ဘာသာရေးအရ သွေးကွဲမှာ မလေးရှားစော်ဘွားတွေ စိုးရိမ်


မလေးရှားနိုင်ငံကပြည်နယ် ၉ ခုက ဆူလ်တန်စော်ဘွားတွေက လူမျိုးပေါင်းစုံနေထိုင်တဲ့ နိုင်ငံအတွင်းမှာ စိုးရိမ်စိတ်တွေမြင့်လာပြီး ဘာသာရေးအရ သွေးကွဲစေမယ့်အပြုအပြုတွေဖြစ်ပေါ်လာတဲ့ စိုးရိမ်မိ ကြောင်း ကြေညာချက်ထုတ်ပြန်ပြောဆိုလိုက်ပါတယ်။

ပြီးခဲ့တဲ့လက ပြည်နယ်နှစ်ခုထဲက အဝတ်လျှော်ဆိုင်တွေမှာ မွတ်ဆလင်မဟုတ်သူတွေကို ဝင်ခွင့်မပြုခဲ့တဲ့အတွက် ဖွဲ့စည်းပုံအခြေခံဥပဒေမှာပါတဲ့အတိုင်း လူမျိုးစုတိုင်းနဲ့ ဘာသာရေးယုံကြည်မှုတိုင်းကို လေးစားကြဖို့ အဲဒီစော်ဘွားတွေက လူထုကိုတောင်းဆိုလိုက်တာပါ။

မလေးရှားလို လူမျိုးပေါင်းစုံ ဘာသာပေါင်းစုံ စုဝေးနေထိုင်ကြတဲ့ တိုင်းပြည်မှာ နိုင်ငံတွင်းနေထိုင်သူတိုင်းအတွက် စည်းလုံးမှု၊ သဟဇာတဖြစ်မှုနဲ့ ပတ်သက်ပြီး အုပ်ချုပ်တဲ့သူတွေက အထူးလေးအနက် ထားကြပါတယ်လို့ ကြေညာချက်ထဲမှာ ထည့်သွင်းထားပါတယ်။

အခုလို လုပ်ရပ်တွေဟာ လက်ခံနိုင်စရာသလို အဲဒီလိုမျိုးလုပ်ခဲ့ရင် မယဉ်မကျေးတဲ့ အဆင့်အတန်းနိမ့်ကျသူအဖြစ် သတ်မှတ်ခံရမှာဖြစ်သလို အဲဒီအပြုအမူတွေဟာ အစ္စလာမ်ဘာသာတရားရဲ့ အဆုံးအမကို ထိခိုက်ပျက်စီးစေမှာဖြစ်တယ်လို့လည်း ထုတ်ပြန်ချက်မှာပါရှိပါတယ်။ ဘာသာတရားတိုင်းဟာ လူတိုင်းကိုလေးစားဖို့၊ ထိန်းထိန်းသိမ်းသိမ်းပြုမူနေထိုင်တတ်ဖို့ သင်ကြားပေးပြီး အခုလို သွေးကွဲ စေတဲ့အပြုအမူတွေလုပ်ဆောင်သူ လူနည်းစုကြောင့် အစ္စလာမ်ဘာသာရဲ့နံမည်သတင်းကို အစွန်းအထင်းမဖြစ်စေသင့်ဘူးလို့လည်း ကြေညာချက်မှာပါရှိပါတယ်။

ဆူလ်တန်စော်ဘွားတွေက အဲဒီလို ကြေညာချက်ထုတ်ပြီးလိုက်တဲ့နောက်မှာ အဲဒီအဝတ်လျှော်ဆိုင်တွေက လူတိုင်းကိုအလုပ်လက်ခံဆောင်ရွက်ပေးဖို့ သဘောတူခဲ့ကြပါတယ်။

လူပေါင်း သန်း ၃၀ ရှိတဲ့မလေးရှားနိုင်ငံရဲ့ ၆၀ ရာခိုင်နှုန်းဟာ အစ္စလာမ်ဘာသာဝင်တွေဖြစ်ပြီး နိုင်ငံတွင်းမှာ ခရစ်ယာန်၊ ဗုဒ္ဓဘာသာနဲ့ ဟိန္ဒူဘာသာဝင်တွေလည်း နေထိုင်ကြပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ