ပေါက်တောမြို့နယ်တွင် တူမီးသေနတ်လုပ်သူတစ်ဦးနှင့် ကိုင်ဆောင်သူနှစ်ဦးကို ရဲက ဖမ်းဆီး


နိရဉ္စရာ၊ အောက်တိုဘာ ၂၆

ရခိုင်ပြည်နယ် ပေါက်တောမြို့နယ်တွင် တူမီးသေနတ်လုပ်သူ တစ်ဦးနှင့် တူမီး သေနတ် လက်ဝယ်ပိုင်ဆိုင်သူ နှစ်ဦးတို့ကို ပေါက်တောမြို့ မြို့မစခန်းမှ အောက်တိုဘာလ ၂၅ ရက်နေ့က ဖမ်းဆီးလိုက်သည်ဟု သိရသည်။

ဖမ်းဆီးခံရသူများမှာ ပေါက်တောမြို့နယ် ကျောက်တောင်ကျေးရွာမှ တူမီး သေနတ် လုပ်သူ ဦးစိန်သောင်းရွှေ (၄၇) နှစ် ၊ ပေါက်တောမြို့နယ် သဲတွေ ကျေးရွာမှ တူမီးသေနတ်နှင့်အတူ ဖမ်းဆီးခံရသူနှစ်ဦးမှာ ဗဂျင်းချေ (ခ) ဦးသိန်းစိုးမောင် (၄၅) နှစ်နှင့် ဦးသာထွန်း (၅၈) နှစ် (ဘ) ဦးကောင်းထွန်းဖြူ တို့ဖြစ်ကြောင်းသိရသည်။
“အထက်ညွှန်ကြားချက်အရ ကျောက်တောင်ကျေးရွာကို ကျနော် မြို့နယ်မှူးက တာဝန်ယူသွားရောက်ပြီး၊ သဲတွေကျေးရွာကိုတော့ စခန်းမှူးက တာဝန်ယူ သွားရောက်ပြီး ဖမ်းဆီးခဲ့တာဖြစ်ပါတယ်”ဟု ပေါက်မြို့မ စခန်းမှ မြို့နယ်မှူး ရဲမှူး စောတင်က နိရဉ္စရာ သတင်းဌာနသို့ ပြောကြားသည်။

ယင်းသို့ ဖမ်းဆီးရာတွင် ကျောက်တောင်ကျေးရွာမှ ဦးစိန်သောင်းရွှေကို သေနတ် လုပ်သည့် သက်သေခံပစ္စည်းများဖြစ်သည့် ပေခုံ၊ သေနတ်ပြောင်း၊ ယမ်းတောင့်နှင့် ယမ်းတောင့် အခွံများနှင့်လည်းကောင်း၊ ဗဂျင်းချေ (ခ) ဦးသိန်းစိုးမောင်ကို တူမီးသေနတ် တစ်လက်နှင့်အတူ ယမ်းတောင့် ၃ တောင့်နှင့် ယမ်းထုပ် ၃ ထုပ်ဖြင့်လည်းကောင်း၊ ဦးသာထွန်းကို တူမီးသေနတ် တစ်လက်နှင့် အတူ ဖမ်းဆီးမိခဲ့သည်ဟု ပေါက်တောမြို့မစခန်းမှ မြို့နယ်မှူး ရဲမှူး စောတင်က ဆိုသည်။

အဆိုပါဖမ်းဆီးခံရသူများကို မြေပုံမြို့နယ် ထူးချေကျေးရွာမှ တူမီးသေနတ်နှင့်အတူ မြေပုံမြို့တွင် ဖမ်းဆီးခံထားရသူ ကိုစောသိန်းချေ၏ ထွက်ဆိုချက်အရ ပေါက်တော မြို့မရဲစခန်းမှ တာဝန်ယူ၍ ဖမ်းဆီးခဲ့ခြင်း ဖြစ်ပြီး သူတို့ကို ပေါက်တောမြို့မ ရဲစခန်းတွင် ထိန်းသိမ်းထားကာ ၃ ဦးစလုံးကို လက်နက်ဥပဒေပုဒ်မ ၁၉ (စ) ဖြင့် အမှုဖွင့်ထားသည်ဟု သိရှိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ