ကမ္ဘာကို ပြည်သူ့အင်အား လက်တွေ့ပြမယ်လို့ ဒေါ်အောင်ဆန်းစုကြည် ပြောကြား


နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရခိုင်ပြည်နယ်ရဲ့ အခြေအနေနဲ့ပတ်သက်ပြီး နိုင်ငံတကာရဲ့အာရုံစိုက်ဝေဖန်မှု အင်မတန်ကြီးမားကြောင်း၊ နိုင်ငံတကာရဲ့ သဘောထားအမြင်တွေကို နားလည်သိရှိဖို့လည်း လိုကြောင်း၊ ဒါပေမယ့် မိမိတို့နိုင်ငံရဲ့အခြေအနေကို မိမိတို့ပြည်သူပြည်သားတွေလောက် ဘယ်သူကမှ မသိနိုင်ကြောင်းနဲ့ ဒီပြသနာ ဖြေရှင်းရေးအတွက် မိမိတို့ရဲ့ ညီညွတ်မှုအင်အားကသာလျှင် အဓိကဖြစ်ကြောင်း မနေ့ညက ပြောကြားလိုက်ပါတယ်။

“ ဒီအချိန်မှာ မြန်မာနိုင်ငံအနေနဲ့ လုပ်စရာရှိတာတွေကို၊ ကိုယ်လုပ်သင့်တာတွေကို မှန်မှန်ကန်ကန် ရဲရဲတင်းတင်း ထိထိရောက်ရောက် လုပ်ကိုင်နေဖို့ အရေးကြီးပါတယ်။ ဝေဖန်ချက်တွေ၊ စွပ်စွဲချက်တွေကို စကားနဲ့ တုံ့ပြန်ချေပနေတာထက် လက်တွေ့ လုပ်ဆောင်ချက်တွေ၊ တိုးတက်မှုရလာဒ်တွေနဲ့ ကမ္ဘာ့ကို ပြသသွားဖို့ ကျွန်မတို့ လုပ်ဆောင်သွားရမှာဖြစ်ပါတယ်။”

မြန်မာပြည်သူတွေကို ကြာသပတေးနေ့ညက အစိုးရပိုင်မီဒီယာတွေကနေ တင်ပြတဲ့မိန့်ခွန်းမှာ ဒေါ်အောင်ဆန်းစုကြည်က ရခိုင်ပြည်နယ်ပြသနာနဲ့ပတ်သက်ပြီး ဆောင်ရွက်ရမယ့် ဦးစားပေးလုပ်ငန်း ၃ ခုရှိကြောင်း၊ ၁။ လူသားချင်းစာနာမှုအကူအညီတွေ ထိထိရောက်ရောက်ပေးပြီး ဒုက္ခသည်တွေ ပြန်လည်လက်ခံရေး၊ ၂။ ပြန်လည်နေရာချထားရေး နဲ့ ၃။ ဒေသဖွံ့ဖြိ်ုးရေးနဲ့ ရေရှည်ပဋိပက္ခကင်းဝေးရေးတို့ ဖြစ်ကြောင်း ပြောပါတယ်။

တဆက်တည်းမှာပဲ အဲဒီလုပ်ငန်းစဉ်တွေအောင်မြင်ရေးအတွက် နိုင်ငံတော်အစိုးရနဲ့အတူ ပြည်တွင်းပြည်ပ နိုင်ငံတွေ၊ အဖွဲ့အစည်းတွေနဲ့ လူတန်းစားပေါင်းစုံ ပါဝင်နိုင်မယ့် ယန္တယားတခုကို “ရခိုင်ပြည်နယ်တွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(Union Enterprise for Humanitarian Assistance, Resettlement and Development in Rakhine)” လို့ အမည်ပေးပြီး သူမကိုယ်တိုင် ဦးဆောင်ကာ ဘင်္ဂလားဒေ့ရှ် နိုင်ငံက ပြန်လာမယ့်သူတွေ အတွက်သာမက ဒိုင်းနက်၊ မြိုအစရှိတဲ့ တိုင်းရင်းသားတွေ၊ ဟိန္ဒူဘာသာဝင်တွေ၊ ရခိုင်တိုင်းရင်းသားတွေ အားလုံးအတွက် ဆောင်ရွက်မှာဖြစ်ကြောင်း ပြောပါတယ်။

“တည်ငြိမ်အေးချမ်းတိုးတက်ဖွံ့ဖြိုးတဲ့ ရခိုင်ပြည်နယ်ဖြစ်ပေါ်လာရေးအတွက် လက်တွေ့ တိုးတက်မှု ရလာဒ်တွေနဲ့ ပြသဖို့ ကြိုးပမ်းဆောင်ရွက်မယ့် ဒီစီမံကိန်းမှာ ပြည်သူပြည်သားတွေ၊ ပြည်တွင်း NGO တွေ၊ CSO တွေ၊ စီးပွားရေးလုပ်ငန်းရှင်ကြီးတွေ ပူးပေါင်းပါဝင်ကြဖို့ အလေးအနက် မေတ္တာရပ်ခံပါတယ်။ လာမယ့် အပတ်မှစပြီး စီမံကိန်း အကောင်အထည်ဖေါ်တဲ့အခါမှာ ကျွန်မတို့ ပြည်ထောင်စုကြီးတစ်ရပ်လုံးက ဆန္ဒ၊ ဝီရိယ၊ စိတ္တ၊ ပညာအားတွေ စုပုံပြီး ထက်ထက်သန်သန်၊ သတ္တိရှိရှိနဲ့ သမိုင်းမှတ်ကျောက်တင်ရလောက်အောင် သန့်ရှင်း၊ မှန်ကန်တဲ့အစွမ်းတွေ ပြကြမယ်လို့ မျှော်လင့်ယုံကြည်ပါတယ်”

အဲဒီ စီမံကိန်းအတွက် ပြည်သူတွေပါဝင်ကူညီနိုင်မယ့် လုပ်ငန်းစဉ်တွေကို အောက်တိုဘာ ၁၅ ရက်နေ့ကစပြီး အင်တာနက် ဝက်ဆိုဒ်အပါအဝင် နိုင်ငံပိုင် သတင်းမီဒီယာတွေကကြေညာမှာဖြစ်ကြောင်းနဲ့ နိုင်ငံတကာရောက် မြန်မာတွေနဲ့ မြန်မာနိုင်ငံအပေါ်စေတနာထားတဲ့ မိတ်ဆွေတွေအနေနဲ့လည်း နိုင်ငံခြားသံရုံးတွေကနေတဆင့် ပါဝင်ကူညီနိုင်မှာဖြစ်ကြောင်း ဒေါ်အောင်ဆန်းစုကြည်က ပြောကြားသွားခဲ့ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ