ဒုက္ခသည် ပြန်လက်ခံရေး ၂ နိုင်ငံ ပူးတွဲ လုပ်ငန်းအဖွဲ့ ထားရှိမယ်

 ဒါကာမှာ ဝန်ကြီးနှစ်ယောက် တွေ့ဆုံ
ဘင်္ဂလားဒေ့ရှ် နိုင်ငံဘက် အိုးအိမ်စွန့်ခွာ ထွက်ပြေး လာကြတဲ့ ရိုဟင်ဂျာ မွတ်ဆလင်တွေ မြန်မာပြည်ဘက် ပြန်နိုင်ရေးမှာ ကြီးကြပ်ဖို့ အတွက် နှစ်နိုင်ငံ ပူးတွဲ လုပ်ငန်းအဖွဲ့ တစ်ရပ် ထူထောင် ထားရှိဖို့ မြန်မာဘက်က သဘောတူလိုက်တယ် ဆိုပြီး ဘင်္ဂလားဒေ့ရှ် အာဏာပိုင်တွေက ပြောပါတယ်။

နှစ်နိုင်ငံ ဝန်ကြီး အဆင့် အရာရှိတွေ တွေ့ဆုံကြအပြီး အဲဒီလို ပူးတွဲ အဖွဲ့အစည်း ထားရှိမယ် ဆိုတဲ့ အချက် ထွက်ပေါ် လာတာပါ။

နိုင်ငံတော် အတိုင်ပင်ခံ ပုဂ္ဂိုလ်ရုံး ဝန်ကြီး ဦးကျော်တင့်ဆွေဟာ ဒါကာမြို့မှာ အောက်တိုဘာ ၂ ရက်နေ့က ဘင်္ဂလားဒေ့ရှ် နိုင်ငံခြားရေး ဝန်ကြီး အေ အိတ်ခ်ျ မာမွတ်နဲ့ တွေ့ဆုံ ခဲ့ပါတယ်။

အဲဒီ သဘောတူမှုနဲ့ ပတ်သက်ပြီး မြန်မာ အာဏာပိုင်တွေ ထံကတော့ သဘောထား မှတ်ချက် တစုံတရာ ထွက်လာတာမျိုး မရှိသေးပါဘူး။

ဒီလုပ်ငန်းအဖွဲ့ အနေနဲ့ ဘာတွေ လုပ်ဆောင်မယ် ဆိုတာမျိုး၊ ဘင်္ဂလားဒေ့ရ်ှရောက် ရိုဟင်ဂျာတွေ အနေနဲ့ မြန်မာနိုင်ငံဘက် ပြန်လိုစိတ် ရှိလား ဆိုတာမျိုး အသေးစိတ် အချက်အလက်တွေလည်း အခုအချိန်မှာ ရှင်းရှင်းလင်းလင်း မသိရသေးပါဘူး။

ရခိုင်ပြည်နယ် မြောက်ပိုင်း သွေးထွက်သံယို အကြမ်းပတမ်း ဖြစ်ရပ်တွေ ပေါ်ပေါက်လာပြန် အပြီး၊ အစိုးရ လုံခြုံရေး တပ်ဖွဲ့တွေရဲ့ စစ်ရေး လုပ်ဆောင်မှု တွေကြောင့် ဘင်္ဂလားဒေ့ရှ် နိုင်ငံဘက် ရိုဟင်ဂျာတွေ အစုလိုက် အပြုံလိုက် ထွက်ပြေး ခဲ့ကြပါတယ်။

ဩဂုတ်လ နှောင်းပိုင်းကစလို့ အခု လက်ရှိ အချိန်ထိ ဘင်္ဂလားဒေ့ရှ် နိုင်ငံထဲ ရောက်လာတဲ့ ရိုဟင်ဂျာ အရေအတွက် သန်းတစ်ဝက် (၅ သိန်း ၀န်းကျင်) ရှိပါတယ်။

ရိုဟင်ဂျာတွေ အစုလိုက် အပြုံလိုက် ထွက်ပြေးခဲ့ 

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ