ဝန်းသို ဆရာတော် ဘုရားကြီး အရိုးတော်မှ ဓာတ်တော်အဖြစ်ပြောင်းလဲသွားဟုဆို

အောက်တာဘာ ၂၃

မကြာမီရက်ပိုင်းကမှ မီးသင်္ဂြုလ်လိုက်သော ၀န်းသိုကျောင်းဆရာတော် ဘဒ္ဒန္တသီလ၀ံသ၏ ကြွင်းကျန် အရိုးတော်အနည်းငယ်ခန့်ကို စေတီတည်ရန်အတွက် ယူဆောင်လာခဲ့ရာ သုံးရက်အကြာတွင် အရိုးတော်မှ ဓာတ်တော်များအဖြစ် အလုံးစုံ ပြောင်းလဲသွားခဲ့ကြောင်း ဓမ္မရက္ခိတ ၀န်းသိုကျောင်းတိုက်၏ လက်ရှိ ပဓာနနာယကဆရာတော် အရှင်ကေသုမာလာက ရှမ်းနီအသံဂျာနယ်သို့ ပြောကြားသည်။

'' အခု သုံးရက်မြောက် မနက်သုံးနာရီမှာ အိမ်မက်မက်တယ်။ အိမ်မက်မက်လို့ ထကြည့်လိုက်တဲ့အချိန်မှာ အဲ့လိုတွေ ပြောင်းလဲမှု ဖြစ်သွားတာပေါ့။ ဒါပေမယ့်လို့ ပြောင်းလဲတာက အဲ့ဒီအထဲမှာ အကြီးအသေးတွေ့တယ်မလား။ သေးသေးလေးတွေကတော့ အသွေးထဲက အဲ့ဒီလိုဖြစ်သွားတာ အကုန်လုံး ။ အနီရောင်တွေပေါ့။ အသွေးတော်ပေါ့။ ဒါကြောင့်မို့ အသွေးနဲ့ရောတယ်ပြောတာ။ ကျန်တဲ့အလုံး ကြီးတဲ့ဟာတွေက နည်းနည်း မဲနေတာ။ အလုံးလေးတွေဖြစ်သွားတာ။ မဲနေတဲ့ဟာက မနက် ခုနှစ်နာရီအထိ မဲရက်ပဲ ။ ဒီမှာအားလုံး လေးငါးခြောက်ယောက်ပေါ့။ ဒကာတွေအားလုံးစုပြီးမှ ကြည့်နေကြတာလေ။ အဲ့လိုကြည့်ရင်း ကြည့်ရင်းနဲ့ အဲ့ဒီကြီးတဲ့ အလုံးတွေက တဖြည်းဖြည်း တခြားအရောင်တွေ ဖြစ်လာတယ်။ အဖြူရောင်တို့ အပြာရောင်တို့ အဲ့ဒီအထဲမှာတွေ့တဲ့ အတိုင်းပဲလေ ။ အနီရောင်တို့ သူ့ဟာသူ ပြောင်းလဲသွားတာ။ ဒီအတိုင်းကြည့်ရင်းနဲ့ ပြောင်းတာ။ တစ်ခုပြီး တစ်ခု ပြောင်းပြောင်းသွားတာ။ ဒီကနေ့ မနက် ရှစ်နာရီမှာ ဒီအတိုင်းပဲ ကြည့်ရင်းနဲ့ကို ပြောင်းပြောင်းသွားတာ။ အံ့သြစရာ သ်ိပ်ကောင်းတယ်။ '' ဟု ဆရာတော်က မိန့်ကြားသည်။

ထိုသို့ ပြောင်းလဲသည့် အချိန်တွင် ရွှေမိုးတောင် ဂေါပက ဥက္ကဌ ၊ ဆရာတော်ကြီး၏ ဈာပနပွဲကျင်းပရေး ငွေစာရင်းကိုင် ဦးရဲမြင့် ၊ အမြဲတမ်းဆွမ်းဒကာ ဦးသိန်းထွန်းနှင့် ဒေါ်ရွှေလုံး ၊ ဆရာတော်ကြီး၏ မြေးတော်စပ်သူ နှင့် အင်ဂျင်နီယာ ဦးသန်းအောင် အပါအ၀င် လူဆယ်ဦးခန့်က ပြောင်းလဲမှုဖြစ်စဉ်ကို တွေ့မြင်ခဲ့ကြကြောင်းလည်း သိရသည်။

ဆရာတော်၏ ရုပ်ကလာဘ်အား မီးသဂြိုလ်ပြီး၍ အရိုးတော်များကောက်ယူစဉ်အတွင်း ရွှေရောင်အဆင်းကဲ့သို့သော အရိုးများပါဝင်သော်လည်း ယခုကျောင်းတိုက်သို့ယူဆောင်ပူဇော်ခဲ့သော အရိုးတော်မှာ သာမန်မထူးခြားသည့် အရိုးတော်သာဖြစ်ကြောင်းလည်း ဆရာတော်ကေသုမာလာက မိန့်ကြားသည်။ အခြားသော အရိုးတော်များမှာ တိုင်းရုံးသို့ ယူဆောင်သိမ်းဆည်းထားကြောင်းလည်း သိရသည်။
မူလကတည်းက အရိုးဓာတ်တော်စေတီတည်ရန်ရည်ရွယ်၍ အရိုးတော်အနည်းငယ်ကို ယူဆောင်လာခြင်းဖြစ်ပြီး ထိုသို့ပြောင်းလဲစေရန် တစ်စုံတစ်ရာ ဖန်တီးခဲ့ခြင်းမရှိကြောင်းလည်း ဆရာတော် ကေသုမာလာက မိန့်ကြားသည်။

" ဘုရားကအကြီးကြီးလေ ကျောင်းပေါ်မှာ ။ ငါးပေလောက်ရှိတာကို ။ ငါးပေလောက်ရှိတဲ့ ဘုရားရဲ့လက်ထဲမှာထည့်ထားတာ။ လက်ထဲမှာဆို ဖန်ခွက်ထဲမှာထည့်ပေါ့ ။ စက္ကူလေးအုပ်ပြီးတော့မှ တစ်သျှူး လေးခံတယ်။ သာမန်ပဲ ။ တစ်သျှူးခံပြီး အဲ့ဒီအရိုးတုံးလေး ထည့်လိုက်တာပေါ့။ အပေါ်က တစ်သျှူးလေးနဲ့ ပြန်အုပ်ပြီးတော့ ဘုရားလက်တော်ထဲမှာ ထားလိုက်တာပေါ့။ ထည့်ထားပြီးတော့ ဆီမီးလေးဘာလေးထွန်းတာပေါ့။ မီးထွန်းပြီးတော့မှ သစ္စာလေးဘာလေးဆို ဒီလောက်ပါပဲ ။ " ဟု ဆရာတော်က မိန့်ကြားသည်။

ပြောင်းလဲသွားသော ဓာတ်တော်များကို ကျောင်းတိုက်အနီး ဧရာဝတီမြစ်ကမ်းဘေးရှိမြေကွက်လပ်တွင် ဓာတ်တော်စေတီတည်သွားမည်ဖြစ်ကြောင်းလည်း ဆရာတော်က ဆက်လက်မိန့်ကြားသည်။

ကျန်းဂန်များအရ ဓာတ်တော်ကျနိူင်သော ပုဂ္ဂိုလ်များမှာ အရိယာနယ်ပယ်သို့ ရောက်ရှိသွားသည့် ပုဂ္ဂိုလ်များတွင်သာ ဖြစ်နိူင်ပြီး အခြားပုဂ္ဂိုလ်များ မဖြစ်နိူင်ကြောင်း ဆရာတော်က ဆက်လက် မိန့်ကြားသည်။

" ပြောင်းလဲနိူင်တယ်ဆိုတာကတော့ အရိယာပုဂ္ဂိုလ်မှပဲ ပြောင်းလဲလို့ရတာ။ အရိယာမဟုတ်ရင် ဘယ်လိုမှ မဖြစ်နိူင်ဘူး။ အရိယာနယ်ပယ်မရောက်တဲ့ ပုဂ္ဂိုလ်က ဒါမျိုး ဘယ်တော့မှ မဖြစ်ဘူး။ ပြီးတော့ ထူးခြားတာတွေတော့ရှိတာပေါ့။ ဆရာတော်ကြီးထူးခြားတာက ရောဂါကြီးမှု ညည်းညူမရှိ သတိမမေ့ ခြေနေသိမြင် အဲ့ဒါတွေ အကုန်လုံး ပြည့်စုံတယ်လေ။ တစ်ခါမှ ညည်းတာလည်း မရှိဘူး။ သူစုတေခါနီးအထိပေါ့ ။ စုတေခါနီးအထိ သတိကမမေ့ဘူး။ တစ်နာရီနဲ့ ဆယ့်ငါးမှာ ၀ိညာဉ်ချုပ်တယ်လေ။ အဲ့ဒီအချိန် တစ်နာရီတိတိမှာ သူငါ့ကိုတဲ့ ညာဘက်ကိုလှည့်ပေးပါ။ ညာဘက်စောင်းပေးပါ အဲ့လိုပြောတယ်။ အဲ့လိုပြောပြီးတော့ ညာဘက်ကစောင်းပေးတာ နောက်ဆယ့်ငါးမိနစ်ဆိုတော့ မရှိတော့ဘူး။ သိတောင်မသိဘူး။ ဆရာဝန်တွေ ရှစ်ယောက်လောက်ရှိတယ်။ အားလုံးဝိုင်းပြီး ကြည့်နေတာ။ ကျန်တဲ့ဒကာဒကာမတွေရော အများကြီးပဲ အခန်းထဲမှာက ။ နှစ်ဆယ်သုံးဆယ်လောက်ရှိမှာပေါ့။ အဲ့ဒီကြားထဲမှာ ဒီအတိုင်း ဘယ်သူမှတောင် မသိလိုက်ဘူး။ ကြည့်ကြပါဦး အသက်မရှိတော့ဘူးဘုရားဆိုမှ ပိုက်တွေ ဘာတွေ ဖြုတ်ကြတာပေါ့လေ။ " ဟု ဆရာတော် ပျံလွန်သည့် အခြေအနေကို ဆရာတော် ကေသုမာလာက ပြန်ပြောင်းမိန့်ကြားသည်။

ဝန်းသိုဆရာတော် ဘဒ္ဒန္တသီလ၀ံသ သည် သက်တော် ၉၂ နှစ် ၀ါတော် ၇၂ ၀ါ ၂၀၁၇ ခုနှစ် ဇွန်လ ၁၈ ရက်နေ့တွင် ပျံလွန်တော်မှုပြီး ၂၀၁၇ ခုနှစ် အောက်တိုဘာလ ၂၀ ရက်နေ့တွင် မီးသင်္ဂြုလ်ခဲ့သည်။

The Voice of Shan-Ni
https://www.facebook.com/shannivoicenewsjournal