ပြည်သူ့စစ်ခေါင်းဆောင်တဦးကို RCSS/SSA သတ်ဖြတ်သည်ဟု JMC – U အစည်းအဝေးအပြီး သတင်းစာရှင်းလင်းပွဲ၌ တပ်မတော်စွပ်စွဲပြောဆို

Photo: တပ်မတော်အရာရှိ JMC – U အတွင်းရေးမှူး - ၂ ဗိုလ်မှူးကြီး ဝဏ္ဏအောင်က သတင်းထောက်များအား သတင်းစာရှင်းလင်းပွဲပြုနေပုံ ( Photo by : CMT)
စက်တင်ဘာ ၂၂ ရက် ၂၀၁၇

ရန်ကုန်မြို့ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန NRPC ရုံးတွင် သုံးရက်ကြာ ကျင်းပ သည့် ပြည်ထောင်စုအဆင့် ပစ်ခတ် တိုက်ခိုက်မှု ပူးတွဲစောင့်ကြည့်ရေးကော်မတီ JMC – U အစည်းအဝေး အပြီး သတင်းစာရှင်းလင်းပွဲ ၌ တပ်မတော်အရာရှိ JMC – U အတွင်းရေးမှူး - ၂ ဗိုလ်မှူးကြီး ဝဏ္ဏအောင်က ပြည်သူ့စစ်ခေါင်းဆောင်တဦးကို RCSS/SSA က သတ်ဖြတ်သည်ဟု စွပ်စွဲပြောဆိုလိုက်သည်။

တပ်မတော်အရာရှိ JMC – U အတွင်းရေးမှူး - ၂ ဗိုလ်မှူးကြီး ဝဏ္ဏအောင်က သတင်းထောက်များအား - “သက်သေထွက်ဆိုချက်အရ ပြည်သူ့စစ်ခေါင်းဆောင် ဦးမြင့်အောင်ကို သတ်တာက RCSS အဖွဲ့ဝင် စိုင်းတစ် ဆိုတဲ့သူ ဖြစ်တယ်လို့ JMC – S ကနေပြီး တင်ပြလာတာ ရှိတယ် …. ” - ဟု ပြောသည်။

ပူးတွဲစောင့်ကြည့်ရေးကော်မတီ JMC – S (ပြည်နယ်) က ၄ ဦးပါ စီစစ်ရေးကော်တီ တရပ်ဖွဲ့စည်းကာ ဒေသအတွင်း ကွင်းဆင်းစုံစမ်း စစ်ဆေးခဲ့ကြောင်း၊ သက်သေများထွက်ဆိုချက်အရ ယနေ့ စက်တင်ဘာ ၂၂ ရက် အစည်းအဝေးနောက်ဆုံးနေ့၌ ဆွေးနွေးကြကြောင်း၊ ထိုကိစ္စအား RCSS/SSA ကိုယ်စား လှယ် က RCSS/SSA အဖွဲ့တွင် စိုင်းတစ်ဆိုသူ မရှိကြောင်း ဆွေးနွေးသည်ဟု ဗမက ၀ဏ္ဏအောင်က သတင်း ထောက်များအားပြောသည်။

အဆိုပါ ကိစ္စနှင့် ပတ်သက်၍ သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA ပြောရေးဆိုခွင့် ရှိသူ ဒုတိယ ဗိုလ်မှူးကြီး စိုင်းမိဏ်းက - “ဒီကိစ္စနဲ့ ပတ်သက်ပြီး ပြဿနာ စဖြစ်ကတည်းက ကျနော်တို့လူ လုပ်တာမဟုတ်ဘူး လို့ကျနော်တို့ဘက်ကနေ စာရေးအကြောင်း ကြားထားတယ်။ အဲဒီဒေသမှာ စိုင်းတစ် ဆိုတဲ့သူ ကျနော်တို့မှာမရှိဘူး။ ပျောက်ကျားဝတ်စုံဝတ် တိုင်း ကျနော်တို့လူလားပေါ့။ ဒါ ကျနော်တို့ ကို သက်သက် နာမည်ဖျက်ချင်တာလား၊ ဒါမှ မဟုတ် တပ်မတော်ဘက်ကဘဲ စွပ်စွဲလိုတာ လားပေါ့။ JMC – U မှာကတည်းက ကျနော်တို့ လုပ်ပါတယ်ဆိုပြီး စာနဲ့လာဒါ။ ဒါက တရားစီရင်ဆုံးဖြတ်ချက်မချ သေးဘဲ ကျနော်တို့ နာမည်ကို သုံးလို့မရဘူးလေ။ စည်းမျဉ်းစည်းကမ်းအရ” - ဟု ပြောသည်။

လွန်ခဲ့သည့် လပိုင်းက သတ်ဖြတ်ခံရသူသည် သျှမ်းပြည်အရှေ့ပိုင်း မိုင်းဖြတ်ခရိုင် မိုင်းပြင်း မြို့နယ်က ပြည်သူ့စစ်ခေါင်းဆောင် ဦးမြင့်အောင် ဆိုသူဖြစ်သည်ဟုဆိုသည်။

ဦးမြင့်အောင် သတ်ဖြတ်ခံရသည့် နောက်ပိုင်း အစိုးရတပ်မတော် စစ်ကြောင်းများ မိုင်းပြင်းမြို့နယ် အတွင်း အင်အားဖြည့် လှုပ်ရှားမှု ဆက်တိုက်ပြုလုပ်နေကြောင်း၊ အဆိုပါ စစ်ကြောင်းများမှ RCSS/SSA အဖွဲ့ ဝင် နှစ်ဦးအားလည်း ဖမ်းဆီးကြောင်း၊ တရား စီရင်ဆုံးဖြတ်မှု တစုံတရာမရှိဘဲ မိုင်းဆတ်မြို့ အကျဉ်းထောင်၌ ချုပ်နှောင်ထားကြောင်း RCSS က ပြောသည်။

အဆိုပါ ကိစ္စရပ်များပြေလည်စေရန် တပ်မတော် ဒုတိယ ကာကွယ်ရေး ဦးစီးချုပ် ဒု-ဗိုလ်ချုပ်မှူးကြီး စိုးဝင်း နှင့် RCSS/SSA ဗိုလ်ချုပ်ကြီး ယွက်စစ် တို့ဆုံစဉ် အဆိုပါ ကိစ္စရပ်များ ပြောဆိုဆွေးနွေးခဲ့သေး သည်ဟုလည်း သိရသည်။

သျှမ်းပြည်တပ်မတော် RCSS/SSA သည် တနိုင်ငံလုံးအပစ်အခတ် ရပ်စဲေ ရးစာချုပ် NCA လက်မှတ် ရေးထိုးထားသော်လည်း အစိုးရ တပ်မတော် နယ်မြေစိုးမိုးရေးလှုပ်ရှားမှုများကြောင့် ယခုနှစ်အတွင်း တိုက်ပွဲများ ၁၀ ကြိမ်ထက်မနည်း ဖြစ်ပွားခဲ့သည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ