ခွန်တန်မှ မိန်းမပျိုလေးများအား ဖျက်ဆီးနေသည်မှာ မဟုတ်မှန်ကြောင်း ကာယကံရှင်အမျိုးသမီးများ ပြောကြား


မွန်ပြည်နယ်၊ သထုံမြို့နယ်၊ ဇရစ်ချောင်ကျေးရွာအုပ်စုရှိ အလံတစ်ရာဘုရား သာသနာ့နယ်မြေအတွင်း ဘာသာရေးအကြောင်းပြပြီး မိန်းမပျိုလေးတွေကို ဖျက်ဆီးခံနေရတယ်လို့ပြောဆိုနေတာဟာ မမှန်ကန်ဘူးလို့ ကာယရှင်မိန်းမပျိုတွေက ပြောပါတယ်။

လူမှုကွန်ယက် စာမျက်နှာတွေပေါ်မှာ ခွန်တန် (ခေါ်) ဇာတ်လိုက်က ဘာသာရေးအကြောင်းပြပြီးမိန်းမပျိုလေးတွေကို ဖျက်ဆီးနေပြီး၊ ပန်းဦးလွှတ်ခံနေရတယ်လို့ ပြောဆိုနေကြတဲ့ အတွက်ကာယကံရှင် မိန်းကလေးတွေအနေနဲ့ ထိခိုက်နစ်နာမှုရှိကြောင်း၊ ပန်းဦး လွှတ်ခံရတယ်ဆိုတာဟာ စွပ်စွဲပြောဆိုနေကြတာဖြစ်ပြီး ရိုးရာဓလေ့ထုံးတမ်း အစဉ်အလာအရ တဏှာမပါဘဲ မေတ္တာထားပြီး ရဟန်းသံဃာလူကြီး မိဘတွေရှေ့မှာ နှစ်ဦးသဘောတူ လက်ချည်ပွဲကျင်းပပြုလုပ်တာဖြစ်တယ်လို့ ခွန်တန်(ခေါ်)ဇာတ်လိုက်နဲ့ လက်ချည်ပွဲပြုလုပ်ထားသူ နန်းအေးခင်က ပြောပါတယ်။ လက်ချည်ပွဲ ပြုလုပ်တာကြောင့် မိန်းမပျိုလေးတွေအနေနဲ့ ထိခိုက်နစ်နာမှုမရှိဘဲ လူမှုကွန်ယက် စာမျက်နှာပေါ်မှာ ပန်းဦးလွှတ်ခံရတယ်လို့ ပြောဆိုတဲ့ အပေါ် ဘာသာရေးနဲ့ လူမျိုးရေးထိခိုက်ရတယ်လို့ နန်းအေးခင်က ပြောပါတယ်။


ခွန်တန်(ခေါ်)ဇာတ်လိုက်ကို မိမိတို့ရွာသူ၊ ရွာသားတွေ အနေနဲ့ အပြည်အ၀ယုံကြည်မှုရှိပြီး လက်ချည်ပွဲ ပြုလုပ်ရတာဟာ ရိုးရာအရပြုလုပ်တာဖြစ်တဲ့အတွက် ပန်းဦးလွှတ်တယ်ဆိုတဲ့ စွပ်စွဲချက်အပေါ် အမှန်တရားပေါ်စေချင်တယ်လို့ လက်ချည်ပွဲ ကျင်းပပြုလုပ်ခဲ့တဲ့ နောက်ထပ် အမျိုးသမီးငယ် နန်းဝေက ပြောပါတယ်။

ခွန်တန်(ခေါ်)ဇာတ်လိုက်ကို ကျေးရွာအုပ်ချုပ်ရေးမှူးရုံးနဲ့ ရဲတပ်ဖွဲ့မှူးရုံးတွေမှာ တစ်စုံတစ်ခုအကြောင်း အရာနဲ့မှ တိုင်ကြားထားခြင်း မရှိကြောင်း၊ ကျေးရွာအုပ်ချုပ်ရေးမှူးရုံးနဲ့ ရဲတပ်ဖွဲ့မှူးရုံးတွေမှာ တိုင်ကြားထားခြင်း မရှိပေမယ့် လွှတ်တော်ရှိ အမျိုးသမီးနှင့် ကလေးသူငယ်များအခွင့်အရေး ကာကွယ်စောင့်ရှောက်ရေးကော်မတီကို တော့ တိုင်ကြားထားတဲ့ တိုင်ကြားစာတွေရှိတယ်လို့ အမျိုးသမီးနှင့် ကလေးသူငယ်များ အခွင့်အရေး ကာကွယ်စောင့်ရှောက်ရေး ကော်မတီဥက္ကဋ္ဌ ဒေါ်ခိုင်ခိုင်လဲ့ကပြောပါတယ်။

တိုင်ကြားစာနဲ့ ပတ်သက်ပြီး နိုဝင်ဘာလအတွင်း စစ်ဆေးဆောင်ရွက် သွားမှာဖြစ်ပြီး စစ်ဆေး ဆောင်ရွက်တဲ့ နေရာမှာ ဖြစ်စဉ်အမှန်တကယ်ဖြစ်ပွားခဲ့ပါက ဥပဒေနဲ့ အညီအရေးယူဆောင်ရွက်သွားမှာ ဖြစ်သလိုတိုင်ကြားစာနဲ့ပတ်သက်ပြီး ပြည်ထောင်စုအဆင့်ထိ တင်ပြသွားမယ်လို့ သိရပါတယ်။ ဒီသတင်းကို မော်လမြိုင်ဗျူရိုမှ ဗထူးက သထုံမြို့မှ ပေးပို့ပါတယ်။

Central News Bureau
https://www.facebook.com/skynetcnb/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ