ရပ်တန့်ထားခဲ့သည့် ယာဉ်နှစ်စီးအား ပိုင်ရှင်မဲ့သိမ်းဆည်း


သထုံ အောက်တိုဘာ ၉

မွန်ပြည်နယ် သထုံမြို့နယ် လိပ်အင်း ရပ်ကွက် ရန်ကုန်-မော်လမြိုင် အဝေးပြေးလမ်းပေါ်တွင် မောင်းနှင် လာသည့် မော်တော်ယာဉ်နှစ်စီး အား လှည့်ကင်းဆောင်ရွက်နေသည့် ရဲတပ်ဖွဲ့ဝင်များက ယနေ့နံနက် ၅ နာရီခန့်က စစ်ဆေးရန် ရပ်တန့် ခိုင်းရာမှ မောင်းနှင်ထွက်ပြေးကာ သော့တန်းလန်းဖြင့် ရပ်တန့်ထား ခဲ့ရာ ပိုင်ရှင်မဲ့ သိမ်းဆည်းရမိခဲ့ ကြောင်း သထုံမြို့မရဲစခန်းမှ သိရ သည်။

''လှည့်ကင်းနဲ့တိုးတော့ အဖမ်း ခံရမှာစိုးလို့ သော့တန်းလန်းထားခဲ့ပြီး ပြေးတာပေါ့။ ဘယ်ကလာတာ လဲတော့ မပြောနိုင်သေးဘူး။ ဒီနှစ်ထဲမှာ ခုလိုပိုင်ရှင်မဲ့ ဖမ်းမိတာ စုစုပေါင်း ငါးစီးရှိပြီ''ဟု သထုံမြို့မ ရဲစခန်းမှူး ဒု-ရဲမှူးမောင်မောင်က ပြောသည်။

ဖြစ်စဉ်မှာ သထုံမြို့မရဲစခန်းမှ နယ်ထိန်းခေါင်းဆောင် ရဲအုပ်ဆန်းဦး နှင့် တပ်ဖွဲ့ဝင်များသည် အများပြည်သူ လုံခြုံရေး၊ မှုခင်းကျဆင်းရေးအတွက် လှည့်ကင်းဆောင်ရွက်နေစဉ် လိပ်အင်း ရပ်ကွက် ကျောင်းကုန်းကွေ့အနီးတွင် အဝေးပြေးလမ်းအတိုင်း မော်လမြိုင် မှ ရန်ကုန်သို့ မောင်းနှင်လာသော ယာဉ်အမှတ်6N/---- မိုးပြာရောင်နှင့် 9K/---- ခဲရောင်ယာဉ် နှစ်စီးကို စစ်ဆေးရန် ရပ်တန့်ခိုင်းရာ မောင်းနှင် ထွက်ပြေးသဖြင့် လိုက်လံတားဆီးရာ မြေနီကုန်းကျေးရွာ အဝေးပြေး လမ်းဘေးတွင် အဆိုပါယာဉ်နှစ်စီး အား ယာဉ်နှင့်ပတ်သက်သည့် အထောက်အထား တစ်စုံတစ်ရာ မတွေ့ရှိရဘဲ သော့တန်းလန်းဖြင့် ရပ်တန့်ထားသည်ကို စစ်ဆးတွေ့ရှိရာ သက်သေများရှေ့တွင် ပိုင်ရှင်မဲ့ သိမ်းဆည်းခဲ့ကြောင်း သထုံမြို့မ ရဲစခန်းမှ သိရသည်။

အဆိုပါပိုင်ရှင်မဲ့ယာဉ်နှစ်စီးအား တရားဝင်မှတ်ပုံတင်ထားခြင်း ရှိ၊ မရှိ ကို သထုံခရိုင်(ကညန)ရုံးသို့ စုံစမ်း ထားပြီး သထုံမြို့နယ်တရားရုံးသို့ တရားစွဲဆိုတင်ပို့နိုင်ရေး ဆောင်ရွက် လျက်ရှိကြောင်း သထုံမြို့မရဲစခန်းမှ သိရသည်။

သက်ဦး(သထုံ)
The Mirror Daily
https://www.facebook.com/TheMirrorDaily

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ