မွန်ပြည်နယ် ပေါင်မြို့နယ်တွင် (၅)နှစ်အရွယ် မိန်းကလေးငယ်ကို အဓမ္မပြုကျင့်မှုဖြစ်ပွား

Photo - Paung Daily
မွန်ပြည်နယ်၊ ပေါင်မြို့နယ်၊ ပေါင်းရပ်ကွက်၊ ဝင်းခလုံးပိုင်း၌ အောက်တိုဘာ ၉ ရက်က (၅)နှစ်အရွယ် သူငယ်တန်း မိန်းကလေးငယ်အား မုန့်ဝယ်ကျွေးမည်ဟုခေါ်ကာ အဓမ္မပြုကျင့်မှုဖြစ်ပွားခဲ့ကြောင်း ပေါင်မြို့မရဲ စခန်းမှ သိရှိရသည်။
“ကလေးက ည(၇)နာရီလောက်မှာ အိမ်ကိုငိုပြီးပြန်လာတော့ အမေဖြစ်သူက မသင်္ကာလို့မေးတော့ ကလေးကို သူတို့နေတဲ့ အိမ်ခေါင်းရင်းကလူက မုန့်ဝယ်ကျွေးမယ်ဆိုပြီးခေါ်သွားပြီးတော့ ကလေးကို ခေါက်ဆွဲခြောက် တစ်ထုပ်ဝယ်ကျွေးပြီး သူတို့အနီးနားမှာရှိတဲ့ ဇရပ်မှာ အဓမ္မပြုကျင့်တယ်ဆိုပြီးပြောလို့ အမေဖြစ်သူက အရေးယူပေးဖို့ အမှုလာဖွင့်တာပါ။”ဟု ပေါင်မြို့မ ရဲစခန်းမှ ရဲအရာရှိတစ်ဦးက ပြောသည်။

ပေါင်းရပ်ကွက်၊ ဝင်းခလုံးပိုင်းနေ ဒေါ်မြသဇင်လှိုင်သည် နေအိမ်ရှေ့၌ ရေချိုးနေစဉ် သမီးဖြစ်သူ(၅)နှစ် အရွယ်ကလေးငယ်က ဓာတ်မီးတစ်လက်ကိုင်ကာ နေအိမ်မှထွက်သွားသည်ကိုတွေ့ရသဖြင့် အသိအိမ် သွားသည်အထင်ဖြင့် မပြောနေခဲ့ရာ ည(၇)နာရီချိန်ခန့်တွင် သမီးဖြစ်သူမှ နေအိမ်သို့ငိုပြီးပြန်လာသဖြင့် မေးမြန်းရာ ခေါင်းရင်းနေအိမ်မှ အောင်မျိုးထွန်း(၂၅)က မုန့်ဝယ်ကျွေးမည်ဟု ခေါ်သွားကာ မုန့် ဝယ်ကျွေးပြီး နောက် လမ်းကြားထဲရှိ ဇရပ်တွင် အဓမ္မပြုကျင့်ခဲ့ကြောင်း ပြန်လည်ပြောဆိုသဖြင့် မိခင်ဖြစ်သူမှ အရေးယူပေးရန် ရဲစခန်းသို့ လာရောက်တိုင်ကြားခြင်းဖြစ်ကြောင်း သိရသည်။

ဖြစ်စဉ်နှင့် ပတ်သက်၍ အဓမ္မမှုကျူးလွန်သည်ဟု ယူဆရသူ အောင်မျိုးထွန်းအား ပေါင်မြို့မရဲစခန်းမှ (ပ) ၃၁၂/ ၂၀၁၇ ရာဇသတ်ကြီးဥပဒေပုဒ်မ ၃၇၆/၃၆၃ ဖြင့် အမှုဖွင့်ဖမ်းဆီးစစ်ဆေးနေကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ