ရခိုင်မှာ စက်မှုဇုန်တွေ တစ်လအတွင်း အကောင်အထည်ဖော်ဖို့ အတိုင်ပင်ခံ လမ်းညွှန်

နိုင်ငံတော်ရဲ့အတိုင်ပင်ခံ ဒေါ်အောင်ဆန်းစုကြည် ကို အောက်တိုဘာလ ၂ဝ ရက်နေ့ကတွေ့ရစဉ်။ Photo: Win Ko Ko Latt/RFA
ရခိုင်ပြည်နယ် ပြန်လည်ထူထောင်ရေးအတွက် စက်မှုဇုန်တည်ဆောက်ရေး၊ စိုက်ပျိုးရေးလုပ်ငန်းတွေကို တစ်လအတွင်း အကောင်အထည်ဖော်ဖို့ နိုင်ငံတော်ရဲ့အတိုင်ပင်ခံက လမ်းညွှန်ထားတယ်လို့ ဇေကမ္ဘာကုမ္ပဏီ အကြီးအကဲ ဦးခင်ရွှေ ကပြောပါတယ်။

ဒီကနေ့ နေပြည်တော်က NRPC မှာ ရခိုင်ဒေသအတွက် အလှူငွေပေးအပ်အပြီး လုပ်ငန်းရှင်တွေနဲ့ တနာရီ နီးပါးတွေ့ဆုံရာမှာ နိုင်ငံတော် အတိုင်ပင်ခံ ပုဂ္ဂိုလ်က အဲဒီလို ညွှန်ကြားခဲ့တာ ဖြစ်တယ်လို့ ဦးခင်ရွှေပြောပါတယ်။

အဲဒီ လမ်းညွှန်ချက်နဲ့ ပတ်သက်ပြီး မနက်ဖြန်မှာ ဒေါက်တာအောင်ထွန်းသက်နဲ့ စီးပွားရေးလုပ်ငန်း ရှင်တွေ တွေ့ဆုံဆွေးနွေးဖို့ ရှိတယ်လို့လည်း ပြောပါတယ်။

ရခိုင်ပြည်နယ်အတွက် လူသားချင်စာနာမှု အကူအညီ အထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း UEHRD အဖွဲ့ကို ဒေါ်အောင်ဆန်းစုကြည်က ဥက္ကဌအဖြစ် ဆောင်ရွက်ပြီး ဒေါက် တာအောင်ထွန်းသက် က ညွှန်နှိုင်းရေးမှူးချုပ်အဖြစ် ဆောင်ရွက်တာပါ။

ဒီကနေ့မှာ ပြည်တွင်းက စီးပွားရေးလုပ်ငန်းရှင်  ၃၀ လောက် စုပေါင်းပြီး ရခိုင်ပြည်နယ်အတွက် ငွေကျပ် သန်းပေါင်း ၁၆၇၀၀ ကိုလည်း လှူဒါန်းခဲ့ကြပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ