မြန်မာနိုင်ငံသားတချို့ရဲ့ ဘဏ်စာရင်း ပိတ်ခံရ

တရုတ်နိုင်ငံ ကျယ်ဂေါင်မြို့က ဘဏ်တစ်ခုကို တွေ့ရစဉ်။ Photo: Kan Thar/RFA
အွန်လိုင်းပေါ်ကတဆင့် လောင်းကစားလုပ်သူတွေနဲ့ ဆက်စပ်တယ်ဆိုပြီး ငွေလဲလုပ်ငန်းလုပ်ကိုင်တဲ့ မြန်မာနိုင်ငံ သားတချို့ရဲ့ တရုတ်နိုင်ငံဘက်မှာဖွင့်ထားတဲ့ ဘဏ်စာရင်းတွေကို တရုတ်အစိုးရက အောက်တိုဘာလ ၁၈ ရက်နေ့က စပြီးပိတ်သိမ်းလိုက်တယ်လို့ မူဆယ်မြို့က ဆန်ကုန်သည်တစ်ယောက်ဖြစ်တဲ့ ဦးမင်းသိန်းက ပြောပါတယ်။

ဘဏ်စာရင်း အပိတ်ခံလိုက်ရသူတွေဟာ လောင်းကစား လုပ်သူတွေ မဟုတ်ပေမယ့် လောင်းကစားသမားတွေ ရဲ့ငွေတွေ သူတို့ဘဏ်စာရင်းထဲ ၀င်လာတဲ့အတွက် အခုလို စာရင်းပိတ်ခံရတာဖြစ်တယ်လို့ ဦးမင်းသိန်းက ရှင်းပြပါတယ်။

"အဲဒီ ငွေလဲသမားတွေကတော့ သူတို့က လောင်းကစားလုပ်တာမဟုတ်ဘူးလေ။ လောင်းကစားသမားတွေ ကနေပြီးတော့ ပတ်သက်ပြီးတော့ တစ်ဆင့်တစ်ဆင့်နဲ့ အွန်လိုင်းကနေပြီးတော့ လောင်းကစား လုပ်တဲ့သူတွေနဲ့ သွားငြိတယ်ပြောတယ်။ လောင်းကစားသမားတွေရဲ့ အကောင့်ကို လိုက်ပိတ်ရင်းနဲ့ သူတို့အကောင့်ပါ အပိတ်ခံလိုက်ရတာ။ အဲဒီလိုဖြစ်သွားတာ။ ငွေလဲသမားတွေက လောင်းကစားသမားတွေရဲ့ ပိုက်ဆံတော့ မဟုတ်ဘူးလေ။ ဒါပေသိ အပြင်ကသွင်းတော့ ဘယ်သူသွင်းမှန်း သူတို့မသိဘူးလေ။ မသိတော့ လောင်းကစား သမား ပိုက်ဆံတွေက သူတို့ထဲကို စီးဝင်လာတာ"

အပိတ်ခံလိုက်ရတဲ့ ဘဏ်စာရင်း  ၃ ခုရှိတယ်လို့ သိထားကြောင်းနဲ့ အဲဒီစာရင်းထဲက ငွေပမာဏကိုတော့ မသိရကြောင်း ပြောပါတယ်။

အဲဒီ ဘဏ်စာရင်းတွေ အပိတ်ခံရပေမယ့် နယ်စပ်ကုန်သွယ်ရေးကို မထိခိုက်ဘူးလို့ မူဆယ်မြို့က ကုန်သည်အချို့က ပြောပါတယ်။

ပြီးခဲ့တဲ့ ဇွန်လ ၁၄ ရက်နေ့နဲ့ ၁၅ ရက်နေ့တွေတုန်းကလည်း မြန်မာနိုင်ငံသားကုန်သည်တွေရဲ့ ဘဏ်စာရင်း ၁၃၀ ကျော်ကို တရုတ်အစိုးရဘက်က ပိတ်ခဲ့ဖူးပါတယ်။

အဲဒီနောက် အများစုကို ဇွန်လ ၂၃ ရက်နေ့မှာ တရုတ်ဘက်က ပြန်ဖွင့်ပေးခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ