ရခိုင္တြင္ အၾကမ္းဖက္ေရွာင္ ကယ္ဆယ္ေရးခစန္းမ်ားအား ပိတ္သိမ္းရန္ အစုိးရက ညႊန္ၾကားထားဟုဆို



Share/Bookmark
ဓာတ္ပံု - ကယ္ဆယ္ေရးခစန္းတစ္ခုအတြင္းရွိ ေနရပ္ေရွာင္သူမ်ားအား ေတြ႕ရစဥ္။
စစ္ေတြ၊ ေအာက္တုိဘာ ၃၁။

ရခိုင္ျပည္နယ္အတြင္း အၾကမ္းဖက္တုိက္ခိုက္မႈမ်ားေၾကာင့္ ေနရပ္တိမ္းေရွာင္ေနသူမ်ား၏ ကယ္ဆယ္ေရးစခန္းမ်ားအား ပိတ္သိမ္းေပးရန္ ညႊန္ၾကားထားေၾကာင္း ေဒသခံမ်ားထံမွ သိရသည္။

ေနရပ္စြန္႔ခြာသူမ်ားခုိလႈံလ်က္ရွိသည့္ ေမာင္ေတာ၊ ဘူးသီးေတာင္ႏွင့္ စစ္ေတြၿမိဳ႕ေပၚမ်ားရွိ ယာယီကယ္ဆယ္ေရးစခန္းမ်ားကုိ ႏုိဝင္ဘာ ၂ ရက္ေန႔ ေနာက္ဆံုးထား ပိတ္သိမ္းၿပီး ေနရပ္ေရွာင္သူမ်ားသည္လည္း မိမိေနရပ္သို႔ျပန္လည္ေနထုိင္ၾကရန္ သက္ဆုိင္ရာက ေခၚယူေျပာဆုိေနၿပီျဖစ္ေၾကာင္း ေနရပ္ေရွာင္မ်ားက ေျပာသည္။

"ေမာင္ေတာခရုိင္အုပ္ခ်ဳပ္ေရးမွဴးက ေခၚၿပီး အဲလိုေျပာတာ။ ျပန္ခိုင္းေတာ့ ဟုိမွာက ဘဂၤါလီေတြရြာေတြဝုိင္းေနေတာ့ ကၽြန္ေတာ္တုိ႔ရြာမွာ ကၽြန္ေတာ္တုိ႔ ဘယ္လိုျပန္ေနႏုိင္မလဲ။ ဒီကိစၥေၾကာင့္ ေတာ္ေတာ္ဦးေႏွာက္ေျခာက္ေနမိတယ္"ဟု ေမာင္ေတာခရုိင္အုပ္ခ်ဳပ္ေရးမွဴးႏွင့္ေတြ႕ဆံုခဲ့သည့္ ဟိႏၵဴဘာသာေရးေခါင္းေဆာင္ ဦးနီးေမာလ္က ေျပာသည္။

လက္ရွိတြင္ ေမာင္ေတာေဒသအတြက္ ေဒသအေျခအေန ျပန္လည္တည္ၿငိမ္ၿပီး ပံုမွန္အတိုင္းျဖစ္ေနၿပီဟုဆုိကာ ယခုကဲ့သုိ႔ ညႊန္ၾကားခ်က္ထုတ္ျပန္လိုက္ျခင္းျဖစ္ေၾကာင္း သိရသည္။

ယခုကိစၥႏွင့္ပတ္သက္ၿပီး ေမာင္ေတာခရုိင္အုပ္ခ်ဳပ္ေရးမွဴးသေဘာထားကုိ ရယူရန္ ဆက္သြယ္ေသာ္လည္း ဆက္သြယ္မရခဲ့ပါ။

ရခိုင္ျပည္နယ္အစိုးရအဖြဲ႕မွ တာဝန္ရွိသူတစ္ဦးက ယခုကဲ့သုိ႔ညႊန္ၾကားခ်က္ထုတ္ျပန္သည္ဆုိျခင္းမွာ မဟုတ္မွန္ဘဲ ေနရပ္ေရွာင္သူမ်ားအေနျဖင့္ မျပန္လိုလွ်င္လည္း အစိုးရအေနျဖင့္ ၾကည့္ရႈေစာင့္ေရွာက္ေပးဦးမည္ဟုဆုိသည္။

ေမာင္စပ္စု
Central News Myanmar
https://www.facebook.com/CNMyanmar/

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ