ကယ်လီဖိုးနီးယား တောမီးကြောင့် လူ ၁၅ ဦးသေဆုံး


အမေရိကန်ပြည်ထောင်စု အနောက်ဘက်ခြမ်းက ကလ်လီဖိုးနီးယား ပြည်နယ် မြောက်ပိုင်းမှာ တောမီးလောင်မှုတွေဖြစ်ပွါးခဲ့လို့လူအနည်းဆုံး ၁၅ ဦး သေဆုံးခဲ့ပြီး လူနေအိမ်နဲ့ တခြား အဆောက်အဦး ထောင်နဲ့ချီပြီး မီးလောင်ကျွမ်းခဲ့ရပါတယ်။ ဒီအဖြစ်အပျက်ကို ကြီးမားတဲ့ ဘေးဒုက္ခတခုပဲလို့သမ္မတ ဒေါ်နလ်ထရမ့်က ပြောဆိုလိုက်ပြီး ဒေါ်လာ သန်းနဲ့ချီပြီး မီးဘေး ကူညီကယ်ဆယ်ရေး အတွက် အစိုးရရဲ့ အရေးပေါ် အကူအညီတွေ ပေးသွားမယ်လို့လည်း ဆိုပါတယ်။

ကယ်လီဖိုးနီးယား ပြည်သူတွေနဲ့ အတူ ပြည်ထောင်စု အစိုးရက ရပ်တည်သွားမယ်လို့ ကလ်လီဖိုးနီးယား ပြည်နယ်အုပ်ချုပ်ရေးမှုးကို သမ္မတထရမ့်က ပြောခဲ့ပါတယ်။

ဆန်ဖရန်စ္စကိုမြို့ရဲ့ မြောက်ဘက်က နာပါတောင်ကြားလို့ ခေါ်တဲ့ ကမ္ဘာကျော် ၀ိုင်အရက် စိုက်ပျိုးထုတ်လုပ်ရေး ဒေသမှာ တနင်္လာနေ့က စခဲ့တဲ့ မီးလောင်မှုဟာ မနေ့က အထိ လောင်ကျွမ်းနေခဲ့ပြီး မီးသတ်သမားတွေ ကြိုးစား ငြိမ်းသတ်နေကြပေမဲ့ ခြောက်သွေ့တဲ့ အခြေအနေနဲ့ လေတိုက်မှုတွေ ရှိနေတာကြောင့် မီးတွေ မငြိမ်းနိုင်ဘဲ ဖြစ်နေပါတယ်။ မီးဒဏ်ကြောင့် ထောင်နဲ့ချီတဲ့လူတွေ အိုးအိမ်မဲ့ဖြစ်ခဲ့ရပြီး မြေဧက ၁သိန်း ၁ သောင်းကျော် ပျက်စီးခဲ့ရပါတယ်။

သေဆုံးခဲ့သူတွေထဲမှာ အသက် ၁၀၀ အရွယ်ရှိတဲ့ အမျိုးသားတဦးနဲ့ သူ့ရဲ့ဇနီး အသက် ၉၉ နှစ် အရွယ်အမျိုးသမီး တဦးတို့ ပါဝင်ခဲ့ကြပြီး မီးလောင်နေချိန်မှာ သူတို့နှစ်ဦးက အိမ်ထဲကနေ မီးလွတ်အောင် မထွက်နိုင်ခဲ့ကြပါဘူး။ အခုချိန်ထိတော့ ဘာ ကြောင့် ဒီမီးတွေ လောင်သလဲ ဆိုတာကို မသိရသေးပါဘူး။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ