ကနီမြို့နယ်အုပ်ချုပ်ရေးမှူးကို ဒေသခံတွေ ဆန္ဒပြ

စစ်ကိုင်းတိုင်းဒေသကြီး ကနီမြို့နယ် အုပ်ချုပ်ရေးမှူးကို အဂတိလိုက်စားလို့ဆိုပြီး ဒေသခံတွေ အောက်တိုဘာလ ၈ ရက်နေ့က ဆန္ဒပြတောင်းဆိုစဉ်
စစ်ကိုင်းတိုင်းဒေသကြီး ကနီမြို့နယ် အုပ်ချုပ်ရေးမှူးကို အဂတိလိုက်စားလို့ဆိုပြီး ထိထိရောက်ရောက် အရေးယူပေးဖို့ ဒေသခံ ၁၅၀၀ လောက်က ဒီကနေ့ ကနီမြို့နယ်မှာ ဆန္ဒပြတောင်းဆိုကြပါတယ်။

မြို့နယ်အုပ်ချုပ်ရေးမှူးဟာ သားသတ်လိုင်စင်ကိစ္စ၊ တယ်လီဖုန်းတာဝါတိုင်ကိစ္စနဲ့ လယ်ယာမြေကိစ္စတွေမှာ အဂတိလိုက်စားတာကြောင့် ဆန္ဒပြတာဖြစ်တယ်လို့ ဆန္ဒပြပွဲဦးဆောင်သူ ကိုပြည့်အောင်နိုင်က ပြောပါတယ်။

"ကနီမြို့နယ် အုပ်ချုပ်ရေးမှူးက သားသတ်လိုင်စင်ကိစ္စတွေ၊ တာဝါတိုင်ကိစ္စတွေ၊ လယ်ယာမြေ ကိစ္စတွေမှာဆိုရင် အဓိကအားဖြင့် အဂတိလိုက်စားပြီး ငွေတောင်းတယ်။ ကာယကံရှင်တွေက တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းတို့ထံ တိုင်းဒေသကြီး ၀န်ကြီးချုပ်တို့ထံကို တိုင်ထားတာ ၂ ကြိမ်လောက်ရှိပြီ။ တိတိကျကျနဲ့ ထိရောက်စွာ ဖြေရှင်းဆောင်ရွက်ပေးမှု မရှိဘူး။ အဂတိလိုက်စားမှုဆိုတဲ့ အဆိပ်တောက်တွေသာ ရှိနေမယ်ဆိုရင် တရားဥပဒေစိုးမိုးရေးလည်း မရှိလာနိုင်ဘူး။ သွားနေတဲ့ နိုင်ငံတော်ရဲ့လမ်းစဉ်လည်းကြာမယ်။ အဲ့အတွက်ကြောင့်မို့လို့ ကျနော်တို့လို အမှန်တရားလိုလားတဲ့ ပြည်သူတွေက ဆန္ဒထုတ်ဖော်တာပါ"

ဒေသခံတွေဟာ ကနီမြို့နယ်အုပ်ချုပ်ရေးမှူးကို တိုင်ကြားထားတဲ့အတွက် ကာယကံရှင်တွေ၊ သက်သေတွေကိုး စစ်ဆေးထားပြီး တိုင်းဒေသကြီးအစိုးရအဖွဲ့ထံ ပြီးခဲ့တဲ့ သြဂုတ်လက တင်ပြပေးထားတယ်လို့ ကနီမြို့နယ် တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းက ပြောပါတယ်။

ဆန္ဒပြသူတွေဟာ ကနီမြို့နယ်ခန်းမနဲ့ ရွှေမြင်းဖြူဘုရားမုဒ်ပေါက်မှာ စုဝေးခဲ့ကြပြီး ကမ်းနားလမ်းကနေ မြို့နယ်အထွေထွေအုပ်ချုပ်ရေးမှူး ရုံးရှေ့အထိ လမ်းလျှောက်ဆန္ဒပြကြတာလို့ သိရပါတယ်။

RFA Burmese
http://www.rfa.org/burmese/news

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ