အောက်စဖို့ဒ် တက္ကသိုလ်က ဒေါ်အောင်ဆန်းစုကြည်ရဲ့ ပုံတူပန်းချီကား ပြန်ဖြုတ်ချ


ဗြိတိန်နိုင်ငံ အောက်စဖို့ဒ် တက္ကသိုလ်က ဒေါ်အောင်ဆန်းစုကြည်ရဲ့ ပုံတူပန်းချီကားကို ပြန်ဖြုတ်လိုက်တယ်လို့ AFP သတင်းက ဖေါ်ပြပါတယ်။

အဲဒီ ပန်ချီကားကို St Hugh’s ကောလိပ်ရဲ့ ပင်မအ၀င်ဝမှာ ဂုဏ်ယူချိတ်ဆွဲထားခဲ့တာဖြစ်ပါတယ်။
ရခိုင်ပြည်နယ် ပြဿနာနဲ့ပတ်သက်ပြီး ဒေါ်အောင်ဆန်းစုကြည်အပေါ် ဝေဖန်ပြောဆိုသံတွေ အကျယ်အပြန့် ပေါ်ထွက်လာခဲ့ပြီးတဲ့နောက် အခုလို ပန်ချီကားပြန်ဖြုတ်တဲ့ကိစ္စ ပေါ်ပေါက်လာခဲ့တာပါ။

အခုလို ဒေါ်အောင်ဆန်းစုကြည်ရဲ့ ပုံတူပန်းချီကား ပြန်လည်ဖြုတ်သိမ်းခဲ့တဲ့ ကိစ္စနဲ့ပတ်သက်ပြီး ရခိုင်ပြည်နယ် ပြဿနာနဲ့ပတ်သက်မှု ရှိမရှိ တက္ကသိုလ်က မပြောဆိုပါဘူး။ အဲဒီပန်းချီကားနေရာမှာ ဂျပန်ပန်းချီဆရာတစ်ဦးရဲ့ ပန်းချီကားတစ်ကားကို ချိတ်ဆွဲလိုက်ကြောင်း၊ ဒေါ်အောင်ဆန်းစုကြည်ရဲ့ ပုံတူပန်းချီကားကို လုံခြုံတဲ့နေရာမှာ သိမ်းဆည်းထားကြောင်းသာ ပြောဆိုပါတယ်။

အဲဒီ ပုံတူပန်းချီကားကို တရုတ်ပန်းချီဆရာ Chen Yinning က ၁၉၉၇ ခုနှစ်မှာရေးဆွဲခဲ့ပြီး၊ ခင်ပွန်းဖြစ်သူ ဒေါက်တာမိုက်ကယ်အဲရစ်က မကွယ်လွန်ခင် သူ့ရဲ့သေတမ်းစာမှာ St Hugh’s ကောလိပ်ကို ပေးလှူခဲ့တာဖြစ်ပါတယ်။

ဒေါ်အောင်ဆန်းစုကြည်ဟာ အောက်စဖို့ဒ် တက္ကသိုလ် St Hugh’s ကောလိပ်မှာ ၁၉၆၇ ခုနှစ်က တက်ရောက်ခဲ့ပြီး၊ ဒဿနိက၊ နိုင်ငံရေးနဲ့ စီးပွားရေးဘာသာရပ်တွေ လေ့လာသင်ယူခဲ့ပါတယ်။ ၁၉၆၈ ခုနှစ်မှာ နိုင်ငံရေးဘာသာရပ်နဲ့ မဟာဝိဇ္ဖာဘွဲ့ ရရှိခဲ့ပါတယ်။

အခု လက်ရှိ ဗြိတိန် ၀န်ကြီးချုပ် Theresa May ဟာလည်း St Hugh’s ကောလိပ်ကျောင်းထွက် ဖြစ်ပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ