တူရကီအာဏာသိမ်းရန်ကြံစည်သူ ၃၄ဦး ထောင်ဒဏ်တသက် အမိန့်ချခံရ


တူရကီနိုင်ငံမှာ ပြီးခဲ့တဲ့နှစ်ထဲ အာဏာသိမ်းဖို့ ကြံစည်မှုအတွင်း သမ္မတ Recep Tayyip Erdogan ကို လုပ်ကြံဖို့ ကြံစည်မှုနဲ့ အရေးယူခံထားရသူ ၃၄ ယောက်ကို ဒီကနေ့ပဲ တရားရုံးက ထောင်ဒဏ်တသက်စီ ပြစ်ဒဏ်ချမှတ်လိုက်ပါတယ်။

ပြစ်ဒဏ်စီရင် ခံရသူတွေထဲမှာတော့ အာဏာသိမ်းဖို့ ကြိုးပမ်းခဲ့တဲ့ညမှာ သမ္မတရှိရာ ဟိုတယ်ကို ၀င်ရောက်စီးနင်းမှုမှာ ပါဝင်ခဲ့သူတွေလို့ဆိုတဲ့ အဆင့်မြင့် စစ်ဗိုလ်ချုပ်တွေ အရာရှိကြီးတွေလည်း ပါဝင်ကြပါတယ်။ ဟိုတယ်ကို စစ်သားတွေ ၀င်ရောက်စီးနင်းရာမှာတော့ သမ္မတနဲ့ မိသားစုက ပွတ်ကာသီကာ လွတ်မြောက်ခဲ့တာပါ။ အာဏာသိမ်းဖို့ ကြံစည်မှုနဲ့ ဆက်နွယ်ပြီး စွပ်စွဲခံထားရသူတွေကိုတော့ ပြီးခဲ့တဲ့ ဖေဖော်ဝါရီလကစလို့ ရုံးတင်စစ်ဆေးနေတာ ဖြစ်ပါတယ်။

အမှုငယ်တော်တော်များများအတွက် ပြစ်ဒဏ်တွေကိုတော့ အစောပိုင်းမှာပဲ စီရင်ချက်ချခဲ့ပြီး၊ အဆင့်မြင့် အရာရှိတွေရဲ့ အမှုတွေကို စီရင်ချက်ချတာကတော့ ဒီတကြိမ်ဟာ ပထမဆုံးဖြစ်ပါတယ်။ အမှုရင်ဆိုင်နေရသူတွေကတော့ တရားခွင်ဟာ မျှတမှုမရှိကြောင်းနဲ့ ဖမ်းဆီးထားစဉ်မှာ ဖိနှိပ်ဆက်ဆံခံရတာတွေ ရှိကြောင်းလည်း ပြောဆိုနေကြတာပါ။ အစိုးရကတော့ တရားခွင်ရဲ့ လုပ်ငန်းတွေဟာ လွတ်လပ်မှုရှိကြောင်းနဲ့ နောက်ဆက်တွဲ ဖမ်းဆီးအရေးယူမှုတွေဟာ တူရကီနိုင်ငံရဲ့ ဒီမိုကရေစီကို ကာကွယ်ဖို့ဖြစ်ကြောင်း ပြောဆိုထားကြပါတယ်။

အာဏာသိမ်းဖို့ ကြိုးပမ်းမှုအတွင်းလူပေါင်း ၂၄၀ ကျော် သေဆုံးခဲ့ရတာပါ။ တူရကီ အာဏာပိုင်တွေကတော့ စွပ်စွဲခံရသူတွေကို တရားဥပဒေနဲ့အညီ အရေးယူရာမှာ အလျှော့ပေးမှာ မဟုတ်တဲ့အကြောင်း ပြောဆိုထားကြပါတယ်။ အာဏာသိမ်းဖို့ ကြံစည်မှုနောက်ပိုင်း လူပေါင်း ၅ သောင်းလောက်ဟာလည်း အမှုတွေနဲ့ ရင်ဆိုင်နေရသလို၊ တသိန်းခွဲလောက်ဟာလည်း ဖမ်းဆီးခံရ အလုပ်ဖြုတ်ခံရတာတွေနဲ့ ကြုံခဲ့ရတာပါ။ သတင်းမီဒီယာ ၁၅၀ လောက် ပိတ်ပင်ခံခဲ့ရသလို၊ သတင်းသမား ၁၆၀ လောက်ဟာလည်း ဖမ်းဆီးခံခဲ့ရကြောင်း တူရကီသတင်းထောက်အသင်းက မှတ်တမ်းတင်ထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ