ရင်းနှီးမြှုပ်နှံမှုကော်မရှင်ရုံး စစ်တွေမှာဖွင့်

ရခိုင်ပြည်နယ် စစ်တွေမြို့မှာ အောက်တိုဘာလ ၃၀ ရက်နေ့က ဖွင့်လှစ်တဲ့ ရင်းနှီးမြှုပ်နှံမှုကော်မရှင်အဖွဲ့ရုံးကို တွေ့ရစဉ်။ Photo: Min Thein Aung/ RFA
အမေရိကန်ဒေါ်လာ ၅ သန်းအောက် ရင်းနှီးမြှုပ်နှံမှုတွေကို ခွင့်ပြုနိုင်မယ့် ရင်းနှီးမြှုပ်နှံမှုကော်မတီရုံးကို ရခိုင်ပြည်နယ် စစ်တွေမြို့မှာ ဒီနေ့ ဖွင့်လှစ်လိုက်ပါတယ်။

ဒီကော်မတီရုံးကနေ ဆောင်ရွက်ပေးသွားမယ့် ရင်းနှီးမြှုပ်နှံမှုတွေနဲ့ပတ်သက်ပြီး မြန်မာနိုင်ငံ ရင်းနှီးမြှုပ်နှံမှု ကော်မရှင် အတွင်းရေးမှူး ဦးအောင်နိုင်ဦး က အခုလိုပြောပါတယ်။

စီးပွားရေးနဲ့ ကုမ္ပဏီပိုင်းဆိုင်ရာလုပ်ငန်းတွေ၊ ဒေသတွင်းစီးပွားရေးလုပ်ငန်းတွေကို နိုင်ငံခြားရင်းနှီးမြှုပ်နှံသူတွေနဲ့ ချိတ်ဆက်ပြီး တိုးချဲ့လုပ်ကိုင်နိုင်ဖို့အတွက် ဒီကော်မတီရုံးကို ဖွင့်လှစ်တာဖြစ်တယ်လို့လည်း မြန်မာနိုင်ငံ ရင်းနှီးမြှုပ်နှံမှုကော်မရှင်အတွင်းရေးမှူး ဦးအောင်နိုင်ဦးကပြောပါတယ်။

ရခိုင်ပြည်နယ်မှာ ကုမ္ပဏီပေါင်း ၇၇၀ ကျော်ရှိပြီး ကုမ္ပဏီသစ်တွေ ထူထောင်လိုသူတွေအနေနဲ့ ရန်ကုန်နဲ့ နေပြည်တော်အထိ သွားရောက်ဖို့မလိုတော့ဘဲ ဒီနေ့ စစ်တွေမြို့မှာ ဖွင့်လှစ်လိုက်တဲ့ ရင်းနှီးမြှုပ်နှံမှုကော်မတီရုံးမှာ တိုက်ရိုက်လျှောက်ထားဆောင်ရွက်နိုင်မှာ ဖြစ်တယ်လို့လည်း သိရပါတယ်။

တိုင်းနဲ့ပြည်နယ် အသီးသီးမှာ အစိုးရက ရင်းနှီးမြှုပ်နှံမှုကော်မတီရုံးတွေကို ဖွင့်လှစ်ထားပြီး ဒီနေ့ ရခိုင်ပြည်နယ်မှာ ဖွင့်လှစ်ပေးခဲ့တဲ့ရုံးဟာ ၁၄ ခုမြောက်ဖြစ်သလို ရှေ့လမှာ ချင်းပြည်နယ်မှာ ဆက်လက်ဖွင့်လှစ်သွားမယ်လို့လည်း သိရပါတယ်။

ပဋိပက္ခတွေဖြစ်ပွားခဲ့တဲ့ ရခိုင်ပြည်နယ် မြောက်ပိုင်းမှာ မြန်မာနိုင်ငံ ရင်းနှီးမြှုပ်နှံမှုကော်မရှင်ကနေ ခွင့်ပြုထားတဲ့ စီးပွားရေးလုပ်ငန်းတွေမရှိသေးသလို စီးပွားရေးလုပ်ငန်းတွေလုပ်ဖို့ အခြေခံလိုအပ်ချက်တွေ ရှိနေသေးတဲ့အတွက် အဆင်သင့်မဖြစ်သေးဘူးလို့လည်း မြန်မာနိုင်ငံ ရင်းနှီး မြှုပ်နှံမှုကော်မရှင်အတွင်းရေးမှူး ဦးအောင်နိုင်ဦး က ပြောပါတယ်။

ရခိုင်ပြည်နယ်မှာ လတ်တလောဖြစ်ပေါ်နေတဲ့ ပြဿနာတွေဟာ မြန်မာနိုင်ငံရဲ့ ရင်းနှီးမြှုပ်နှံမှု ကဏ္ဍအပေါ် ကြီးမားတဲ့ အကျိုးသက်ရောက်မှုမရှိပေမယ့် ရေရှည်အတွက် ပြဿနာတွေ ကာလကြာရှည်နေမယ်ဆိုရင် ရင်းနှီးမြှုပ်နှံမှုတွေအပေါ် အနည်းနဲ့အများ သက်ရောက်မှုတွေ ရှိလာနိုင်တယ်လို့လည်း မြန်မာနိုင်ငံ ရင်းနှီးမြှုပ်နှံမှု ကော်မရှင်အတွင်းရေးမှူး ဦးအောင်နိုင်ဦးကပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ