မြန်မာတပ် အကြီးအကဲတွေကို ဥရောပသမဂ္ဂ အဆက်အဆံ ရပ်ဆိုင်းမည်


ရခိုင်ပြည်နယ်က မွတ်စလင်တွေအပေါ် စစ်တပ်က အင်အားအလွန်အကျွံသုံး ဖိနှိပ်ခဲ့တာတွေကို ဆန့်ကျင်တဲ့အနေနဲ့ မြန်မာ့တပ်မတော် အကြီးအကဲတွေကို အီးယူ ဥရောပသမဂ္ဂက အဆက်အဆံ ရပ်ဆိုင်းတော့မယ်လို့ သိရကြောင်း AFP သတင်းကဖေါ်ပြပါတယ်။

ဒါ့ပြင် ပဋိပက္ခအခြေအနေတွေ အကောင်းဘက်ကို တိုးတက်မလာဘူးဆိုရင် စီးပွားရေးပိတ်ဆို့အရေးယူဖို့လည်း ဆုံးဖြတ်ဖွယ်ရှိတယ်လို့ အီးယူက သတိပေးလိုက်ပါတယ်။ မြန်မာလုံခြုံရေးတပ်ဖွဲ့တွေရဲ့ အင်အားအလွန်အကျွံသုံးစွဲတာတွေကြောင့် မြန်မာ့တပ်မတော်ကာကွယ်ရေးဦးစီးချုပ်နဲ့ အကြီးတန်းစစ်တပ် အရာရှိတွေကို ဆက်ဆံဖိတ်ကြားတာတွေ ရပ်ဆိုင်းထားမှာဖြစ်ပြီး၊ ကာကွယ်ရေးပူးပေါင်းဆောင်ရွက်မှုတွေကိုလည်း ဆိုင်းငံ့ထားမယ်လို့ အီးယူသံတမန်များ သဘောတူညီချက်မှာ ဖေါ်ပြထားတယ်လို့ဆိုပါတယ်။

အခုလက်ရှိမှာ အီးယူက မြန်မာစစ်တပ်ကို ပြည်တွင်းမှာ ဖိနှိပ်တာတွေလုပ်နိုင်တဲ့ လက်နက်ပစ္စည်းတွေ အရောင်းပိတ်ထားပြီး၊ အခြေအနေတွေ တိုးတက်မလာဘူးဆိုရင် နောက်ထပ် ပိတ်ဆို့မှုအသစ်တွေ ထပ်မံချမှတ်မယ်လို့လည်းပြောပါတယ်။

ဒုက္ခသည်ကိစ္စနဲ့ ပတ်သက်ပြီး ကုလသမဂ္ဂ လူ့အခွင့်အရေးရုံးကလည်း အစီရင်ခံစာတစောင် ထုတ်ပြန်ခဲ့ရာမှာ ရခိုင်ပြည်နယ်က မွတ်စလင်တွေ မူလနေရပ် ပြန်ဝင်မလာနိုင်ရေး ရည်ရွယ်ချက်နဲ့ အရေအတွက် ငါးသိန်းလောက်ရှိတဲ့ မွတ်စလင်တွေကို လုံခြုံရေးတပ်ဖွဲ့တွေက ဘင်္ဂလာဒေ့ရ်ှဘက် စနစ်တကျ မောင်းထုတ်ခဲ့ပြီး၊ ပြန်ဝင်မလာနိုင်အောင် ရွာတွေ၊ အိမ်တွေ၊ သီးနှံတွေကို မီးရှို့ဖျက်ဆီး၊ လူတွေကို ညှဉ်းဆဲသတ်ဖြတ်၊ အဓမ္မကျင့်တာတွေ ကျူးလွန်ခဲ့ကြတယ်လို့ ဒုက္ခသည် ၆၅ ယောက်ကို တွေ့ဆုံမေးမြန်းခဲ့ပြီး အစီရင်ခံစာထုတ်ပြန်ခဲ့ကြောင်းလည်း သတင်းမှာဖေါ်ပြပါတယ်။

ဒီအတွင်း တရုတ်အစိုးရကတော့ မြန်မာနိုင်ငံ ရခိုင်ပြည်နယ်မှာ ငြိမ်းချမ်းရေးနဲ့ တည်ငြိမ်ရေးကို ထိန်းသိမ်းထားဖို့ မြန်မာရဲ့ အားထုတ်မှုကို ထောက်ခံအားပေးကြောင်း တရုတ်နိုင်ငံခြားရေးဝန်ကြီးဌာနက ပြောဆိုပြီး၊ ရခိုင်ပြည်နယ်မြောက်ပိုင်းက အခြေအနေတွေအပေါ် နိုင်ငံတကာက သတိထားချဉ်းကပ်ကြဖို့လည်း တိုက်တွန်းလိုက်ပါတယ်။

ရခိုင်ပြည်နယ်ပြဿနာမှာ သမိုင်းကြောင်း၊ လူမျိုး ဘာသာကိစ္စတွေပါဝင်ပြီး၊ ရှုပ်ထွေးလှတာကြောင့် နိုင်ငံတကာအနေနဲ့ လက်တွေ့ကျကျ ရှုမြင်သုံးသပ်ကြဖို့ တိုက်တွန်းလိုကြောင်း၊ ဘင်္ဂလားဒေ့ရ်ှနိုင်ငံနဲ့လည်း ဆွေးနွေးညှိနှိုင်းအဖြေရှာနိုင်ဖို့ မျှော်လင့်ကြောင်းလည်း ပြောဆိုခဲ့ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ