ပွဲညှပ်ရှာရန်သွားရာမှ တိုက်မိုင်းပေါက်ကွဲ၍ အမျိုးသားနှစ်ဦး မိုင်းစထိမှန် ဒဏ်ရာရ

မိုးကောင်း အောက်တိုဘာ ၂၅

ကချင်ပြည်နယ် မိုးကောင်းမြို့နယ် လွဲလောကျေးရွာအုပ်စု လွဲဆွန်းကျေးရွာတွင် အောက်တိုဘာ ၂၅ရက်ညနေ ၄နာရီခွဲက ပွဲညှပ်ရှာရန်သွားစဉ် တိုက်မိုင်းပေါက်ကွဲ၍ အမျိုးသားနှစ်ဦး မိုင်းစထိမှန်ဒဏ်ရာရရှိခဲ့ကြောင်း သိရသည်။

ဖြစ်စဉ်မှာ လွဲဆွန်းကျေးရွာနေ စိန်ဖေ(ခ)ဖိုးမဲ(၃၇)နှစ်၊ကျော်ရဲထွန်း(ခ)ဖိုးရှမ်း(၂၃)နှစ်၊အောင်ချိုဦး(၃၁)နှစ်တို့သုံးဦးသည် လွဲဆွန်းကျေးရွာ၏ အရှေ့တောင်ဘက် ၃မိုင်ခန့်အကွာရှိ လမိုင်ကွန်းတောင်(ဒေသအခေါ်)သို့ ပွဲညှပ်ရှာရန်သွားရာမှ ခြုံရှင်းစဉ်တိုက်မိုင်းပေါက်ကွဲပြီး မိုင်းစများထိမှန်ဒဏ်ရာရရှိခဲ့သည်။
မိုင်းပေါက်ကွဲမှုကြောင့် စိန်ဖေ(ခ)ဖိုးမဲ၏ မျက်နှာနှင့်ဝဲဘက်ရင်အုံ ဝဲဘက်လက်မောင်း ဆုတ်ပြဲဒဏ်ရာ၊ဝဲဘက်နှင့်ယာဘက်ပေါင် မိုင်းစဖောက်ဝင်ဒဏ်ရာရရှိခဲ့ပြီး ကျော်ရဲထွန်း(ခ)ဖိုးရှမ်း၏ ဝဲဘက်ရင်အုံတွင် ဆုတ်ပြဲဒဏ်ရာနှစ်ချက် ရရှိခဲ့သည်။

ဒဏ်ရာရှိသူနှစ်ဦးအား လောကတ္ထစရိယလူမှုကူညီရေးယာဉ်ဖြင့် မိုးကောင်းပြည်သူ့ဆေးရုံသို့ ပို့ဆောင်ဆေးကုသမှုခံယူလျက်ရှိပြီး ရဲဆေးစာမှတ်တမ်းများရယူကာ မြို့နယ်အုပ်ချုပ်ရေးမှူး ဦးရန်နိုင်ထွန်း၊မြို့နယ်ရဲတပ်ဖွဲ့မှူး ရဲမှူးဝင်းမြင့်အောင်တို့မှ လိုအပ်သည်များအား စီစဉ်ဆောင်ရွက်လျက်ရှိကြောင်း သိရသည်။

ဝင်းနိုင် ကချင်မြေ
မိုးကောင်းသတင်းမီဒီယာ
https://www.facebook.com/mogaungnews.media/