တစ်ရက်လုပ်ခ ကျပ် ၄ဝဝဝ ကနေ ၄၈၀၀ ကြား သတ်မှတ်ဖို့ ဆွေးနွေးထား

အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီ တတိယအကြိမ် ညှိနှိုင်းအစည်းအဝေးကို အောက်တိုဘာလ ၂ ရက်နေ့က နေပြည်တော်မှာကျင်းပစဉ်။ Photo: Win Ko Ko Latt/RFA
အနည်းဆုံးလုပ်ခလစာကို တိုင်းနဲ့ပြည်နယ် လုပ်ငန်းအမျိုးအစားမခွဲခြားဘဲ ကျပ် ၄ဝဝဝ ကနေ ၄၈၀၀ ကြား သတ်မှတ်ဖို့ ဒီနေ့ နေပြည်တော်မှာ ကျင်းပတဲ့ အနည်းဆုံးအခကြေးငွေ သတ်မှတ်ရေးဆိုင်ရာ ကော်မတီတွေ ဆွေးနွေးပွဲမှာ ဆုံးဖြတ်ထားပါတယ်။

နေပြည်တော်ကောင်စီနယ်မြေနဲ့ တိုင်းနဲ့ပြည်နယ် ၁၄ ခုက အနည်းဆုံးလုပ်ခလစာ သတ်မှတ်ရေးဆိုင်ရာ ကော်မတီတွေဟာ အနည်းဆုံးလုပ်ခလစာ နှုန်းထားအသစ် သတ်မှတ်နိုင်ရေးအတွက် ဒီနေ့ နေပြည်တော်မှာ ဆွေးနွေးကြတာဖြစ်ပါတယ်။

အနည်းဆုံးလုပ်ခလစာကို သတ်မှတ်ရာမှာ ရှမ်းပြည်နယ် ကော်မတီက ၄၀၀၀ ကျပ်နဲ့ ရန်ကုန်တိုင်း ကော်မတီက ကျပ် ၆၄၀၀ အထိအဆိုပြုပေမယ့် ဆွေးနွေးပွဲအပြီးမှာ ၄၀၀၀ နဲ့ ၄၈၀၀ ကြား သတ်မှတ်ဖို့ ဆုံးဖြတ်လိုက် တာဖြစ်ပါတယ်။

ဒီကနေ့ ဆုံးဖြတ်ချက်ကို တိုင်းနဲ့ပြည်နယ်အလိုက် အလုပ်သမားတွေ၊ အလုပ်ရှင်တွေ ပြန်လည်ဆွေးနွေးပြီး လာမယ့်ဒီဇင်ဘာလမှာ ကျင်းပမယ့်အစည်းအဝေးမှာ ဆွေးနွေးချက်တွေကို တင်ပြရမှာဖြစ်ပါတယ်။

ဒါ့အပြင် အရင်က အလုပ်သမား ၁၅ ဦးအထက်ရှိတဲ့ လုပ်ငန်းတွေသာ အနည်းဆုံးလုပ်ခလစာ သတ်မှတ်ချက်မှာ အကျုံးဝင်ပေမယ့် ဒီတစ်ကြိမ်မှာတော့ အလုပ်သမားအရေအတွက်ကို ဘယ်နှစ်ဦးသတ်မှတ်မယ်ဆိုတာ ပြန်လည်ဆွေးနွေးမယ်လို့ အလုပ်သမား လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောပါတယ်။

လက်ရှိသတ်မှတ်ချက်ကို အလုပ်သမားတွေဘက်က ကျေနပ်မှာမဟုတ်ဘူးလို့ အစည်းအဝေး တက်ရောက်လာတဲ့ အလုပ်သမား ကိုယ်စားလှယ်တွေက ပြောပါတယ်။

အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားအဆင့်ကော်မတီနဲ့ တိုင်းနဲ့ပြည်နယ် ကော်မတီတွေ လာမယ့်ဒီဇင်ဘာလမှာ ဆွေးနွေးပွဲမကျင်းပခင် ဆွေးနွေးပွဲတစ်ခု ကျင်းပမယ်လို့လည်း သိရပါတယ်။

အနည်းဆုံးလုပ်ခလစာကို ၂၀၁၅ ခုနှစ် စက်တင်ဘာလက စတင်သတ်မှတ်ခဲ့ရာမှာ အနည်းဆုံး ကျပ် ၃၆၀၀ သတ်မှတ်ခဲ့တာဖြစ်ပြီး ဥပဒေအရ နှစ်နှစ်တစ်ကြိမ် ပြန်လည်ပြင်ဆင်သတ်မှတ်ရမှာ ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ