အမေရိကန်ကို မြောက်ကိုရီးယား တိုက်နိုင်စွမ်းရှိဖို့ လ ပိုင်းပဲလို

မြောက်ကိုရီးယား စစ်တပ်
မြောက်ကိုရီးယားဟာ အမေရိကန်ပြည်ထောင်စုကို နျူကလီးယားဒုံးကျည်နဲ့ တိုက်ခိုက်နိုင်စွမ်းတဲ့ အခြေအနေကိုရောက်ဖို့ လ အတော်ကြာလောက်ပဲ လိုတော့တယ်လို့ အမေရိကန် ထိပ်တန်းတာဝန်ရှိသူနှစ်ဦးက ပြောပါတယ်။

မြောက်ကိုရီးယားရဲ့ ခြိမ်းခြောက်မှု ပိုကြီးလာတဲ့အပေါ်နဲ့ အရှေ့အာရှဒေသမှာ နျူကလီးယား လက်နက်ပြိုင်ဆိုင်မှု ဖြစ်လာနိုင်ခြေ အပေါ် အထူးပဲ စိုးရိမ်မိတဲ့အကြောင်း ၀ါရှင်တန်မြို့တော်မှာ ကြာသပတေးနေ့ကလုပ်တဲ့ ဆွေးနွေးပွဲတခုအတွင်း CIA ညွှန်ကြားရေးမှူး Mike Pompeo ကပြောသွားပါတယ်။

အမေရိကန်က ပစ်မှတ်တွေကို တိုက်ခိုက်နိုင်တဲ့ ဒုံးကျည်နည်းပညာကို မြောက်ကိုရီးယားက ရအောင်လုပ်နေတာနဲ့ပတ်သက်ပြီး မေးတဲ့အခါမှာ CIA အကြီးအကဲ Pompeo က အဲဒီရည်မှန်းချက်ကို သူတို့ ပြည့်မီတော့မယ်လို့ ယူဆပြီးတော့ ကျနော်တို့ လုပ်ဆောင်ကြရပါမယ်လို့ ပြောပါတယ်။

ဒီအခြေအနေကို စစ်ရေးနည်းနဲ့မဟုတ်ဘဲ ဖြေရှင်းဖို့ အမေရိကန်ဟာ အပြေးအလွှားလုပ်နေရတယ်လို့ အမေရိကန် လုံခြုံရေး ဆိုင်ရာ အကြံပေးပုဂ္ဂိုလ် ဗိုလ်ချုပ်ကြီး H. R. McMaster က အဲဒီဆွေးနွေးပွဲအတွင်းမှာပဲ ကြာသပတေးနေ့နှောင်းပိုင်းက ပြောသွား ပါတယ်။ အချိန်မရှိတော့တာ မဟုတ်ပါဘူး၊ အချိန် သိပ်မကျန်တော့တာပါ၊ လက်ခံပြီး တားဆီးဖိုိ့ဆိုတာကတော့ လက်ခံနိုင်ဖွယ် ရာမရှိပါဘူးလို့ ဗိုလ်ချုပ်ကြီး McMaster ကပြောပါတယ်။ မြောက်ကိုရီးယားက ပြီးခဲ့တဲ့လမှာ ခြောက်ကြိမ်မြောက် နျူကလီးယား စမ်းသပ်မှုကို လုပ်ခဲ့ပြီးတဲ့နောက် အမေရိကန်နဲ့ မြောက်ကိုရီးယားအကြား တင်းမာမှုအရှိန် တဖြည်းဖြည်းချင်း မြင့်တက်လာနေ ချိန်မှာပဲ မစ္စတာ Pompeo နဲ့ ဗိုလ်ချုပ်ကြီး McMaster တို့ အခုလို ပြောကြတာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ