ရွရွားနဲ႔ ဆက္စပ္တဲ့ အခ်က္အလက္ေတြ ေဖ့စ္ဘြတ္ခ္ ဖြင့္ခ်



Share/Bookmark
႐ုရွားကပို႔စ္ေတြ အေမရိကန္ ေဖ့စ္ဘြတ္ခ္သုံးစြဲသူ ၁၂၆ သန္းဆီ ေရာက္ရွိခဲ့
လြန္ခဲ့တဲ့ ႏွစ္ႏွစ္အတြင္း ႐ုရွားကေန တင္ေနတဲ့ ေဖ့စ္ဘြတ္ခ္ပို႔စ္ေတြဟာ အေမရိကန္ ေဖ့စ္ဘြတ္ခ္သုံးစြဲသူ ၁၂၆ သန္းဆီ အထိ ေရာက္ရွိခဲ့တယ္လို႔ ေဖ့စ္ဘြတ္ခ္က ေျပာပါတယ္။

၂၀၁၆ သမၼတ ေရြးေကာက္ပြဲ မတိုင္မီနဲ႔ အၿပီး ဇြန္ ၂၀၁၅ ကေန ၾသဂုတ္ ၂၀၁၇ ၾကားမွာ ပို႔စ္ ၈၀,ဝ၀ဝ ဟာ သူတို႔ရဲ့ ဆိုရွယ္မီဒီယာကြန္ရက္ေပၚမွာ ရွိေနတယ္လို႔ ေဖ့စ္ဘြတ္ခ္က ေျပာပါတယ္။

ပို႔စ္ အမ်ားစုကေတာ့ လူမွုေရးနဲ႔ နိုင္ငံေရး ဆိုင္ရာမွာ အျငင္းပြားဖြယ္ ျဖစ္ေစတဲ့ သတင္းစကားေတြ ပါဝင္ပါတယ္။

ဒီပို႔စ္ေတြကို ရွရွားသမၼတ႐ုံးဆိုက္ရာ ကရင္မလင္နန္းေတာ္နဲ႔ ဆက္ႏြယ္ေနတဲ့ ကုမၸဏီတခုကေန တင္ခဲ့တာလို႔ ဆိုပါတယ္။

လူသုံးမ်ားတဲ့ အြန္လိုင္းကြန္ရက္ေတြျဖစ္ၾကတဲ့ ဂူဂဲလ္ ေဖ့စ္ဘြတ္ခ္၊ တြစ္စ္တာေတြမွာ ႐ုရွားရဲ့ လႊမ္းမိုးမွုကို ဆီးနိတ္ေအာက္လႊတ္ေတာ္က ၾကားနာစစ္ေဆးတာ မလုပ္မီ ေဖ့စ္ဘြတ္ကေန ဒီအခ်က္အလက္ေတြကို ထုတ္ျပန္ခဲ့တာျဖစ္ပါတယ္။

ဟီလာရီကလင္တန္ကို ေက်ာ္ၿပီး ေဒၚနယ္ထရမ့္အနိုင္ရခဲ့တဲ့ ၂၀၁၆ အေမရိကန္ သမၼတေရြးေကာက္ပြဲမွာ ႐ုရွားရဲ့ လႊမ္းမိုးမွုရွိတယ္ ဆိုတာကို ရွရွားဘက္ကေတာ့ အျမဲ မျပတ္ ျငင္းဆိုခဲ့ပါတယ္။

ဒါေပမဲ့ ႐ုရွားက ေငြေၾကးေထာက္ပံ့ထားတဲ့ အြန္လိုင္းမွာ သတင္းမွားေတြ လွုံ႔ေဆာ္တဲ့ ကြန္ရက္တခုကို ေဖ့စ္ဘြတ္ခ္က ဖြင့္ခ်ခဲ့ဖူးပါတယ္။

BBC Burmese
http://www.bbc.com/burmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ