လုပ်ငန်းမလုပ်တဲ့ မြေကွက်တွေကို ပြန်လည်သိမ်းယူဖို့ အစိုးရကို တိုက်တွန်း

ရန်ကုန်တိုင်းဒေသကြီး လွှတ်တော်အစည်းဝေး ကျင်းပနေစဉ်။ Photo:Htet Arkar/RFA
ရန်ကုန်တိုင်းဒေသကြီးအတွင်း လုပ်ပိုင်ခွင့်ရယူထားပြီး လုပ်ငန်းအကောင်အထည်မဖော်သေးတဲ့ မြေကွက်တွေကို အစိုးရအနေနဲ့ ပြန်လည်စိစစ်ပြီး သိမ်းဆည်းပေးဖို့ တိုက်တွန်းကြောင်းအဆိုကို မင်္ဂလာတောင်ညွန့်မြို့နယ်က တိုင်းဒေသကြီးလွှတ်တော်ကိုယ်စားလှယ် ဦးလှဌေးက ဒီကနေ့ ရန်ကုန်တိုင်းဒေသကြီးလွှတ်တော်မှာ တင်သွင်း လိုက်ပါတယ်။

လုပ်ပိုင်ခွင့်ရယူထားစဉ်က ဈေးနှုန်းသက်သက်သာသာနဲ့ ယူထားသလို လုပ်ငန်းအကောင်အထည်မပေါ်တော့ နိုင် ငံတော် အခွန်ဘဏ္ဍာလည်း ဆုံးရှုံးရတဲ့အတွက် အဆိုတင်တာလို့ မင်္ဂလာတောင်ညွန့်မြို့နယ်က တိုင်းဒေသကြီး လွှတ်တော်ကိုယ်စားလှယ် ဦးလှဌေးက ပြောပါတယ်။

‘’အဲဒီမြေကွက်တွေက ယူခဲ့တုန်းကလည်း ဈေးနှုန်းတော်တော်လျှော့လျှော့ပေါ့ပေါ့နဲ့ ယူထားခဲ့ကြတယ်၊ လုပ်ငန်းမလုပ်တဲ့အတွက်ကြောင့် နိုင်ငံတော်ရဲ့ အခွန်အရပ်ရပ်က ဆုံးရူံးတယ်၊ လုပ်ငန်းခွင်ထဲမှာ လုပ်ကိုင်ကြရမယ့် နိုင်ငံသူနိုင်ငံသားတွေကလည်း လုပ်ငန်းတွေမပေါ်ပေါက်တော့ အလုပ်တွေ မလုပ်ကိုင်ရတော့ ဆုံးရူံးတယ်၊ အဲဒီလိုလုပ်ထားတဲ့မြေတွေကို ရန်ကုန်တိုင်းဒေသကြီးအစိုးရက သူတို့နဲ့ ချုပ်ဆိုထားတဲ့ စာချုပ်စာတမ်းတွေပြန်ကြည့်မယ် မကိုက်ညီဘူးဆိုရင် ရန်ကုန်တိုင်းဒေသကြီး အစိုးရ ကနေ ပြန်လည်သိမ်းဆည်းဖို့ဆိုတဲ့ အဆိုကို ကျနော်တင်တာပါ’’

အဲဒီအဆိုကို လာမယ့်အောက်တိုဘာလ ၁၁ ရက်နေ့မှာ လွှတ်တော်ကိုယ်စားလှယ်တွေက ဆက်လက်ဆွေးနွေး ကြဖို့ လွှတ်တော်က ဆုံးဖြတ်ထားပါတယ်။

လုပ်ငန်းလုပ်ပိုင်ခွင့်အတွက် အစိုးရပိုင် မြေကွက်တွေကို ရယူထားပြီး အကောင်အထည်မဖော်ဘဲ အဲဒီမြေ ကွက်တွေကို ဈေးကစားတာမျိုးရှိနေတာကြောင့် အိမ်ခြံမြေဈေးတွေလည်း ကမောက်ကမဖြစ်လာရတယ် လို့ ပြောပါတယ်။

မြေဈေးအဆမတန်ကြီး မြင့်လာတာတွေကြောင့် ပြည်ပရင်းနှီးမြှုပ်နှံကြမယ့် နိုင်ငံခြားစီးပွားရေးလုပ်ငန်းရှင်တွေ လာရောက်ရင်းနှီးမြှုပ်နှံဖို့အတွက် လက်တွန့်လာကြရတယ်လို့လည်း ဦးလှဌေးက ထောက်ပြပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ