တစ်ရက်လုပ်ခ ကျပ် ၅ ထောင်ထက် မနည်းသင့်ကြောင်း ဦးဖြိုးမင်းသိန်း အကြံပြု

ရန်ကုန်တိုင်းဒေသကြီး စက်မှုဇုန်တစ်ခုက အလုပ်သမားတချို့ကို တွေ့ရစဉ်။ Photo: RFA
အနည်းဆုံးအခကြေးငွေကို တစ်ရက် ကျပ် ၅၀၀၀ ထက် မနည်းသင့်ကြောင်း  ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက အနည်းဆုံးအခကြေးငွေ သတ်မှတ်ရေးဆိုင်ရာ ရန်ကုန်တိုင်းဒေသကြီးကော်မတီကို အကြံပြုပြောကြားလိုက်ပါတယ်။

အနည်းဆုံးအခကြေးငွေ သတ်မှတ်ရေးဆိုင်ရာ ရန်ကုန်တိုင်းဒေသကြီး ကော်မတီနဲ့ ၀န်ကြီးချုပ် ဦးဖြိုးမင်းသိန်း မနေ့က တွေ့ဆုံရာမှာ ပြောကြားခဲ့တာလို့ ကော်မတီဝင် အလုပ်သမားကိုယ်စားလှယ် ကိုရဲဝင်းထွန်းက ပြောပါတယ်။

"၀န်ကြီးချုပ် အကြံပြုသွားတဲ့ ၅၀၀၀ ထက် မနည်းသင့်ဘူးဆိုတာကလည်း ကျနော်တို့ တွေ့ရှိချက်ရဲ့ ၂ ခုရဲ့ အလယ်လိုင်းခေါ်မှာပေါ့ အဲ့အခြေအနေမျိုးပါ၊ ဒါ မနေ့ကပွဲမှာ ကျနော်တို့ တွေ့ရှိရတာပေါ့"

အနည်းဆုံးအခကြေးငွေ သတ်မှတ်ရေးဆိုင်ရာ ရန်ကုန်တိုင်းဒေကြီး ကော်မတီရဲ့ စစ်တမ်းကောက်ယူချက်တွေအရ အလုပ်ရှင်တွေက တစ်ရက်ကို ကျပ် ၄၄၀၀ ဒါမှမဟုတ် ၄၈၀၀  သတ်မှတ်ပေးဖို့ အဆိုပြုကြတယ်လို့ သိရပါတယ်။

ဒါ့အပြင် အလုပ်သမားတွေရဲ့ တစ်နေ့တာ နေထိုင်စားသောက်မှုစရိတ်ကို စစ်တမ်းကောက်ယူရာမှာတော့ တစ်ရက်ကို ကျပ် ၄၄၀၀ နဲ့ ၆၄၀၀ ကြား ကုန်ကျတယ်လို့ ကောက်ယူရရှိထားကြောင်း သိရပါတယ်။

ရရှိထားတဲ့နှုန်းထားတွေကို အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီထံ တင်ပြထားပြီး အဲဒီကော်မတီက တိုင်းဒေသကြီးနဲ့ ပြည်နယ်အလိုက် တင်ပြလာတဲ့ နှုန်းထားတွေကို ပြန်လည်စိစစ်ကာ အဆိုပြုနှုန်းထားတစ်ရပ် ထုတ်ပြန်ရမှာဖြစ်ပါတယ်။

အမျိုးသားကော်မတီရဲ့ တတိယအကြိမ်အစည်းအဝေးကို အောက်တိုဘာလ ၂ ရက်နေ့ မနက်ဖြန် နေပြည်တော်မှာ ကျင်းပသွားမှာဖြစ်ပြီး အနည်းဆုံးအခကြေးငွေ အဆိုပြုနှုန်းထားကို ဒီဇင်ဘာမှာ ထုတ်ပြန်နိုင်ဖို့ လျာထားတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ