Kurdistan သီးခြားခွဲထွက်ဖို့ တခဲနက်ဆန္ဒထုတ်ဖေါ်

အီရတ် ကာ့ဒ်လူမျိုးစုများ လူထုဆန္ဒခံယူ မဲပေးပွဲ
အီရတ်နိုင်ငံထဲက ကာ့ဒ်လူမျိုးစုတွေ လူထုဆန္ဒခံယူပွဲ ပြုလုပ်ခဲ့ရာမှာ ဗုဒ္ဓဟူးနေ့က ထုတ်ပြန်တဲ့ တရားဝင် မဲရလဒ်အရ ၉၂%က အီရတ်ကနေ ခွဲထွက်ဖို့ ဆုံးဖြတ်ခဲ့ကြ ပါတယ်။ အီရတ်နိုင်ငံထဲမှာ ကာ့ဒ်တွေနေထိုင်တဲ့ ကိုယ်ပိုင်အုပ်ချုပ်ခွင့်ရ ကာဒစ်စတန်ပြည်နယ် ရှိပြီး၊ အီရတ်ကနေ ခွဲထွက်ပြီး လွတ်လပ်ရေး ယူ-မယူ ဆိုတာကို ဆန္ဒခံယူပွဲ လုပ်ကြတာပါ။

တနင်္လာနေ့ကကျင်းပတဲ့ လူထုဆန္ဒခံယူပွဲကို အီရတ်အစိုးရကရော၊ အိမ်နီးချင်းနိုင်ငံတွေ ကပါ ကန့်ကွက်ခဲ့ကြသလို၊ အမေရိကန် ပြန်ထောင်စု ကလဲ ကန့်ကွက်ခဲ့ပါတယ်။

ဒီအတောတွင်း၊ အီရတ်နိုင်ငံ မြောက်ပိုင်းမှာရှိတဲ့ ကာ့ဒ်ဒေသကို လေယာဉ်တွေ မပျံသန်းတော့ဘူးဆိုပီး အရှေ့အလယ်ပိုင်း လေကြောင်းလိုင်း အတော်များများက ပြောပါတယ်။

ကာ့ဒ်ဒေသက လေဆိပ်တွေ ထိန်းချုပ်ခွင့်ကို အီရတ်ဗဟိုအစိုးရထံ မအပ်နှံဘူးဆိုရင် ကာ့ဒ်ဒေသကို လေယာဉ်ပျံသန်းမှုတွေ တားမြစ်ထားမယ်လို့ အီရတ်ဝန်ကြီးချုပ် Haider al-Abadi ကပြောပါတယ်။ လာမယ့် သောကြာနေ့နောက်ပိုင်း လက်ဘနွန် လေကြောင်း လိုင်းတွေ အားလုံး ကာဒစ်စတန်ပြည်နယ် မြို့တော် Irbil ကို အဝင်အထွက်မလုပ်ပဲ ရပ်ထားမှာဖြစ်သလို၊ အီဂျစ် မြို့တော် ကိုင်ရိုကနေ Irbil မြုိ့ကြား ပျံသန်းမယ့် ခရီးစဉ်တွေကို သောကြာနေ့မှာ ရပ်ထားမယ်လို့ အီဂျစ်လေကြောင်းလိုင်းကလဲ ပြောပါတယ်။

VOA (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ