ဖြားယောင်းပေါင်းသင်းခံရမှု ပပျောက်ရေး အသိပညာပေးရန်လို

အလံတရာဆရာတော် ပြန်ဝင်စားသူလို့ဆိုတဲ့ အသက် ၂၅ နှစ်အရွယ် ခွန်တန်။
အသိပညာနည်းပါးမှု၊ အယူသည်းမှုတွေကို အခွင့်ကောင်းယူပြီး မိန်းကလေးငယ်တွေကို ဖျားယောင်း ပေါင်းသင်းနေထိုင်တဲ့ ကိစ္စမျိုးအတွက် အမျိုးသမီးတွေနဲ့ ဒေသခံ လူထုကို အသိပညာပေးဖို့ လိုအပ်နေတယ်လို့ အမျိုးသမီးရေးတက်ကြွလှုပ်ရှားသူတွေက ပြောဆိုကြပါတယ်။ ဘာသာရေးမှိုင်းတိုက်ပြီး မိန်းကလေးငယ်အများအပြားကို ပေါင်းသင်းနေထိုင်ခဲ့တယ်လို့ စွပ်စွဲခံထားရတဲ့ အလံတရာဆရာတော် ပြန်ဝင်စားတယ် ဆိုသူကို လိင်ပိုင်းဆိုင်ရာ အကြမ်းဖက်မှုဥပဒေနဲ့ အရေးယူဖို့ မွန်ပြည်နယ် လွှတ်တော်က နေတဆင့် ကြိုးပမ်းဆောင်ရွက်နေကြောင်း သထုံမြို့နယ် မဲဆန္ဒနယ်မြေ အမှတ် (၂) လွှတ်တော်ကိုယ်စားလှယ်ကလည်း ပြောဆိုလိုက်ပါတယ်။ မအင်ကြင်းနိုင်က အပြည့်အစုံကို ဆက်လက်တင်ပြမှာပါ။

မွန်ပြည်နယ်၊ သထုံမြို့နယ်၊ စရစ်ချောင်းကျေးရွာအုပ်စု၊ အလံတရာနယ်မြေက ပအို့ကျေးရွာတချို့မှာ ခွန်တန်နဲ့ အပေါင်းပါလူတစုဟာ ဘာသာရေးမှိုင်းတိုက်ပြီး အသက် ၁၆ နှစ်အောက် ကနေ ၁၈ နှစ် အရွယ်ရှိ မိန်းကလေးငယ်မြောက်များစွာနဲ့ ပေါင်းသင်းနေထိုင်ခဲ့တဲ့ ဖြစ်ရပ်ကို အလံတရာနယ်မြေက အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်ဒေါ်ခိုင်ခိုင်လဲ့က ဗွီအိုအေကို ပြောပြပါတယ်။

အခုလို မိန်းကလေးငယ်တွေနဲ့ ပေါင်းသင်းနေထိုင်တဲ့ ဖြစ်ရပ်ကို အသက် ၂၅နှစ်အရွယ် ခွန်တန်ဟာ ၂၀၁၃ ခုနှစ် ပတ်ဝန်းကျင်လောက်မှာ စတင်ကျူးလွန်ခဲ့တယ်လို့ သိရကြောင်းနဲ့ ဒါဟာ လိင်ပိုင်းဆိုင်ရာ အကြမ်းဖက်မှု ဖြစ်ကြောင်း ဒေါ်ခိုင်ခိုင်လဲ့ကပြောပါတယ်။

မွန်ပြည်နယ်လွှတ်တော်ရဲ့ အမျိုးသမီးနဲ့ ကလေးသူငယ်အခွင့်အရေး ဆိုင်ရာကော်မတီ ဥက္ကဌ အနေနဲ့ ခွန်တန်ရဲ့ အမျိုးသမီးငယ်တွေအပေါ် လိင်ပိုင်းဆိုင်ရာ အကြမ်းဖက်မှု စွပ်စွဲချက်ပါဝင်တဲ့ တိုင်ကြားစာတချို့ ရရှိထားတယ်လို့ ဒေါ်ခိုင်ခိုင်လဲ့ကပြောပါတယ်။ ဒါကြောင့် နစ်နာခဲ့တဲ့ မိန်းကလေးငယ်တွေအတွက် ဥပဒေကြောင်းအရ တရားမျှတမှုရရှိဖို့ ကော်မတီအနေနဲ့ ကြိုးပမ်းဆောင်ရွက်သွားမှာဖြစ်တယ်လို့ သူက အခုလိုပြောပါတယ်။

အခုလို ဘာသာရေးမှိုင်းတိုက်ပြီး အရွယ်မရောက်သေးတဲ့ မိန်းကလေးငယ်တွေအပါအ၀င် အမျိုးသမီးတွေကို လိင်ပိုင်းဆိုင်ရာ အကြမ်းဖက်တဲ့ ဖြစ်ရပ်တွေ ရပ်တန့်အောင် ပညာပေးလုပ်ငန်းတွေကိုအမျိုးသမီးအဖွဲ့အစည်းတွေအပါအ၀င် လူထုအခြေပြု အဖွဲ့အစည်းတွေကနေ သက်ဆိုင်ရာ အစိုးရအဖွဲ့နဲ့ ပူးပေါင်းပြီး အရှိန်အဟုန်မြင့် ဆောင်ရွက်သင့်တယ်လို့ အမေရိကန်ပြည်ထောင်စုကို ခေတ္တခဏရောက်ရှိနေတဲ့ Triangle အမျိုးသမီးအဖွဲ့တည်ထောင်သူ မခင်လေးက သုံးသပ်ပါတယ်။

ခွန်တန်နဲ့ အပေါင်းပါတစုကို ပြီးခဲ့တဲ့ လပိုင်းတွေကတည်းက သာသနာရေးညှိုနွမ်းစေမှုနဲ့ မွန်ပြည်နယ်အစိုးရက အရေးယူထားပေမယ့် ခွန်တန်ကတော့ ထွက်ပြေးတိမ်းရှောင်နေတယ်လို့ လွှတ်တော်ကိုယ်စားလှယ် ဒေါ်ခိုင်ခိုင်လဲ့က ပြောပါတယ်။

ခွန်တန်ကို ဖမ်းဆီးနိုင်ဖို့ ရှမ်းပြည်နယ်ကို ထွက်ပြေးသွားတယ်ဆိုတဲ့ သတင်းအရ ရှမ်းပြည်နယ်အစိုးရနဲ့ ပူးပေါင်းဆောင်ရွက်နေကြောင်း မွန်ပြည်နယ် ၀န်ကြီးချုပ် ဒေါက်တာအေးဇံက ပြီးခဲ့တဲ့ ရက်ပိုင်းအတွင်း သတင်းထောက်တွေကိုပြောပါတယ်။

အခုလို အလံတရာနယ်မြေက ပအို့ကျေးရွာတွေမျာ ဘာသာရေးမှိုင်းတိုက်ခံနေရတဲ့ ဖြစ်ရပ်တွေနဲ့ ပတ်သက်လို့ ကိုယ်တိုင် သတင်းတပတ်အတွင်း သူကိုယ်တိုင် သွားရောက် စုံစမ်းဖြေရှင်း ဖို့ရှိကြောင်း သာသနာရေးဝန်ကြီး သူရဦးအောင်ကို ကလည်း ပြောကြားထားပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ