝန်ထမ်းတွေကို တွေ့ဆုံဖို့ Las Vegas ကို သမ္မတ Trump ဗုဒ္ဓဟူးနေ့မှာ သွားဖို့ စီစဉ်ထားပါတယ်။ ဒီပြစ်ခတ်မှုဟာ ယုတ်ညံ့တဲ့လုပ်ရပ်သက်သက်ဖြစ်တယ်လို့ သမ္မတက ဖော်ပြပြောဆိုခဲ့ပါတယ်။

သေနတ်သမား အသက် ၆၄ နှစ်အရွယ် Stephen Paddock ဘယ်လိုရည်ရွယ်ချက်နဲ့ အမြောက်အများသေကြေအောင် ပြစ်ခတ်ရသလဲဆိုတာကို ရဲနဲ့ FBI ထောက်လှမ်းရေး တာဝန်ရှိသူတွေ စုံစမ်းနေကြဆဲဖြစ်ပါတယ်။

Nevada ပြည်နယ် Mesquite မြို့မှာ နေသူ Paddock ဟာ Mandalay Bay ဟိုတယ်ကြီးရဲ့ ၃၂ ထပ်မှာရှိတဲ့ အခန်းတခုကနေ လမ်းတဖက်ခြမ်း ကွင်းပြင်မှာကျင်းပနေတဲ့ Country ဂီတဖျော်ဖြေပွဲကို သေနတ်နဲ့ပစ်ခတ်ခဲ့တာပါ။

ပရိတ်သတ် ၂ သောင်း ၂ ထောင်ကျော်ကြည့်နေတဲ့ လေဟာပြင်ဂီတဖျော်ဖြေပွဲ ပရိတ်သတ်တွေကို ပစ်ခတ်ခဲ့ပြီးနောက် Stephen Paddock ကသူ့ကိုသူ အဆုံးစီရင်သွားပါတယ်။ သူဟာ အစ္စလာမ်ဘာသာကို လပိုင်းကမှ ကူးပြောင်းခဲ့တဲ့ သူတို့ရဲ့ စစ်သည်တော်တယောက်ဖြစ်တယ်လို့ IS စစ်သွေးကြွအဖွဲ့က ဆိုပါတယ်။ ဒါပေမဲ့ Paddock နဲ့ နိုင်ငံတကာအကြမ်းဖက်အဖွဲ့တခုခုကြား ဆက်နွယ်မှုရှိတယ်ဆိုတဲ့ အထောက်အထား မတွေ့ရဘူးလို့ FBI ကပြောပါတယ်။

Las Vegas မြို့မှာ လူအမြောက်အများ သေကြေ ထိခိုက်ဒဏ်ရာ ရအောင် ပြစ်ခတ်ခဲ့တဲ့ Stephen Paddock ဟာ ချမ်းသာ ကြွယ်ဝသူဖြစ်ပြီး နိုင်ငံရေး ဘာသာရေးနဲ့ ပါတ်သက်သူ မဟုတ်ဘူးလို့သူ့ရဲ့ ညီအကိုတော်သူ Eric Paddock ကပြောပါတယ်။ သူဟာ လူဖြူကြီးစိုးရေးဝါဒီတွေနဲ့လည်း ပါတ်သက်ခြင်းမရှိသလို စိတ်ရောဂါဆိုင်ရာ ကျန်းမာရေးပြဿနာလည်း မရှိဘူးလို့ ပြောပါတယ်။ Stephen Paddock ရဲ့လုပ်ရပ်ကြောင့် သူတို့မိသားစု အင်မတန်ထိတ်လန့်တုန်လှုပ်ရတယ်လို့လည်း ပြောပါတယ်။ ကြေးကြီးလောင်းကစားဝါသနာပါသူ Stephen Paddock ဟာ Las Vegas ကိုပုံမှန်သွားပြီး လောင်းကစားသူတယောက်ဖြစ်တယ်လို့ Eric Paddock ကဆိုပါတယ်။ အလုပ်ကနေအငြိမ်းစားယူထားသူ Stephen Paddock ဟာ စိတ်ဆတ်သူတယောက်ဖြစ်ပြီး လောင်းကစားဝါသနာပါသူဖြစ်တယ်လို့ အိမ်နီးချင်းတွေက ပြောပါတယ်။ သူနဲ့အတူနေထိုင်သူ Marilou Danley ကို အစောပိုင်းမှာ အာဏာပိုင်တွေက မသင်္ကာသူအဖြစ် လိုက်လံရှာဖွေခဲ့ပါတယ်။ ဒါပေမဲ့ နောက်ပိုင်း Danley ကိုရဲတွေရှာတွေ့ မေးမြန်းနိုင်ခဲ့ပြီးနောက် သူနဲ့ ပစ်ခတ်မှု ပတ်သက်ခြင်းမရှိဘူးလို့ အာဏာပိုင်တွေက ပြောကြားခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com