ကရင်ပြည်နယ်ထဲ ကျောက်မီးသွေးသုံး လျှပ်စစ်စက်ရုံ ဆောက်မယ်

သဘာဝဓာတ်ငွေ့သုံး လျှပ်စစ်ဓာတ်အားထုတ် စက်ရုံ ရန်ကုန်မှာ လည်ပတ်နေ
ကရင်ပြည်နယ်ထဲမှာ ထိုင်းကုမ္ပဏီ TTCL က ဒေါ်လာ ၂.၈ ဘီလီယံ ရင်းနှီးမြှုပ်နှံပြီး ကျောက်မီးသွေးသုံး လျှပ်စစ်ဓာတ်အား စက်ရုံ တည်ဆောက် သွားဖို့ ရှိနေပါတယ်။

အဲဒီစက်ရုံကို ၂ဝ၂၃ ခုနှစ်မှာ စတင် လည်ပတ်ထားဖို့ ရည်မှန်း ထားပြီး၊ ၁၂၈ဝ မဂ္ဂါဝပ် ထုတ်လုပ်မယ့် ရည်မှန်းချက်ကို ၂ဝ၂၄ မှာ အပြည့်အဝ အကောင် အထည်ဖော်မှာ ဖြစ်တယ် ဆိုပြီး TTCL ရဲ့ အဆင့်မြင့် အရာရှိ တစ်ယောက်ကို ကိုးကားပြီး ရိုက်တာ သတင်းတစ်ပုဒ်မှာ ရေးသားထားပါတယ်။

အစိုးရက ၅% နဲ့ TTCL က ၉၅ % ပိုင်ဆိုင်မယ် ဆိုတဲ့ တရားဝင် သဘောတူမှု ထွက်လာဖို့ စောင့်နေတယ်လို့လည်း ဆိုပါတယ်။

နှစ် ၄ဝ မြေငှားရမ်းခွင့်လည်း မြန်မာ အစိုးရဆီက ရလာဖို့ TTCL က မျှော်လင့် နေပါတယ်။

တကယ်လို့ အဲဒီ စက်ရုံ အကောင်အထည် ပေါ်လာပြီဆိုရင် ပြည်ပက တင်သွင်းတဲ့ ကျောက်မီးသွေး ပမာဏ တန်ပေါင်း ၄ သန်း အထိကို လောင်စာအဖြစ် နှစ်စဉ် သုံးစွဲ သွားမှာ ဖြစ်ပါတယ်။

အဲဒီ စက်ရုံဟာ မြန်မာနိုင်ငံထဲ TTCL ရဲ့ ဒုတိယမြောက် ကျောက်မီးသွေးသုံး စက်ရုံ ဖြစ်လာမှာ ဖြစ်ပြီး၊ ၂ဝ၁၃ တုန်းကလည်း ၁၂ဝ မဂ္ဂါဝပ် လျှပ်စစ် ဓာတ်အားထုတ် စက်ရုံတစ်ရုံ မွန်ပြည်နယ်ထဲ ဖွင့်လှစ် ခဲ့ပြီး ဖြစ်ပါတယ်။

ဒါ့အပြင် TTCL ရဲ့ ကုမ္ပဏီခွဲ တစ်ခုဖြစ်တဲ့ တိုယိုထိုင်းပါဝါမြန်မာ ဆိုတဲ့ နာမည်အောက်မှာ သဘာဝဓာတ်ငွေ့သုံး လျှပ်စစ်ဓာတ်အားထုတ် စက်ရုံ တစ်ရုံ ရန်ကုန်မှာ လည်ပတ်နေပြီး ၁၂၁ မဂ္ဂါဝပ် ထုတ်လုပ်နေပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ