သန်လျင်၌ လင်မယားစကားများပြီး ခင်ပွန်းဖြစ်သူမှ ဝါးယားတုတ်ဖြင့် ရိုက်ရာ ဇနီးဖြစ်သူသေဆုံး


ရန်ကုန် အောက်တိုဘာ ၂၀

ရန်ကုန်တောင်ပိုင်းခရိုင် သန်လျင်မြို့ ကွမ်းခြံကုန်းကျေးရွာ ဇာမဏီဆည်ဝင်း(ကျူး)၌ အောက်တိုဘာ ၁၉ရက်ည ၈နာရီအချိန်က လင်မယားချင်းစကားများပြီး ခင်ပွန်းဖြစ်သူမှ ဝါးယားတုတ်ဖြင့်ရိုက်လိုက်ရာ ဇနီးဖြစ်သူသေဆုံးမှု ဖြစ်ပွားခဲ့ကြောင်းသိရသည်။

ဖြစ်စဉ်မှာ သန်လျင်မြို့မရဲစခန်းမှ တာဝန်မှူး ရဲအုပ် မျိုမင်းဟန်သည် တာဝန်မှူးတာဝန်ထမ်းဆောင်နေစဉ် သန်လျင်အထွေထွေဆေးရုံတွင် အမျိုးသမီးတစ်ဦးသေဆုံး၍ရောက်ရှိလာကြောင်းသတင်းအရ ရဲတပ်ဖွဲ့ဝင်များသက်သေများနှင့်အတူသွားရောက်စစ်ဆေးရာသေဆုံးသူမှာ ဒေါ်နွယ်နွယ် အသက်(၇၃)နှစ် ဇာမဏီဆည်ဝင်း(ကျူး) ကွမ်းခြံကုန်းကျေးရွာ သန်လျင်မြို့နေသူဖြစ်ပြီး နှာခေါင်းရိုးကျိုးသွေးထွက် ဒဏ်ရာဖြင့်သေဆုံးနေသည်ကိုတွေ့မြင်ရသည်။

ထိုသို့သေဆုံးမှုကို ဆက်လက်စစ်ဆေးရာ သေဆုံးသူဒေါ်နွယ်နွယ်အား ဆေးရုံသို့ လိုက်ပါပို့ဆောင်ပေးသူ ကိုမျိုးဆွေ (ခ)ကုလား အသက်(၄၁)နှစ် ဇာမဏီဆည်ဝင်း(ကျူး) ကွမ်းခြံကုန်းကျေးရွာ သန်လျင်မြို့နေသူအား မေးမြန်းခဲ့ရာသေဆုံးသူမှာဆီးချိုသွေးချိုရောဂါဖြင့်အိပ်ရာထဲတွင်လဲနေသူဖြစ်ကြောင်းနှင့် အောက်တိုဘာ ၁၉ရက်ည ၈နာရီအချိန်တွင် လည်းကောင်း၏ခင်ပွန်းဖြစ်သူ ဦးကြည် အသက်(၇၂)နှစ် ဇာမဏီဆည်ဝင်း(ကျူး) ကွမ်းခြံကုန်းကျေးရွာ သန်လျင်မြို့နေသူမှာ အရက်သေစာသောက်စားထားပြီးအလုပ်မှပြန်လည်ရောက်ရှိလာပြီးနောက်လင်မယားချင်းရန်ဖြစ်သံကြားရသဖြင့် သွားရောက်ကြည့်ရှုစဉ် ခင်ပွန်းဖြစ်သူဦးကြည်မှ ဒေါ်နွယ်နွယ်အား လုံးပတ်၎လက်မ အရှည် ၂၃လက်မခန့်ရှိဝါးယားပိုင်းတစ်ခုနှင့်ရိုက်နှက်လိုက်သဖြင့် ဒေါ်နွယ်နွယ်မှာနှာခေါင်းသွေးထွက်ဒဏ်ရာဖြင့်အိပ်ရာပေါ်တွင်မေ့လဲကျသွားသည်ကိုတွေ့ရှိရ၍ ဒေါ်နွယ်နွယ်အားလူနာတင်ယာဉ်ဖြင့် သန်လျင်အထွေထွေဆေးရုံသို့လိုက်လံပို့ဆောင်ပေးခဲ့ကြောင်းသိရသည်။

အဆိုပါသေဆုံးမှုအား သန်လျင်မြို့မရဲစခန်းမှ ခေတ္တစခန်းမှူးရဲအုပ် အောင်ဇော်မိုးမှစစ်ဆေးလျှက်ရှိပြီး ဒေါ်နွယ်နွယ်အားဝါးယားပိုင်းဖြင့် ရိုက်နှက်သူ ဦးကြည်အား အမှုဖွင့် အရေးယူထားသည်။

သက်ခိုင် (သန်လျင်)
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ