အမေရိကန်၌ တရားမဝင် ဝင်ရောက်လာသူ ၅ဝဝ ကျော်ကို ဖမ်းဆီး

အမေရိကန်နိုင်ငံ၌ တရားမဝင် ဝင်ရောက်လာသူတစ်ဦးအား ရဲတပ်ဖွဲ့ က ဖမ်းဆီးနေစဉ်(ဓာတ်ပုံ-အင်တာနက်)
    ဝါရှင်တန် ၊ အောက်တိုဘာ ၁ ရက်(ဆင်ဟွာ)

    အမေရိကန်နိုင်ငံ လူဝင်မှုကြီးကြပ်ရေး နှင့် အကောက်အခွန် စိစစ်ရေး ဌာန(ICE) သည် ၄ရက်ကြာပြုလုပ်သော တရားမဝင် ဝင်ရောက်လာသူများအား ဖမ်းဆီးနှိမ်နင်းရေး စီမံချက်အတွင်း နိုင်ငံခြားသား ၄၉၈ ဦးကို ဖမ်းဆီးထိန်းသိမ်းခဲ့ကြောင်း အမေရိကန်သတင်းမီဒီယာများက စက်တင်ဘာလ ၃ဝရက်တွင် ဖော်ပြခဲ့သည်။

“ မြို့ တော်လုံခြုံရေး” စီမံချက်ဟု အမည်ပေးထားသော တရားမဝင် ဝင်ရောက်သူများအား ဖမ်းဆီးသည့် စစ်ဆင်ရေးအတွင်း အမေရိကန်နိုင်ငံတစ်ဝန်းရှိ မြို့ ပေါင်း ၁ဝ မြို့ တွင်ပြုလုပ်ခဲ့ရာ ကမ္ဘာ့ နိုင်ငံပေါင်း ၄၂ နိုင်ငံမှ တရားမဝင် ဝင်ရောက်လူသူများကို ဖမ်းဆီးနိုင်ခဲ့ကြောင်း ICE ၏ ပြောကြားချက်အရ သိရသည်။

နိုင်ငံ၏ အရှေ့ ပိုင်း ဗီလ်ဒဲဖီးယားမြို့ တွင် ၁ဝ၇ ဦး နှင့် လောစ့်အိန်ဂျလိစ်မြို့ တွင် ၁ဝ၁ ဦး ဖမ်းဆီးရမိခဲ့ကြောင်း ၊ မက်ဆာချူးဆက် ၊  ဒန်ဗာမြို့ ၊ နယူးယောက်မြို့ ၊ ဆီးတဲလ်မြို့ ၊ ဆန်တာကလာရာမြို့ ၊ဘာတီမိုးမြို့ ၊Cook မြို့ နှင့် ဝါရှင်တန်ဒီစီမြို့ များတွင်  သုံးဦး မှ ၁ဝ ဦးအထိ အသီးသီးဖမ်းဆီးရမိခဲ့ကြောင်း သိရသည်။

ဖမ်းဆီးရမိသူများအနက် ၃၁၇ ဦးမှာ ရာဇဝတ်မှုကျူးလွန်ထားသူများဖြစ်ကြောင်း ၊ ၁ဝ၄ ဦးမှာ ယခင်က နယ်နှင်ခံထားရသူများဖြစ်ကြောင်း ၊ ၆၈ ဦးမှာ လူဝင်မှုကြီးကြပ်ရေးမှ ထွက်ပြေးလွတ်မြောက်နေသူများဖြစ်ကြောင်း နှင့် ၁၈ ဦးမှာ လူဆိုးဂိုဏ်းဝင်များဖြစ်ကြောင်း ICE  ကဆိုသည်။

အမေရိကန်နိုင်ငံ၌ လစ်ဘရယ်နိုင်ငံရေးဝါဒ ကြီးစိုးသည့် ဒေသများတွင် ပြည်ထောင်စုအစိုးရ၏ လူဝင်မှုကြီးကြပ်ရေး ဥပဒေကို တားဆီးရန် ကြိုးပမ်းနေသော်လည်း သမ္မတဒေါ်နယ်ထရမ့် တက်လာခဲ့သည့်အချိန်ကတည်းက နိုင်ငံအတွင်း တရားမဝင် ဝင်ရောက်လာသူများကို ပြင်းပြင်းထန်ထန် ဖမ်းဆီးနှိမ်နင်းလျက်ရှိကြောင်း သိရသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ