ရိုဟင်ဂျာတွေပြန်ပို့ရေး ဆွေးနွေးဖို့ ဘင်္ဂလားဒေ့ရှ် ပြည်ထဲရေးဝန်ကြီး မြန်မာပြည်သွားမည်

ဘင်္ဂလားဒေ့ရှ် ပြည်ထဲရေးဝန်ကြီး Asaduzzaman Khan
မြန်မာနိုင်ငံကနေ ဘင်္ဂလားဒေ့ရ်ှနိုင်ငံဘက်ကို ထွက်ပြေးသွားတဲ့ ရိုဟင်ဂျာတွေကို ပြန်လက်ခံရေးကိစ္စ ဆွေးနွေးဖို့ ဘင်္ဂလားဒေ့ရှ် ပြည်ထဲရေးဝန်ကြီး Asaduzzaman Khan ဟာ ဒီလအတွင်း မြန်မာနိုင်ငံကိုသွားရောက်မယ်လို့ ဘင်္ဂလားဒေ့ရ်ှကလာတဲ့ သတင်း တွေမှာဖော်ပြပါတယ်။

ပြည်ထောင်စုဝန်ကြီး ဦးကျော်တင့်ဆွေဦးဆောင်တဲ့ ကိုယ်စားလှယ်အဖွဲ့ရဲ့ အောက်တိုဘာလ ၁ ရက်နေ့ကနေ ၃ ရက်နေ့အထိ ခရီးစဉ်အတွင်း ဘင်္ဂလားဒေ့ရ်ှပြည်ထဲရေးဝန်ကြီး မြန်မာနိုင်ငံကိုလာဖို့ မြန်မာပြည်ထဲရေးဝန်ကြီးက ဖိတ်ကြားခဲ့ပြီးတဲ့နောက် ဘင်္ဂလားဒေ့ရ်ှပြည်ထဲရေးဝန်ကြီး လာမယ်ဆိုတဲ့သတင်း ထွက်လာတာပါ။

ရိုဟင်ဂျာတွေအားလုံးကို မြန်မာနိုင်ငံဘက် အောင်အောင်မြင်မြင် ပြန်ပို့ချင်တယ်လို့ ၀န်ကြီး Khan ကပြောပါတယ်။ ဒုက္ခသည် တွေကို အမြန် ပြန်ပို့နိုင်ရေးကိစ္စဟာ သူ့ခရီးစဉ်အတွင်း အဓိကဆွေးနွေးမယ့်အကြောင်းအရာ ဖြစ်မယ်လို့လဲ ဆိုပါတယ်။ ရိုဟင်ဂျာ ဒုက္ခသည်တွေရဲ့ ကိုယ်ရေးအချက်အလက်တွေကို ကောက်ယူဖို့စခန်းတွေကို ဘင်္ဂလားဒေ့ရ်ှအစိုးရက ဖွင့်ထားပြီးပြီလို့လဲ ပြည်ထဲ ရေးဝန်ကြီးက ပြောပါတယ်။

ဒီအတောအတွင်းမှာပဲ ဘင်္ဂလားဒေ့ရ်ှမှာရောက်နေတဲ့ ထောင်ပေါင်းများစွာသော ရိုဟင်ဂျာဒုက္ခသည်တွေကြားထဲမှာ အဟာရ မပြည့်ဝတဲ့အခြေအနေ ကျယ်ကျယ်ပြန့်ပြန့်ဖြစ်နေတယ်လို့ အကူအညီပေးအဖွဲ့တွေက တနင်္ဂနွေနေ့မှာပြောပါတယ်။

ရိုဟင်ဂျာဒုက္ခသည် ၉၀% နီးပါးက သူတို့ တနေ့ကို ထမင်းတနပ်ပဲ စားနေရတယ်လို့ ပြောတဲ့အကြောင်း ကုလသမဂ္ဂ ကလေးများ ရန်ပုံငွေအဖွဲ့ UNICEF ရဲ့ ဆက်သွယ်ရေးမန်နေဂျာ Sakil Faizullah ကပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ