Emirates လေယာဉ်ပေါ်တွင် ခရီးသည် မိန်းကလေးတစ်ဦးသေဆုံး

Emirates လေကြောင်းလိုင်းပိုင် အဲဘတ်စ်လေယာဉ်တစ်စီးအားတွေ့ရစဉ် (ဓါတ်ပုံ-အင်တာနက်)
    ဒူဘိုင်း၊ အောက်တိုဘာ ၁၂ ရက် (ဆင်ဟွာ)

    Emirates A380 အဲဘတ်စ်လေယာဉ် သည် ကူဝိတ်လေဆိပ်မှ ထွက်ခွာလာပြီး ၄၅မိနစ်အကြာတွင် လေယာဉ်ပေါ်၌ လိုက်ပါလာသော အသက် ၇နှစ်အရွယ် ခရီးသည်မိန်းကလေးတစ်ဦး သေဆုံးသွားသဖြင့် ဒူဘိုင်းမှ မြူးနစ် သို့ ခရီးစဉ်လမ်းကြောင်းကို ပြောင်းလဲခဲ့ရကြောင်း လေကြောင်းလိုင်းကပြောကြားခဲ့သည်ကို ဒူဘိုင်းနေ့စဉ်သတင်းစာ Gulf ကဖော်ပြခဲ့သည်။

ခရီးသည်အား အရေးပေါ်ကုသပေးခဲ့သော်လည်း မြေပြင်သို့ ရောက်ရှိချိန်၌ အရေးပေါ်ဆရာဝန်က ခရီးသည်သေဆုံးသွားပြီဖြစ်ကြောင်း အတည်ပြုပေးခဲ့သည်ဟု Emirates လေကြောင်းလိုင်းက ပြောကြားခဲ့ကြောင်း သတင်း၌ပါရှိသည်။

လေကြောင်းလိုင်း၏ ထုတ်ပြန်ချက်တွင် မိန်းကလေးငယ်သေဆုံးရခြင်းအကြောင်းရင်းကို ဖော်ပြထားခြင်းမရှိသော်လည်း ၎င်းသည် ကိုယ်အပူချိန်မြင့်တက်ကာ ဖျားနာနေကြောင်းသိရသည်။ မိန်းကလေးငယ် နှင့် အတူ မိသားစုဝင် ၄ဦးလိုက်ပါလာကြောင်း သိရသည်။

ထုတ်ပြန်ချက်၌ Emirates လေကြောင်းလိုင်းက သေဆုံးသွားသူ မိန်းကလေးငယ်၏ မိသားစု နှင့် ထပ်တူဝမ်းနည်းကြေကွဲရပါကြောင်း ဖော်ပြထားပြီး လေယာဉ်သည် သတ်မှတ်ချိန်ထက်နောက်ကျ၍ မြူးနစ်မြို့သို့ရောက်ရှိခဲ့ကြောင်း သိရသည်။

(Xinhua)
http://xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ