ဒုက္ခသည်တွေအတွက် လိုအပ်ရင် ထမင်းတစ်နပ်လျှော့စားမယ်လို့ ဘင်္ဂလားဒေ့ရ်ှဝန်ကြီးချုပ် ပြောကြား


ဘင်္ဂလားဒေ့ရှ် အစိုးရအနေနဲ့ မြန်မာနိုင်ငံ ရခိုင်ပြည်နယ်က ထွက်ပြေးလာခဲ့ကြတဲ့ ဒုက္ခသည်တွေကို စောင့်ရှောက် ကျွေးမွေးထားရာမှာ လိုအပ်ရင် ထမင်းတစ်နပ် လျှော့စားမှာဖြစ်တယ်လို့ ၀န်ကြီးချုပ် ရှိတ် ဟာဆီနာ က ပြောလိုက်ကြောင်း Dhaka Tibune သတင်းစာက ဖေါ်ပြပါတယ်။

၇၂ ကြိမ်မြောက် ကုလသမဂ္ဂအထွေထွေညီလာခံ တက်ရောက်နေတဲ့ ရှိတ် ဟာဆီနာက အမေရိကန်ရောက် သူ့ပါတီခေါင်းဆောင်တချို့နဲ့ တွေ့ဆုံစဉ်အတွင်း ပြောကြားခဲ့တာပါ။

ဘင်္ဂလားဒေ့ရှ် အနေနဲ့ လူဦးရေ သန်း ၁၆၀ ကို ကျွေးမွေးထားနိုင်ရင် ဒုက္ခရောက်နေတဲ့ နောက်ထပ် လူ ၅ သိန်း- ၇ သိန်းလောက်ကိုလည်း ကျွေးမွေးနိုင်ပါတယ်၊ လိုအပ်ရင် တစ်ရက်ကို ထမင်းတစ်နပ်သာစားပြီး၊ ကျန်တဲ့တစ်နပ် ဒုက္ခသည်တွေကို ကျွေးမှာပါ၊ ဘင်္ဂလားဒေ့ရ်ှဟာ မချမ်းသာပါဘူး၊ ဒါပေမဲ့ နှလုံးသားတော့ရှိပါတယ်၊ ဒုက္ခသည်တွေဟာ လူသားတွေဖြစ်တဲ့အတွက် သူတို့ကို ဘင်္ဂလားပင်လယ်အော်ထဲ မောင်းမချရက်ပါဘူးလို့လည်း ပြောဆိုခဲ့ကြောင်း Dhaka Tibune သတင်းစာက ဖေါ်ပြပါတယ်။

မကြာခင်ကတော့ ဒုက္ခသည်တွေကို ပြန်လည်ခေါ်ယူရမယ်လို့ ဘင်္ဂလားဒေ့ရ်ှအစိုးရက မြန်မာအစိုးရကို တိုက်တွန်းခဲ့ပါတယ်။

ဘင်္ဂလားဒေ့ရ်ှရောက် ဒုက္ခသည်တွေအတွက် အမေရိကန်ဒေါ်လာ သန်း ၇၀ လောက် လိုအပ်ကြောင်း ကုလသမဂ္ဂ ဒုက္ခသည်များဆိုင်ရာမဟာမင်းကြီးက ပြောဆိုခဲ့ပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ