နျူကလီးယားလက်နက်ဟာ အဖိုးတန်ဓါးတလက်ဖြစ်ကြောင်း မြောက်ကိုရီးယားခေါင်းဆောင်ပြော

မြောက်ကိုရီးယားခေါင်းဆောင် Kim Jong Un
မြောက်ကိုရီးယား အစိုးရအပေါ် အမေရိကန်သမ္မတ Donald Trump နဲ့ ဂျပန်ဝန်ကြီးချုပ် ရှင်ဇိုအာဘေးတို့က ဖိအား ပေးမှုတွေ ဆက်လက်ပြုလုပ်နေကြချိန်မှာ သူ့နိုင်ငံရဲ့ နျူကလီးယားလက်နက်များ အစီအစဉ်ဟာ ကျူးကျော်ရန်စမှုကို ခုခံကာကွယ် နိုင်ရေးအတွက် အဖိုးတန်တဲ့ဓါးတလက် ဖြစ်တယ်လို့ မြောက်ကိုရီးယားခေါင်းဆောင်Kim Jong Un က ပြတ်သားစွာ ပြောဆို လိုက်ပါတယ်။

မြောက်ကိုရီယား ခေါင်းဆောင် Kim က နိုင်ငံရဲ့ သြဇာကတိက ကြီးမားတဲ့ အလုပ်သမားပါတီ ဗဟိုကော်မတီကို စနေနေ့က ပြောဆိုရာမှာ နျူကလီးယားလက်နက်တွေဟာ နိုင်ငံရဲ့ အချုပ်အခြာအာဏာ တည်တံ့စေဖို့အတွက်နဲ့ သူ့ရဲ့ အဆိုအရ အမေရိကန်နယ်ချဲ့တွေရဲ့ ကာလရှည်ကြာ နျူကလီးယား ခြိမ်းခြောက်နေမှုတွေကို ဟန့်တားဖို့မှာ အားကောင်းတဲ့ အဟန့်အတား ဖြစ်တယ်လို့ ပြောဆိုကြောင်း နိုင်ငံပိုင် မီဒီယာမှာ ဖေါ်ပြထားပါတယ်။

ဒါပေမယ့် မြောက်ကိုရီးယားနိုင်ငံအနေနဲ့ အမေရိကန်ပြည်ထောင်စု၊ ဂျပန်၊ တောင်ကိုရီးယားနိုင်ငံအပါဝင် တခြား နိုင်ငံတွေနဲ့ ရင်ဆိုင်ဖို့ ကြိုးပမ်းနေရတဲ့ သူ့နိုင်ငံရဲ့ နျူကလီးယား လက်နက် တည်ဆောက်ရေးကိစ္စကြောင့် နိုင်ငံတကာရဲ့ အခြေအနေတွေကို ရှုပ်ထွေးမှုတွေ ဖြစ်စေတဲ့အကြောင်း မြောက်ကိုရီးယားခေါင်းဆောင် Kim က အသိအမှတ်ပြု ပြောဆိုပါတယ်။

သူ့နိုင်ငံရဲ့ နိုင်ငံခြားပို့ကုန်နဲ့ ၀င်ငွေထိခိုက်အောင် ကုလသမဂ္ဂ က အရေးယူပိတ်ဆို့မှုတွေ ပြုလုပ်နေချိန်မှာ မြောက်ကိုရီးယား နိုင်ငံရဲ့ စီးပွားရေးဖွံ့ဖြိုးမှု ရှိစေရေး အတွက် ဆက်လက် ကျိုးပမ်းလုပ်ဆောင်သွားမှာ ဖြစ်တဲ့အကြောင်း ကင်မ် ကပြောပါတယ်။ အခြေအနေတွေ တင်းမာ ခက်ထန်နေချိန်မှာ မြောက်ကိုရီးယားနိုင်ငံအနေနဲ့ တုန်လှုပ်ဖွယ်ရာတွေ ရင်ဆိုင်နေရပေမယ့် စီးပွားရေးကတော့ တိုးတက်မှုရှိနေတယ်လို့ ကင်မ် က ပြောကြားလိုက်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ