တူအရင်းမှ ဆိုဆုံးမသူ အဒေါ်ဖြစ်သူအား ဒါးဖြင့်ခုတ်သတ်

ကျောက်ဖြူမြို့နယ်၊ ကုလာဘာကျေးရွာ၊ ပုန်းဆိုးစုတွင် တူအရင်းဖြစ်သူမှ အဒေါ်ဖြစ်သူအား ဒါးဖြင့်(၃)ချက်ခုတ်လိုက်ရာ မိမိနေ အိမ်၌ ပွဲချင်းပြီးသေဆုံးသည့် လူသတ်မှုတစ်ရပ်ဖြစ်ပွား။

ကျောက်ဖြူမြို့နယ်၊ ကုလာဘာကျေးရွာ၏ ပုန်းဆိုးစုရပ်တွင် အရက်သောက်လာသူ လူငယ်တစ်ဦးမှ ဆိုဆုံးမသူ အဒေါ်ဖြစ်သူအား နေအိမ်တွင် ဒါးမဖြင့် ခုတ်သတ်လိုက်ရာ အဆိုပါ နေအိမ်၌ပင်ပွဲချင်းပြီး သေဆုံးသွားသည့် လူသတ်မှုတစ်ခုမှာ အောက်တိုဘာလ(၉)ရက် နေ့ ညဖက်(၉)နာရီ ကျော်ခန့်၌ ဖြစ်ပွားခဲ့သည်။

အခင်းဖြစ်ကျေးရွာသို့ သတင်းရရခြင်း မင်းပြင်ရဲစခန်းမှူးရဲအုပ်အောင်ဇော်မင်းနှင့် တပ်ဖွဲ့ဝင်များ၊ ရပ်ရွာမှရွာသူရွာသားများ အခင်းဖြစ်နေအိမ်သို့ ရောက်ရှိသွားရာ နေအိမ်ပေါ် ၌ သေဆုံးနေသူ ဒေါ်ကြာနုဦး(၅၅)နှစ်အား တွေ့ရှိရသည့်အတွက်ကြောင့် ရဲတပ်ဖွဲ့မှ လုပ်ထုံးလုပ်နည်းနှင့်အညီ ဆောင်ရွက်ခဲ့ကာ သေဆုံးသူ အလောင်းအား ကျောက်ဖြူဆေးရုံသို့ ပေးပို့ဆောင်ရွက်ခဲ့သည်။


အခင်းဖြစ်အကြောင်းရင်အား မင်းပြင်ရဲတပ်ဖွဲ့စခန်းမှ ရဲအုပ်အောင်ဇော်မင်းမှ စစ်ဆေးခဲ့ရာ တရားခံဖြစ်သူ မောင်ဝင်းကြည်(၂၁) နှစ် ခန့်က အရက်မူး၍နေအိမ်သို့ အောက်တိုဘာလ(၉)ရက်နေ့ည(၈)နာရီခန့်အချိန်တွင် အပြင်မှရောက်ရှိလာရာ နေအိမ်တွင် အတူတူနေထိုင်သူ အဒေါ်ဖြစ်သူ ဒေါ်ကြာဦး (၅၅) နှစ်ခန့်ကတူဖြစ်သူအား ဆိုဆုံးမရာ၌ အခြေအတင် စကားများကြာရာမှ စ၍ဖြစ်ကြသဖြင့် တူဖြစ်သူမှ နေအိမ်တွင်အသင့် ရှိသော ဒါးမဖြင့် လည်ပင်းနားတစ်ဝိုက် (၃) ချက်ခန့်ခုတ်လိုက်ရာ အခင်းဖြစ်နေရာတွင်ပင် ပွဲချင်းပြီး သေဆုံးသွားကြောင်း သိရသည်။

တူဖြစ်သူ တရားခံမောင်ဝင်းကြည်မှာ အခင်းဖြစ် နေရာမှ ဒါးမကိုကိုင်ကာ နေအိမ်မှထွက်ပြေးသွားကြောင်းသိရှိရသည်။

အခင်းဖြစ်ကျေးရွာသို့အောက်တိုဘာလ (၁၀) ရက်နေ့နံနက်ပိုင်းတွင် ကျောက်ဖြူမြို့နယ် ရဲတပ်ဖွဲ့စခန်းမှူး ဒုရဲမှူးကျော်ဇော နှင့် တပ်ဖွဲ့ဝင်များ၊ မင်းပြင်ရဲစခန်းမှူးရဲအုပ်အောင်ဇော်မင်းနှင့် တပ်ဖွဲ့ဝင်များ၊ နယ်ထိမ်းတပ်ဖွဲ့ဝင်များတို့မှာရောက်ရှိလာပြီး၊ တရားခံဖြစ်သူ မောင်ဝင်းကြည်အားအမြန်ဆုံးဖမ်း ဆီးနိုင်ရန်အတွက်စုံစမ်းဖော်ထုတ်နေကြောင်း သတင်းရရှိသည်။

သတင်းထောက်စောမိုးကျော်(ကြေးမုံ-ကျောက်ဖြူမြို့)

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ