တာချီလိတ်တွင် အသက်(၆)နှစ်အရွယ်ကလေးအား ဆိုင်တွင်ဈေးလာဝယ်သူက ခေါ်သွားပြီး အဓမ္မပြုကျင့်ရန် ကြံစည်မှုဖြစ်ပွား

ရှမ်းပြည်နယ်(အရှေ့ပိုင်း) တာချီလိတ်မြို့ ရှမ်းရိုးမကွင်းရှိ ဈေးဆိုင်ရှင်၏ အသက် (၆)နှစ်အရွယ် သူငယ်တန်း ကျောင်းသူအား ဈေးလာဝယ်သူတစ်ဦးက အောက်တိုဘာလ (၃)ရက်နေ့တွင် အဓမ္မပြုကျင့်ရန်ကြံစည်သဖြင့် တာချီလိတ်မြို့မရဲစခန်းတွင် စစ်ဆေးမှုများလုပ်ဆောင်နေကြောင်း သိရသည်။

“ ရှမ်းရိုးမကွင်းမှာ သီတင်းကျွတ်မီးထွန်းပွဲတော်လုပ်ဖို့ ဆိုင်ခန်းတွေ ပြင်ဆင်လုပ်နေကြတဲ့အထဲက ဆိုင်တစ်ဆိုင်မှာ သူ့အဖေကလည်း အလုပ်များနေတုန်း ဈေးလာဝယ်တဲ့အမျိုးသားက ကလေးကို ခေါ်သွားပြီး ပြုကျင့်ဖို့ ကြိုးစားတာလို့ သိရပါတယ်။ ခေါ်သွားတဲ့လူက ကလေးမိသားစုနဲ့ ရင်းနှီးတဲ့လူတွေထဲကတော့ မဟုတ်ဘူး။ ဈေးလာဝယ်တဲ့သူထဲက ခေါ်သွားတာလို့ သိရတယ်။ ဒီလူကိုလည်း ထိန်းသိမ်းထားပြီးပါပြီ။ ကလေးကိုလည်း လိုအပ်တဲ့ ဆေးစစ်ဆေးချက်တွေ ရယူပြီး ဆောင်ရွက်နေပါပြီ”ဟု တာချီလိတ်မြို့မရဲစခန်း စခန်းမှူး ဒုရဲမှူးကြည်စိုးက တာချီလိတ်သတင်းအေဂျင်စီသို့ ပြောသည်။

လက်ရှိတွင် ကလေး၏မိဘများက အမှုဖွင့်လှစ်ရန် တိုင်ချက်ဖွင့်လှစ်ခြင်းနှင့် လိုအပ်သည့် စစ်ဆေးမှုများ ဆောင်ရွက်နေဆဲဖြစ်ကြောင်း သိရသည်။
“အန်တီနဲ့ အန်တီ့သမီးတို့က ဈေးဆိုင်ဖွင့်ထားကြတာပါ။ မနက်က သူ့အဖေက ရေခဲတွေ ဝယ်လာတာခွဲပြီး ထည့်နေတုန်း အန်တီ့မြေးလေးကို ဘေးနားဆိုင်မှာ ဘီယာလာထိုင်သောက်နေတဲ့သူက ခေါ်သွားပြီး အခုလိုဖြစ်ရတယ်လို့ သိရတာပါ။ ကလေးပျောက်တယ်ဆိုပြီး အန်တီ့အမျိုးသားကရော လိုက်ရှာနေကြတုန်း ဘေးနားဆိုင်နီးချင်းတစ်ယောက်က အိမ်သာသွားတာမှာ ကလေးအော်သံကြားတယ်လို့ ကလေးအဖေကို လာအကြောင်းကြားလို့ သုံးလေးယောက် ဝိုင်းသွားပြီး ကလေးအသံကြားရတဲ့ အိမ်သာတံခါးက အတွင်းက ပိတ်ထားတာကြောင့် ကန်ဖွင့်ကြတော့ ကလေးကို အဲဒီလူနဲ့ အိမ်သာထဲမှာ တွေ့ရတာလို့ သိရတာပါ။ အနီးအနားက လူတွေက ဝိုင်းဖမ်းပြီး ရဲစခန်းပို့ထားပါတယ်။ ကလေးအဖေ၊ အမေကလည်း အမှုဖွင့်ဖို့ လုပ်နေကြပါတယ်။ အပြင်မှာ ကလေးနာမည်နဲ့ ပြောဆိုနေကြတာတွေကိုလည်း တောင်းပန်ချင်ပါတယ်။ ကျမရဲ့ မြေးလေးကို နာမည်တပ်ပြောဆို ရေးနေကြတာတွေ စာနာပေးကြပါရှင် ”ဟု အဆိုပါ ကလေး၏ အဖွားဖြစ်သူက တာချီလိတ်သတင်းအေဂျင်စီသို့ ပြောသည်။

ကလေးအား အဓမ္မပြုကျင့်ရန် ကြံစည်သည့်အမျိုးသားအား အနီးနားရှိ လူများနှင့် လူမှုကူညီရေး အသင်းဝင်များက ဝိုင်းဝန်းဖမ်းဆီးပြီး ရဲစခန်းသို့ ပို့ဆောင်ထားကာ ရဲတပ်ဖွဲ့ကလည်း လိုအပ်သည့် စစ်ဆေးမှုများ ဆောင်ရွက်နေပြီဖြစ်ကြောင်း သိရသည်။

Tachileik News Agency
http://www.tachileik.net