ယူနက်စကိုအဖွဲ့ကနေ အမေရိကန် ထွက်ပြီ


ယူနက်စကို ခေါ် (The United Nations Educational, Scientific and Cultural Organization -UNESCO) ကုလသမဂ္ဂ ပညာရေး၊ သိပ္ပံနဲ့ ယဉ်ကျေးမှုအဖွဲ့ဝင်အဖြစ်ကနေ အမေရိကန်ပြည်ထောင်စု မနေ့က နုတ်ထွက်လိုက်ပါတယ်။

အမေရိကန် နိုင်ငံခြားရေးဌာနရဲ့ကြေညာချက်မှာ ယူနက်စကိုကနေ အခုလို နုတ်ထွက်ဖို့ အလွယ်တကူဆုံးဖြတ်ခဲ့တာ မဟုတ်ကြောင်း၊ ဒီအဖွဲ့အနေနဲ့ အခြေခံကအစ ပြန်လည်ပြင်ဆင် ဖွဲ့စည်းဖို့လိုကြောင်း၊ အဖွဲ့ဝင်နိုင်ငံတွေအနေနဲ့ ထည့်ဝင်ရမယ့်ငွေတွေကို ပျက်ကွက်မှုနဲ့ အစ္စရေးလ်နိုင်ငံအပေါ် ဆန့်ကျင်မှုတွေ ဆက်လက်ပေါ်ပေါက်နေကြောင်း ဖေါ်ပြထားပါတယ်။

အမေရိကန်ပြည်ထောင်စုဟာ အဖွဲ့ဝင်နိုင်ငံ ၁၉၅ ခုပါဝင်တဲ့ယူနက်စကိုအဖွဲ့ဝင်အဖြစ်ကနေ ၁၉၈၄ ခုနှစ်က တခါထွက်ဖူးပြီး ၂ဝဝ၂ ခုနှစ်မှာ ပြန်လည်ဝင်ရောက်ခဲ့တာပါ။

အမေရိကန်ပြည်ထောင်စုဟာ ယူနက်စကို သုံးစွဲနေတဲ့ ကုန်ကျစရိတ်စုစုပေါင်းရဲ့ ၅ ပုံ ၁ ပုံ သို့မဟုတ် ကန် ဒေါ်လာ သန်း ၅ဝ ကို နှစ်စဉ် ထည့်ဝင်လှူဒါန်းနေတာဖြစ်တဲ့အတွက် အခုလို အမေရိကန် နုတ်ထွက် လိုက်ခြင်းကြောင့် ရှေးဟောင်းကမ္ဘာ့အမွေအနှစ်ထိန်းသိမ်းရေးလို ယူနက်စကိုရဲ့ လုပ်ငန်းတွေအပေါ် များစွာနစ်နာဖွယ် ရှိပါတယ်။

အခုတကြိမ် ယူနက်စကိုကနေ အမေရိကန်ပြည်ထောင်စုနုတ်ထွက်မှုဟာ လာမယ့် ၂ဝ၁၈ ဒီဇင်ဘာလ ၂၁ ရက်နေ့မှာ တရားဝင် စတင်သက်ဝင်မယ်လို့လည်း သိရပါတယ်။

အမေရိကန်ပြည်ထောင်စုနည်းတူ အစ္စရေးလ်နိုင်ငံကလည်း ယူနက်စကိုကနေ ထွက်မှာဖြစ်ကြောင်း မနေ့က ကြေညာပါတယ်။

ယူနက်စကိုအဖွဲ့ဝင် အဖြစ်ကနေ အမေရိကန်ပြည်ထောင်စု နုတ်ထွက်မှုအတွက် ကုလသမဂ္ဂ အတွင်းရေးမှူးချုပ် အန်တိုနီယို ဂွတ်တားရက်စ်က အထူးစိတ်မကောင်းဖြစ်ရကြောင်း ပြောဆိုခဲ့ပြီး အစ္စရေးလ် ဝန်ကြီးချုပ် Benjamin Netganyahu ဘင်ဂျမင် နက်တာညာဟူး ကတော့ ဒါဟာ ရဲရင့်ပြီးဂုဏ်သိက္ခာရှိတဲ့ လုပ်ရပ်ပဲလို့ ချီးမွမ်းပြောဆိုပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ