နယ်စပ်မှာ ဒုက္ခသည်တွေ ပိုများလာပြန်


ရခိုင်ပြည်နယ်က မွတ်စလင်ဒုက္ခသည်တွေ ဘင်္ဂလားဒေ့ရ်ှကို နောက်ထပ်တကျော့ ထွက်ခွာလာခဲ့ကြပြန်ပြီလို့ AFP သတင်း က ဖေါ်ပြပါတယ်။

ပြီးခဲ့တဲ့ လက ဖြစ်ပွားခဲ့တဲ့ အကြမ်းဖက်ပဋိပက္ခတွေကြောင့် ဘင်္ဂလားဒေ့ရ်ှကို ထွက်ပြေးခဲ့ကြသူ လူ ၅ သိန်း ကျော်ရှိတယ်လို့ ကုလသမဂ္ဂက ခန့်မှန်းပါတယ်။ အဲဒီနောက် ဒုက္ခသည်ဝင်ရောက်မှု ခေတ္တခဏ ရပ်စဲသွားခဲ့ရာက အခုရက်ပိုင်းအတွင်း ပြန်လည်ဝင်ရောက်လာနေကြရာမှာ နယ်စပ်ဖြတ်ကျော်လာနေသူပေါင်း တရက်ကို ၄ ထောင် ၅ ထောင် လောက်ရှိတယ်လို့ သိရပါတယ်။

အခုလို ထွက်ခွာလာခဲ့ကြတာနဲ့ ပတ်သက်ပြီး ဒေသအာဏာပိုင်တွေက လုံခြုံရေး စိတ်မပူဖို့၊ ဘယ်မှမသွားဘဲ ရွာမှာပဲဆက်နေကြဖို့ အာမခံပြောဆိုခဲ့ကြပေမဲ့၊ စစ်တပ်က ထွက်ခိုင်းလို့ ထွက်လာခဲ့ကြတာလို့ ပြောဆိုသူ တချို့ရှိသလို၊ ရွာမှာဆက်နေရတာ အခြေအနေ မထူးခြားလို့ ထွက်လာခဲ့တာလို့ ပြောဆိုသူတွေလည်းရှိတယ်လို့ သတင်းမှာ ဖေါ်ပြပါတယ်။

ကုလသမဂ္ဂ အမျိုးသမီးများနဲ့ ကလေးသူငယ်များဆိုင်ရာကော်မတီကလည်း ရခိုင်ပြည်နယ်က မွတ်စလင် အမျုးသမီးတွေနဲ့ ကလေးသူငယ်တွေ သတ်ဖြတ်ခံရ၊ လိင်ပိုင်းဆိုင်ရာ မတရားပြုကျင့်ခံရ၊ အဓမ္မ နေရာ ရွှေ့ပြောင်းခံရတာတွေအပေါ် အထူးစိုးရိမ်ကြောင်း ထုတ်ပြန်ပြောဆိုပါတယ်။

ဒီအတွင်း ကလေးသူငယ်အများစုပါဝင်တဲ့ ဘင်္ဂလားဒေ့ရ်ှရောက် ဒုက္ခသည်တွေကို နောက်ထပ် ၆ လ ကူညီနိုင်ဖို့ အမေရိကန်ဒေါ်လာ ၄၃၄ သန်းလိုအပ်နေတယ်လို့ ကူညီစောင့်ရှောက်ရေးအဖွဲ့တွေက ပြောပါတယ်။

Photo: BenarNews
RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ