ဂျာမနီရွေးကောက်ပွဲ ၀န်ကြီးချုပ် Merkel ၄ ကြိမ်မြောက် အနိုင်ရ

ဝန်ကြီးချုပ် Angela Merkel
ဂျာမနီအထွေထွေရွေးကောက်ပွဲမှာ လက်ရှိဝန်ကြီးချုပ် Angela Merkel ဟာ လေးကြိမ်မြောက်သက်တမ်းအတွက် ထပ်ပြီး အနိုင်ရသွားပါတယ်။ လွန်ခဲ့တဲ့သုံးလမှာ မဲဆွယ်စည်းရုံးပွဲတွေ စတင်ကတည်းက ဒီလိုရလာဒ်ထွက်လာမယ်ဆိုတာကိုတော့ ခန့်မှန်းထားခဲ့ကြပြီးသားပါ။ ဒါပေမဲ့လဲ ၀န်ကြီးချုပ် မာကဲလ်ရဲ့ အာဏာရ Christian Democrats ပါတီဟာ ခန့်မှန်းခဲ့တာထက် မဲ အရေအတွက် လျော့သွားပြီး လက်ယာစွန်းပါတီကတော့ ခန့်မှန်းထားတာထက် မဲအရေအတွက် ပိုရတဲ့ပုံရှိပါတယ်။

မဲရုံထွက်ကောက်ယူတဲ့ စစ်တမ်းတွေပေါ်မှာအခြေခံပြီး မဲရုံတွေပိတ်ပြီး သိပ်မကြာခင်မှာထုတ်ပြန်တဲ့၊ ပုံမှန်အားဖြင့် အတော်လေး ယုံကြည်လို့ရတဲ့ ခန့်မှန်းချက်တွေအရ မစ္စမာကဲလ်ရဲ့ အာဏာရ ခရစ်ယာန် ဒီမိုကရက်တစ် ယူနီယံ CDU နဲ့ သူတို့ရဲ့ မိတ်ဘက် ပါတီ ခရစ်ယာန် ဆိုရှယ်လ် ယူနီယံ CSU ပါတီနှစ်ရပ်ပေါင်းက မဲအရေအတွက် ၃၂.၅% ရပါတယ်။ ဒါကြောင့်လဲ မစ္စမာကဲလ်ဟာ ဒုတိယကမ္ဘာစစ်ပြီးကတည်းကဆိုရင် သက်တမ်းလေးကြိမ်ဆက်တိုက် ၀န်ကြီးချုပ်ဖြစ်သူ သုံးဦးထဲမှာ တဦးအပါအ၀င် ဖြစ်သွား တော့မှာပါ။

စစ်တမ်းကောက်သူတွေက CDU/CSU ပါတီနှစ်ရပ်ပေါင်း မဲအရေအတွက် ၃၆ ကနေ ၃၉% ထိ ရမယ်လို့ ခန့်မှန်းခဲ့ကြတာပါ။

CDU ပါတီရတဲ့ မဲအရေအတွက်က နည်းသွားပြီး ဂျာမနီနိုင်ငံရဲ့ အငြင်းပွားဖွယ် လက်ယာစွန်း လူအများကြိုက် Alternative for Germany လို့ခေါ်တဲ့ AfD ပါတီက ခန့်မှန်းထားတာထက် မဲပိုရသွားတာကြောင့် မစ္စမာကဲလ်ရဲ့အောင်ပွဲဟာ အပြည့်အ၀ဖြစ်တဲ့ အနေအထားမျိုးတော့ မဟုတ်ပါဘူး။ AfD ပါတီဟာ ဂျာမန်လွှတ်တော်မှာ အမတ်နေရာရဖို့ လိုအပ်တဲ့ ၅% မဲအရေအတွက်ကို အသာလေးပဲကျော်ပြီး ၁၃.၄% ထိရမယ်လို့ မဲရုံထွက်ကောက်ယူတဲ့ စစ်တမ်းတွေက ပြနေပါတယ်။

 ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ