ကုမ္ပဏီပိုင်ငွေများအား ခိုးယူသူ မောင်းနှင်ထွက်ပြေးသွားသည့် ယာဉ် အင်းစိန်မြို့နယ်တွင် ပြန်လည်တွေ့ရှိ

အမှုမှမော်တော်ယာဉ်အား ပြည်သူတစ်ဦး၏သတင်းပေးချက်အရ အင်းစိန်မြို့နယ်တွင် ပြန်လည်တွေ့ရှိပြီး ငွေများနှင့် ပြစ်မှုကျူးလွန်သူမှာ လွတ်မြောက်နေသဖြင့် ဖမ်းဆီးရမိရေး ဆက်လက်ဆောင်ရွက်လျက်ရှိ
ရန်ကုန်၊ အောက်တိုဘာ ၂၄

ဘုရင့်နောင်နယ်မြေ ရဲစခန်း(ပ)၁၁၂၉/၂၀၁၇၊ ရာဇသတ်ကြီးပုဒ်မ ၃၈၁ ဖြင့် အမှုဖွင့်ကာ အရေးယူဆောင်ရွက် လျက်ရှိသည့်အမှုမှ ပြစ်မှုကျူးလွန်သူ ကျော်ဇင်ဦး ခိုးယူမောင်းနှင်သွားသော 5D-5693 Toyota Wish (ပိုင်) အဖြူရောင်ယာဉ်အား အင်းစိန်မြို့နယ်၊ ရွှေပြည်သာတံတားအဆင်းနှင့် (၁၄)လမ်းဆုံအကြားရှိ မြဧရာ တိုက်တန်းရှေ့တွင် ရပ်တန့်ထားကြောင်း ပြည်သူတစ်ဦး၏ သတင်းပေးချက်အရ ရန်ကုန်တိုင်းဒေသကြီးရဲတပ်ဖွဲ့မှူးရုံး၊ မှုခင်းအကူဌာနစုမှတပ်ဖွဲ့ဝင်များက အဆိုပါနေရာသို့ သွားရောက်၍ အတည်ပြုခဲ့ရာ အခင်းဖြစ်စဉ်မှပါဆုံးသွားသောမော်တော်ယာဉ်ဖြစ်ကြောင်းနှင့် မော်တော်ယာဉ်မှာ တံခါးများအား Lock ချ ပိတ်ထားပြီး ယာဉ်အတွင်း၌ ဆာလာအိတ်ခွံများသာတွေ့ရှိရကြောင်း သိရသည်။


အမှုမှ ငွေများယူဆောင်ပြီး ထွက်ပြေးလွတ်မြောက်နေသူ ကျော်ဇင်ဦးအား ဖမ်းဆီးရမိရေးအတွက် ရန်ကုန် တိုင်းဒေသကြီးရဲတပ်ဖွဲ့မှတပ်ဖွဲ့ဝင်များ ပူးပေါင်း၍ ပိတ်ဆို့ရှာဖွေလျက်ရှိသည့်အပြင် ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ မန္တလေးတိုင်းဒေသကြီး၊ မွန်ပြည်နယ်၊ ရခိုင်ပြည်နယ် ရဲတပ်ဖွဲ့များ သို့လည်း ကူညီစုံစမ်းဖမ်းဆီးပေးနိုင်ရန် ပြစ်မှုကျူးလွန်သူ၏ မှတ်တမ်းဓာတ်ပုံများအား ပေးပို့ထားရှိကြောင်းနှင့် ပြစ်မှုကျူးလွန်သူကျော်ဇင်ဦးမှာ ကုမ္ပဏီတွင် လွန်ခဲ့သော(၄)လခန့်က ယာဉ်မောင်းအဖြစ် ခန့်အပ်ထားသူဖြစ်ကြောင်း သတင်းရရှိသည်။

Yangon Police
https://www.facebook.com/yangonpolice/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ