ကျောက်မဲမြို့နယ် ပင်တီးရွာအနီး လမ်းလျှောက်လာသည့် အမျိုးသမီးအား ကုန်တင်ယာဉ်ဝင်တိုက်

ဓါတ်ပုံ - ကမ်းလင့်လက်များလူမှုကူညီရေး

ရှမ်းပြည်နယ်(မြောက်ပိုင်း) ကျောက်မဲမြို့နယ် ပင်တီးကျေးရွာအနီး မန္တလေး - မူဆယ် ပြည်ထောင်စုလမ်းမကြီးတွင် အောက်တိုဘာလ (၁၀)ရက်နေ့ နံနက်(၉)နာရီခန့်က ခြောက်ဘီးယာဉ်တစ်စီးဘရိတ်ပေါက်ပြီး လမ်းလျှောက်နေသည့်အမျိုးသမီးအား ဝင်တိုက်မိကြောင်း သိရသည်။

“မူဆယ်ဘက်ကဆင်းလာတဲ့ ခြောက်ဘီးယာဉ်တစ်စီးက တောင်ယာသွားနေတဲ့ အမျိုးသမီးတစ်ဦးကို ဝင်တိုက် တာပါ။ အမျိုးသမီးကတော့ ပင်တီးကျေးရွာကပါ။ ဘယ်ဖက်ပေါင်ရိုးကျိုးသွားတဲ့အတွက် နောင်ပိန် တိုက်နယ် ဆေးရုံကို တင်တယ်။ အဲဒီကမှတစ်ဆင့် အခု ကျောက်မဲပြည်သူ့ဆေးရုံကိုပို့ဆောင်ပေးနေတာ ဖြစ်ပါတယ်” ဟု ကမ်းလင့်လက်များ လူမှုကူညီရေးအသင်း(အောင်ဓမ္မာရုံနောင်ပိန်)မှ ဦးစိုင်းနောင့်က တာချီလိတ်သတင်းအေဂျင်စီ သို့ ပြောသည်။

ယာဉ်တိုက်မှုကြောင့် ဒဏ်ရာရသွားသည့် အသက် (၂၀)အရွယ် အမျိုးသမီးမှာ ပင်တီးကျေးရွာမှဖြစ်ပြီး ပြောင်းဖူးချိုးရန် တောင်ယာသို့ သွားစဉ် ယာဉ်တိုက်မှုဖြစ်ပွားခြင်းဖြစ်ကြောင်း သိရသည်။
အဆိုပါ ယာဉ်တိုက်မှုအား နောင်ပိန်ရဲစခန်းတွင် အမှုဖွင့်လှစ်စစ်ဆေးနေကြောင်း သိရသည်။

သတင်း - နေဖြိုးမြင့်
Tachileik News Agency
http://www.tachileik.net