မြောက်ကိုရီးယားနဲ့ ဖမ်းဆီးခံအမေရိကန်တွေ အရေးသာ ဆွေးနွေးမည်

အိမ်ဖြူတော် ပြောခွင့်ရ Sarah Sanders
မြောက်ကိုရီးယား အစိုးရက ဖမ်းဆီးထားတဲ့ အမေရိကန် နိုင်ငံသား သုံးဦး လွတ်မြောက်ရေးနဲ့ ပတ်သက်ပြီးသာ မြောက်ကိုရီးယားနဲ့ ဆွေးနွေးဖြစ်မယ်လို့ အမေရိကန် သမ္မတ အိမ်ဖြူတော်က ပြောဆိုလိုက်ပါတယ်။ မြောက်ကိုရီးယား အာဏာပိုင်တွေနဲ့ အမေရိကန်ကြား တိုက်ရိုက် ဆက်သွယ်ရေး လမ်းကြောင်းတွေ ရှိနေဆဲ ဖြစ်ပြီး အမေရိကန် အစိုးရ တာဝန်ရှိသူတွေက ဆွေးနွေးညှိနှိုင်းနိုင်ရေး ကြိုးပမ်းနေတယ်လို့ နိုင်ငံခြားရေး ၀န်ကြီး Rex Tillerson က ကြေညာချက်ထုတ်ခဲ့တာပါ။ ဒါပေမယ့် သမ္မတ Trump ရဲ့ မှတ်ချက် စကားကြောင့် ၀န်ကြီး Tillerson ရဲ့ ပြောဆိုချက်က မှေးမှိန်သွားရပါတယ်။ ၀န်ကြီး Tillerson ရဲ့ ပြောဆိုချက် အပေါ် အမေရိကန် အစိုးရ အိမ်ဖြူတော်ရဲ့ တုံ့ပြန်ချက်ကို အိမ်ဖြူတော် ပြောခွင့်ရ Sarah Sanders က အခုလို ပြောပါတယ်။

"သေဆုံးခဲ့ပြီ ဖြစ်တဲ့ အမေရိကန် ကျောင်းသား Otto Warmbier လိုဘဲ ဖမ်းဆီးထိန်းသိမ်းခံထားရတဲ့ အမေရိကန်တွေ ပြန်လွတ်ရေး အတွက်သာ အမေရိကန်တို့ဘက်က ဆွေးနွေးပြောဆိုမှုတွေ ဖြစ်လာနိုင်ပါတယ်။ အမေရိကန် အစိုးရ အနေနဲ့ ဒီပုံစံ ဆွေးနွေးမှုမျိုးကိုဘဲ လုပ်လိုတဲ့ ဆန္ဒရှိပါတယ်။ ဒီအချိန်မှာတော့ မြောက်ကိုရီးယားနဲ့ တခြားကိစ္စ ဆွေးနွေးပြောဆိုမှာ မဟုတ်ပါဘူး " လို့ အိမ်ဖြူတော် ပြောခွင့်ရ Sarah Sanders က ပြောဆိုခဲ့တာပါ။

သမ္မတ Trump က အခုလို မှတ်ချက်ပေး ပြောဆိုပေမယ်လို့လည်း သမ္မတ အနေနဲ့ နိုင်ငံခြားရေး ၀န်ကြီး Tillerson ပေါ်မှာ ယုံကြည်အားထားမှု ရှိနေဆဲ ဖြစ်ပါတယ်လို့ အမေရိကန် သမ္မတ အိမ်ဖြူတော်က မနေ့ တနလာင်္နေ့က ပြောဆိုပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ