INGO ဝန်ထမ်းတွေ တိုက်ခိုက်မှုမှာပါလို့ ပြည်နယ်အစိုးရဆို


မကြာခင်က ဖြစ်ပွားတဲ့ ရခိုင် မြောက်ပိုင်းက အကြမ်းဖက် တိုက်ခိုက်မှုတွေ အတွင်း နိုင်ငံတကာ အန်ဂျီအို ဝန်ထမ်း တချို့ ကိုယ်တိုင် ပါဝင် တိုက်ခိုက်တာတွေ ရှိတယ် လို့ ရခိုင် အစိုးရ အဖွဲ့ အတွင်းရေးမှူး ဦး တင်မောင်ဆွေက ဘီဘီစီကို ပြောကြား ပါတယ်။

နေ့ခင်းမှာ ဖြစ်ပွားတဲ့ တိုက်ခိုက်မှု တချို့မှာ အိုင်အန်ဂျီအို ဝန်ထမ်း အနည်းဆုံး ၇ ယောက် ခန့် ပါတာ တွေ့ရပြီး သူတို့ကို စုံစမ်း ဖော်ထုတ်သွားမယ်လို့ ဆိုပါတယ်။

ဒီဝန်ထမ်းတွေဟာ နိုင်ငံခြားက လာတဲ့ အိုင်အန်ဂျီအို ဝန်ထမ်းတွေ မဟုတ်ဘဲ ဒေသခံ ဝန်ထမ်းတွေလို့ ဆိုပါတယ်။ ဒီလူတွေက ဒုက္ခသည် တွေကို ကူညီပေးနေတဲ့ သူတွေ ဖြစ်ပြီး ဘယ်အဖွဲ့က ဆိုတာ လောလောဆယ် မပြောသေးဘဲ စစ်ဆေးနေတယ်လို့ ပြောပါတယ်။

ဒီလူတွေ ပါဝင်တာကို ဒေသခံ ပြည်သူတွေက မှတ်မိ တိုင်ကြားတာ လို့လည်း သိရပါတယ်။

ရခိုင်ပြည်နယ် မြောက်ပိုင်းမှာ ဩဂုတ်လ ၂၅ ရက် ကစပြီး ARSA အကြမ်း သမားတွေရဲ့ တိုက်ခိုက် မှုတွေမှာ INGO ဝန်ထမ်းတွေ ပါဝင် နေတယ်လို့ အစိုးရက စွပ်စွဲ လိုက်ပြီး ဒီလို ပါဝင်တဲ့ သူတွေကို ဥပဒေနဲ့ အညီ အရေး ယူမယ်လို့ သမ္မတရုံး ပြောခွင့်ရ ဦးဇော်ဌေးက ပြောကြားထား ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ